NITONG nagdaang linggo,  pinasinayaan na ang monumento sa Masbate Sports Complex para sa football star na si Kieth Absalon, isang 21 anyos na binatang walang ibang hangarin kundi mapalawig pa ang kakayahan sa larangan ng pala­ka­san.

Ngunit nasayang lamang ang buhay nang kitilin ng mga halang ang kaluluwang komunistang-teroristang  New People’s Army (NPA), ang armadong unit ng Communist Party of the Philippines – National Democratic Front (CPP-NDF).

Isang taon na ang nakalipas mula nang pasabugan ng mga walang hiyang NPA ang biktima ng itinanim nitong anti-personnel mine sa dinaanan nina Kieth na sa­kay ng kanila bisikleta kasama ang kanyang mga kaa­nak na ikinamatay din ng kanyang pinsan na si Nolven.

Matapos pasabugan ay pinuntahan pa ng mga NPA ang mga katawan ng mga biktima upang siguruhing patay na ang mga ito. Nang nakitang may buhay pa habang nakabulagta at taas kamay na nagmamakaawa ay pinagbabaril pa sila sa tiyak na kamatayan.

Ito ba ang ating mga dapat kausapin pang muli para humarap sa usaping kapayapaan? Mga taong mali ang paniniwala at nakapipinsala. Sila ba ang dapat pa nating unawain?

Palagay ko’y hindi na. Ang iniwan na lang nilang pasakit at kalungkutan sa mga naulila ng kanilang biktima, ay ‘di na malilimutan. Hindi na hinaharap ang mga taong ganito, upang pag-usa­pan pa ang kapayapaan.

Kitang kita sa mga pang­yayari ‘di lamang sa sinapit nila Kieth at Nolven, kundi sa marami pang buhay na nawala, ang dala ng lagpas limangpung taon nang panggugulo ng CPP-NPA-NDF.

Ang susunod na admi­nistrasyon na nangakong itu­tuloy ang mga nasimulan ng Administrasyong Duterte na makipaglaban at makipagsabayan sa mga komunistang-terorista ay dapat nang tupa­rin upang matiyak na ang paghahari-harian ng CPP-NPA-NDF ay tunay na magwakas na.

Wala nang ibang paraan kundi ang lipulin ang mga hunghang na ito na pahirap lamang sa bansa.

Assalamu Alaikum Wa­rahmatullahi Wabarakatuh!

Manila, Philippines – Nilinaw ng Department of Health na ang lahat ng indibidwal na nakapag-generate na ng kanilang digital COVID-19 vaccine certificates sa  VaxCertPH ay dapat mag-request ng bagong bersyon.

Ito ay dahil sa nakapag-update na ang VaxCertPH ng bagong features.

Sinabi naman ng DOH na maaaring i-regenerate ang code sa vaxcert.doh.gov.ph o magtungo sa lugar na pinagbakunahan.

Kalakip sa VaxCertPH ang personal data ng holder, brand at lot number ng bakuna, lugar, at date kung kailan ito naiturok.

Mayroon ding QR code na gagamitin sa Vaccination Information Management System.

Habang maaari rin itong ‘digital proof of vaccination’ sa mga magtutungo sa ibang bansa. RNT/FGDC

BEIJING, CHINA – Tinataya ng mga eksperto sa United States at China na malapit nang magkaroon ang United States ng isang milyong kaso ng COVID-19 habang nagkaroon naman ng 50 milyong kaso sa European Union.

Ginawa ang pagtaya ng mga eksperto batay sa nagaganap ngayon sa US na paglalaro ng may impeksyon sa 989,012 nitong Enero 4, 221 at sinumdan ito ng 916,000 kinabukasan; Enero 6 – 757,999; at Enero 7 – 758,93.

Dalawang malalaking dahilan umano ang nagtutulak ng grabeng dami ng may impeksyon – ang sobrang pagtitiwala sa bakuna na sinasabayan ng pagbalewala sa mga health protocol gaya ng pagsusuot ng face mask at social distancing.

Pinuna ng mga eksperto ang pagselebra ng mga Amerikano ng Bagong Taon na walang suot na face mask, paghahalikan at pagyayakapan at dikitang mga sayawan.

Sa Europa naman, sa kabila ng mga istriktong patakaran sa pagbabakuna, health protocol at lockdown, marami ang sadyang ayaw magpabakuna at gusto ring hindi na magsuot ng mga face mask at mag-social distaning.

Kaya naman, sa nakaraang buong linggo, iniulat na nagka-COVID ang nasa 50 miyong Europeo mula sa 27 miyembro ng EU, partikular ang nasa 17 bansa na kinabibilangan ng Italy na may mahigit 200,000 biktima araw-araw; France – 300,000; United Kingdom – nasa 200,000; at Spain – 150,000-300,000.

