Malakanyang, nakiisa sa buong mundo sa pagdarasal ng kapayapaan sa Ukraine

Malakanyang, nakiisa sa buong mundo sa pagdarasal ng kapayapaan sa Ukraine

March 2, 2022 @ 2:40 PM 4 months ago


MANILA, Philippines – Nakikiisa ang Malakanyang sa bansa at sa buong mundo para sa pagdarasal para sa mas maaga at mapayapang resolusyon sa girian sa Ukraine.

“We reiterate the position of the Philippines that war benefits no one, and that it exacts a tragic, bloody toll on the lives of innocent men, women, and children in the areas of conflict,” ayon kay acting Presidential spokesperson at Cabinet Secretary Karlo Nograles.

Ang girian aniya sa Ukraine ay mayroong “economic, trade, and human resource implications” para sa bansa at sa sambayanang filipino.

Habang naka-monitor aniya ang gobyerno ng Pilipinas sa kasalukuyang situwasyon, ang bawat filipino ay may karapatan na malaman kung ano ang ginagawa ng pamahalaan na paghahanda sa kahit na anumang kaganapan.

“President Rodrigo Roa Duterte has given assurances that mitigating measures and contingency plans will be in place as part of the government’s pro-active response to the conflict in Ukraine,” ang pahayagni Nograles.

Nauna rito, pinulong ni Pangulong Duterte, kahapon, Marso 1,
ang ilang miyembro ng kanyang gabinete kasama ang mga matataas na opisyal ng Armed Forces of the Philippines (AFP) at Philippine National Police (PNP), at iba pang high-ranking officials, para pag-usapan ang posibleng senaryo kapag nagpatuloy at umigting ang Russia-Ukraine conflict.

Dahil dito, inaprubahan ni Pangulong Duterte ang rekumendasyon ng kanyang Economic Team na palakasin ang domestic economy, patatagin ang presyo ng mga pangunahing bilihin, magbigay ng social protection, at tuklasin ang diplomatic channels na makatutulong na maresolba ang nasabing hidwaan.

“As to food stability, the Chief Executive approved the recommendations of the Department of Agriculture (DA) to boost local food production. Kasama na rito ang pagpapataas ng produksyon ng pagkain sa pamamagitan ng pagpapatupad ng Plant, Plant, Plant Part Two, pagpapataas ng rice buffer stock na hindi bababa sa tatlumpung araw, pamamahagi ng tulong pinansyal sa ating mga nagsasaka ng palay, at pagtugon sa tumataas na presyo ng abono o pataba, tulad ng pagbibigay ng fertilizer subsidy at market access through bilateral discussions sa fertilizer-producing countries,” litaniya ni Nograles.

Bukod dito, inaprubahan din aniya ng Pangulo ang rekomendasyon ng DA hinggil sa pamamahagi ng fuel discount vouchers sa mga magsasaka at mga mangingisda bilang tugon sa tumataas na presyo ng langis, ang pagpapalago ng produksyon at pagpapaigting ng pananaliksik upang ibsan ang presyo ng feeds, at pagbibigay ng logistical support gaya ng food mobilization mula sa mga lalawigang mataas ang produksyon papunta sa mga syudad sa pamamagitan ng Kadiwa ni Ani at Kita, pag-deploy ng Kadiwa mobile vans/trucks at subsidiya sa transportation cost ng mga pangunahing bilihin.

Kung kinakailangan aniya ay nakahanda ang pamahalaan na isakatuparan ang implementasyon ng Price Control Law.

“We shall likewise continue talks with our partners and heighten negotiations with non-traditional partners to address threats to agricultural exports while improving our digital agricultural infrastructure and systems,” ani Nograles.

Ukol naman sa suplay ng langis, inaprubahan ng Chief Executive ang reklumendasyon ng Department of Energy (DOE) na ipatupad ang P2.5-B Pantawid Pasada, at P500-M fuel discount program para sa mga magsasaka at mangingisda.

Itutuloy din ng DOE ang pagmo-monitor ng kasapatan o kahustuhan ng suplay at kalidad at tiyakin na walang magaganap na short selling.

Para naman sa medium-term, nanawagan ang Malakanyang sa Kongreso na rebisahing mabuti ang Oil Deregulation Law, partikular na ang probisyon ukol sa unbundling o paghimay ng presyuhan ng produktong petrolyo at ang pagkakasama ng minimum inventory requirements sa batas, at maging ang bigyan ang gobyerno ng intervention powers/authority na makialam kapag mayroong pagtaas o pinahabang pagtaas ng presyo ng langis.

“Also, part of our medium-term measures are building of the strategic petroleum reserve infrastructure, ensuring Minimum Inventory Requirements (MIR) and advocating for energy conservation and efficiency,” ayon kay Nograles.

Sa kabilang dako, inaprubahan din naman ng Punong Ehekutibo ang rekumendasyon ng Department of Trade and Industry (DTI) na i- accelerate ang renewable energy adoption, suportahan ang investments sa Utility Scale Battery Storage para ma- maximize ang utilization ng renewable energy sources, suportahan ang investments sa modern storage facilities sa langis at butil para tumaas sa loob ng tinatawag na border holding capacity at bigyang kapangyarihan ang private sector na tumulong sa strategic stockpiling.

Samantala, kapuwa naman nagbigay ng kasiguraduhan ang AFP at PNP na ang tropa ng Pilpinas at military at police assets ay nakahanda na at mayroon ang mga ito ng kani-kanilang inihandang contingencies bilang paghahanda sa anumanmg kagapanan.

“In conclusion, we appeal for an immediate end to the unnecessary loss of life, and call on the states involved to forge an accord that can help prevent a conflagration that could engulf a world still struggling to recover from the COVID-19 pandemic,” ayon kay Nograles.

“The course of history and the fate of our world will be shaped by the decisions that will be made by its leaders. We are one in prayer, together with all peace-loving citizens, that they be guided by wisdom and a genuine desire to save lives, establish harmony among neighboring nations, and forge a just and lasting peace for humanity,” dagdag na pahayag ni Nograles. Kris Jose