Manila judge sinuspinde ng SC sa ‘homophobic remarks’
July 7, 2022 @ 5:24 PM
1 month ago
Views:
149
Shyr Abarentos2022-07-07T16:33:57+08:00
MANILA, Philippines- Sinuspinde ng Supreme Court (SC) nitong Huwebes ang isang Manila judge sa loob ng 30 araw matapos maghayag ng “homophobic slurs” laban sa dalawa sa kanyang litigants sa korte.
Sa 18-page decision ni Justice Alfredo Benjamin Caguioa, sinususpinde sa loob ng 30 araw si Manila Metropolitan Trial Court Branch 26 Presiding Judge Jorge Emmanuel Lorredo dahil sa kanyang “improper remarks,” at pinagmumulta ng P50,000 para sa sexual harassment, simple misconduct, at conduct unbecoming ng isang judge.
Naghain sina Marcelino Espejon at Erickson Cabonita noong 2019 ng reklamo laban kay Lorredo sa pagpapakita ng “bias and partiality” laban sa kanila at kanilang their sexual orientation sa isang preliminary conference, sa pagtatanong nito sa kanila ukol sa homosexuals at pagtawag sa homosekswalidad bilang “kasalanan”.
“Pagka-bading, tomboy, lesbian, ayaw ng Diyos yun… So pag meron kang lesbian relationship, paparusahan yung anak mo. Dengvaxia di ba? [Kayo din] kasi may kasalanan kayo sa Diyos eh,” sabi ng SC ayon kay Lorredo.
“The Court rules that such remarks constitute homophobic slurs, ‘which have no place in our courts of law.’ Thus, for issuing the inappropriate statements, respondent judge violated the New Code of Judicial Conduct, which imposes on judges the duty to ensure equal treatment of all before the courts and to understand diversity arising from race, sex religion, age, sexual orientation, and social and economic status, among others,” pahayag ng Supreme Court.
Ayon pa sa SC, ang pahayag nu Lorredo ay labag sa resolusyon ng Civil Service Commission, na tumutukoy sa sexual harassment bilang “acts that might be reasonably expected to cause discrimination, insecurity, discomfort, offense, or humiliation.”
Napag-alaman din ng Korte Suprema na umamin ang suspendidong judge na ang desisyon sa 101 kaso na nahawakan niya ay batay sa Bibliya, at hinayaan ang kanyang religious beliefs na makaimpluwensya sa kanyang judicial functions.
“As this gave the litigants the impression that the respondent with partiality, the Court held that respondent judge failed to fulfill his duty to not only act with impartiality but to appear impartial at all times,” dagdag ng SC. RNT/SA
August 18, 2022 @3:58 PM
Views:
0
MANILA, Philippines – Inanunsyo ng Bangko Sentral ng Pilipinas ngayong hapon, Agosto 18 na magtataas ito ng interest rate ng halos 3.75%.
Ito ay upang malabanan ang patuloy na pagtaas ng presyo ng mga bilihin sa merkado.
Ang 50-basis point rate hike ay lumabas matapos ang 75-basis off-cycle increase ng Monetary Board noong Hulyo.
Nangangahulugan ang mas mataas na interest rate ay mas magiging mataas rin ang ipapatong na kabayaran sa uutanging salapi at dahil dito ay mas pipiliin na lamang umano ng mga konsumidores na huwag gumastos.
Nagreresulta naman umano ang hindi paggastos ng mga customers upang mapigilan ang tuloy-tuloy na pagtaas ng presyo ng mga bilihin.
Sa kabila ng inanunsyong interest rate hike, siniguro naman ni BSP Governor Felipe Medalla na matatag ang ekonomiya ng bansa upang makayanan ito.
Ang mga banko at lending companies ay bumabase sa inilalabas na interest rate hike ng BSP na magsisilbing benchmark o batayan naman sa mga loan, credit card at deposit rates. RNT
August 18, 2022 @3:50 PM
Views:
4
MANILA, Philippines – Isinasaalang-alang ng Commission on Elections (Comelec) na tapusin ang pagsasagawa ng lahat ng 18 plebisito sa buong bansa sa Enero o Pebrero sa 2023, sinabi ni Comelec Chairman George Garcia.
Ayon kay Garcia, patuloy ang paghahanda ng poll body para sa barangay at sangguniang kabataan elections ngayong taon kaya maisasakatuparan ang 18 plebisito sa Enero o Pebrero 2023.
Sinabi ng Comelec na ang pag-imprenta ng election paraphernalias ay nagsimula na noong Agosto 2 para sa sumusunod na plebisito:
– Ratipikasyon ng paglikha ng barangay New Canaan sa labas ng Barangay Pag-asa sa Alabel, Sarangani noong Agosto 20, 2022
– Ratipikasyon ng conversion ng munisipyon ng Calaca sa Batangas sa isang bahaging lungsod sa Setyembre 3, 2022
– Pagpapatibay ng paghahati ng lalawigan ng Maguindanao sa Maguindanao del Norte at Maguindanao del Sur sa Setyembre 17.