Ngayon sinasabing nagsimula nang malunod ang mga ospital ng mga pasyente na sinasabayan ng pagkakasakit ng mga doktor at nars kaya masama na ang kalagayan ng mga sistemang pangkalusugan sa mga ito o pag-aasikaso sa mga maysakit.

Bagama’t hindi gaanong nakamamatay ang Omicron variant na sanhi ng maramihan at mabilisang paglobo ng mga nagkaka-COVID, posible umanong magkaroon na rin ng maraming kamatayan lalo’t kakambal ng Omicron variant ang Delta variant na kilalang mabagsik sa buhay ng tao. FRED CABALBAG

NAGSIMULA nang pagbawalan ng United Kingdom, Europa, Israel at Singapore at iba pa ang sinomang manggagaling sa ilang bansa sa Africa upang mapigilan ang pagpasok sa kanila ng bagong labis na nakahahawang coronavirus variant.

Nagaganap ito makaraang magkaroon ng kaso ng nasabing variant na B.1.1.529 sa South Africa, Botswana, Hong Kong at Israel.

Una ang UK at the Netherlands na nagsara na ng anomang biyahe sa South Africa, Botswana, Namibia, Zimbabwe, Eswatini o Swaziland at Lesotho.

Sumunod na ring itinuring na nasa red list ng Israel, Italy at Singapore ang nasabing mga bansa sa Africa, kasama ang Mozambique.

Itinuturing na red list sa COVID-19 ang isang bansa kung may 500 kaso kada 100,000 mamamayan sa nakalipas na 28 araw at kung ganoon, bawal ang pagtanggap sa sinomang nanggagaling mula rito, bukod lang ang mga umuuwing Pilipino.

Sa ngayon, kasama sa green list ang South Africa habang sa yellow list ang Botswana.

Sa green list countries, halos walang pagbabawal sa mga pagpasok at paglabas sa mga ito habang sa yellow list countries, gaya ng Pilipinas, naririyan ang limitadong paglabas o pagpasok.

Ayon sa mga nag-aaral sa bagong variant, may 30 itong mutation o uri ng virus kumpara sa  dalawa sa Delta variant na nananalasa sa buong mundo, partikular sa Europa.

Pinangangambahang higit na mabagsik ito at nasa 75 porsyento na ito kumpara sa iba pang mga variant sa South Africa.

Maaari umanong hindi uubra o magiging epektibo rito ang mga bakuna na nakaugnay ang pagkakagawa sa virus na nagsimula sa Wuhan, China.

Nagbababala na rin ang World Health Organization sa posibleng pagkalat nito sa mundo kung walang gawing pag-iingat ang mga bansa. FRED CABALBAG

 Alam ninyo, bok, hanggang ngayon umaasa pa rin ang 1Sambayan sa pamumuno ni ex-Supreme Court Associate Justice Antonio Carpio na malakas pa rin ang kanilang manok na si VP Leni Robredo.

Kamakailan lang, inihayag ng opposition coalition na 1Sambayan na si VP Robredo ang kanilang manok na panagupa para sa presidential candidate sa May 2022 election.

 Hindi natin minamaliit ang kakayahan ng opposition coalition na 1Sambayan pero parang nakikita ko na ito na ‘yung katapusan ng pamamayagpag ng mga dilawan sa halos ilang dekada.

Simula noong mapatalsik nila sa poder si dating Pangulong Ferdinand Marcos na roon sila nagsimulang namayagpag, akala ng mga dilawan wala na silang katapusan .

Ngayon kahit ipanlalaban ng opposition coalition 1Sambayan si Mrs. Robredo sa presidentiables, kakain ito ng maraming alikabok kay dating Senador Bongbong Marcos.

Bakit kanyo?

 Una, wala nang kamandag ngayon ang mga dilawan dahil sa wala na silang matibay-tibay na mamumuno sa kanilang hanay para magapi nila ang kanilang mga makakabangga sa 2022 election.

Tanggapin man o hindi ni Mrs. Robredo ang hiling ng kanyang mga kasamahang dilawan na tumakbong Presidente, malabong manalo siya dahil hindi lang naman isa ang kanyang makababangga sa presidentiables.

 Dahil ang mga makakasagupa niya rito ay sina Sen. Manny Pacquiao, Sen. Ping Lacson at ang dating Sen. Bongbong Marcos na palaging top sa mga survey rating nito.

Kung si Leni rin lang ang makakalaban ni Bongbong Marcos sa presidentiable sa 2022 election, kakain ng maraming bigas si Leni.

 Bakit kanyo?

 Ngayon pa lang, nangunguna na si Marcos sa mga lumalabas na survey na talagang dala siya ng mamamayang Pilipino na walang kadu-duda dahil mismo ang masa ang mag-aangat kay BBM.

Anomang puna o reklamo, i-text sa 0918924746, 09266719269 o i-email sa [email protected] o juan [email protected].