Majestic Superstar na bansag kay Maja, inalmahan!

Majestic Superstar na bansag kay Maja, inalmahan!

August 1, 2022 @ 7:50 PM 2 weeks ago


Manila, Philippines – Katakutakot na panlalait ang inaani ngayon ni Maja Salvador na bibida sa sitcom ng TV5 na Oh My Korona.

Ang OMK ang pumalit sa time slot ng Rolling In It hosted by Yassi Pressman.

Set pa lang ng trailer ng OMK ay hindi nakaligtas sa pamba-bash. Halatang peke raw.

Pero higit sa lahat, hindi ma-take ng mga netizens ang bansag kay Maja bilang Majestic Superstar.

Kelan pa raw naging superstar si Maja?

May kumita na raw ba siyang pelikula?

Kesyo she’s not even a star.

At ang nakakatawa, ikinunek ng mga netizen ang salitang majestic sa pamosong label ng ham na mabibili sa Echague, Manila.

In fairness, may mga nagtanggol naman kay Maja.

Huwag daw kalimutan na ang kanyang Nina Nino sa TV5 ay naging top-rating program to the point na extended ang run nito dahil maganda ang pagkakagawa.

Ang ipinagtataka lang ng marami, since napapanood si Maja daily sa Eat Bulaga, how come na hindi ito ino-offeran ng show ng GMA?

Bakit nga ba? Ronnie Carrasco III