Major Gen. Macairog Alberto, bagong Army commanding general

Major Gen. Macairog Alberto, bagong Army commanding general

October 11, 2018 @ 6:12 PM 4 years ago


 

Manila, Philippines – Opisyal nang itinalaga ni Pangulong Rodrigo Roa Duterte si Intelligence Service of the Armed Forces of the Philippines (ISAFP) chief Major Gen. Macairog Alberto bilang bagong commanding general ng Philippine Army (PA).

Sinabi ni Special Assistant to the President (SAP) Bong Go na ang appointment paper ni MGen Macairog S Alberto ay ipinalabas sa Department of National Defense (DND)

“The appointment paper of MGen Macairog S Alberto, the newly appointed Commanding General of the Philippine Army has been released to the Department of National Defense, today, 11 October 2018,” ani Go.

Bukod kay Go ay kinumpirma rin ito ni Executive Sec. Salvador Medialdea.

Si Macairog ang papalit kay Army chief Rolando Bautista na nakatakdang itatalaga ni Pangulong Duterte bilang bagong Department of Social Welfare and Development (DSWD) secretary.

Bago naitalaga sa ISAFP, si Macairog ay nagsilbing commander ng Task Force Davao.

Siya ay tumanggap ng iba’t ibang medalya gaya ng Distinguish Service Star, Gold Cross Medal, at Bronze Cross Medal. (Kris Jose)