– Ratipikasyon ng pagsasanib ng 28 barangays sa mga barangay at isang natitirang barangay sa Ormoc City sa Oktubre 8.
Bagamat sinabi ni Garcia na madali ang pagsasagawa ng plebisito dahil isusulat lamang ang “yes” o “no” subalit nagpahayag ito ng pag-aalala sa posibleng tension na mangyayari sa nasabing proseso.
Sinabi ni Garcia na pinakikilos ng Comelec ang Armed Forces of the Philippines, Philippine National Police at Department of Education para matiyak ang ligtas at mapayapang pagsasagawa ng mga plebisito. Jocelyn Tabangcura-Domenden
August 18, 2022 @3:37 PM
Views:
5
MANILA, Philippines – Hinimok ni Senador Risa Hontiveros si Pangulong Ferdinand ‘Bongbong’ Marcos Jr. na ikonsidera ang pagtatalag ng maaasahan at full time na kalihim sa Department of Agriculture.
Ito ay para na rin matugunan umano ng mas maayos ang nararanasang krisis sa pagkain at malinis rin ang mga kontrobersiyang kinakaharap ng kagawaran.
“This fiasco with the SRA (Sugar Regulatory Administration) is just the tip of the iceberg when it comes to the chaotic organization and operation of the DA. The President should reconsider his position and appoint a competent person who would take charge of the DA, end all controversies in the department, and focus on helping farmers and ensuring adequate food supply in the country,” pahayag ni Hontiveros.
“Kapag tumaas ang presyo ng asukal, magmamahal din ang presyo ng maraming produkto at bilihin. Sobrang pahirap na iyan sa mamamayan. Hindi pwedeng part-time job ang pagtutok sa krisis na ito. Kailangan natin ng magaling at maayos na Secretary sa DA na full-time na tutulong sa mga magsasaka at konsumer,” dagdag pa niya.
Pagdidiin rin ni Hontiveros, nagdudulot lamang umano ng kalituhan ang pag-upo ng Pangulo bilang kalihim ng Department of Agriculture.
Matatandaan na nauna nang sinabi ni Pangulong Marcos na siya muna ang uupo bilang kalihim ng Department of Agriculture sa pagsisimula ng kanyang termino. RNT
August 18, 2022 @3:28 PM
Views:
12
MANILA, Philippines – Aksidenteng nahulog mula sa ika-apat na palapag ng isang paaralan ang Grade 1 pupil na batang lalaki Miyerkules ng hapon sa Navotas City.
Kaagad na isinugod ng security guard at utility personnel ng San Rafael Village Elementary School sa Tondo Medical Hospital ang 7-taong gulang na batang lalaki na sa kasalukuyan ay nakaratay pa sa naturang pagamutan matapos isailalim sa pagsusuri ng mga doktor.
Sa imbestigasyon ng mga tauhan ng Navotas Police Women and Children’s Protection Deks (WCPD), nasa ika-apat na palapag ng naturang paaralan sa Brgy. San Rafael ang bata nang makita na lamang ng utility personnel na si Rommel Ballad na aksidenteng nahulog dakong alas-2:30 ng hapon.
Inatasan naman ni Ginoong Michael Daco, principal ng naturang paaralan ang school teacher na si Ethenel Jaime na alalayan ang mga magulang ng bata na kaagad ding nagtungo sa pagamutan upang alamin ang kondisyon ng kanilang anak.
Hindi naman nakalagay sa ulat ng pulisya kung naglalaro o may kasama pang ibang bata ang biktima sa ika-apat na palapag nang mangyari ang aksidente. Boysan Buenaventura
August 18, 2022 @3:23 PM
Views:
16
MANILA, Philippines – Inilabas ng Metropolitan Manila Development Authority (MMDA) ang mga kalsada na sakop ng ipinapatupad na number coding scheme.
Batay sa “Unified Vehicular Volume Reduction Program” ng MMDA, simula alas-7 ng umaga hanggang alas-8 ng gabi ay ipatutupad ito sa lahat ng major thoroughfares habang ang mga secondary roads naman ay ang kanya-kanyang local government units ang may hurisdiksyon kung anong number coding scheme ang kanilang ipatutupad.
Nabatid sa MMDA na ang lahat ng sakop ng circumferential at radial roads sa Metro Manila ay “no window hour policy”.
Kabilang sa mga radial roads ay ang Roxs Boulevard mula C.M. Recto Ave. hanggang MIA Road; Taft Avenue mula Lawton hanggang Redemptorist; Pres. Osmeña Hughway mula Pres. Uirino Ave. hanggang Nichols Interchange; Shaw Boulevard mula Ramon Magsaysay Blvd. hanggang Pasig Blvd.; Ortigas Avenue mula Santolan hanggang Imelda Avenue; Aurora Blvd / Magsaysay Blvd mula Legarda / Ramon Magsaysay hanggang C5 Katipunan; España, Quezon Ave. at Commonwealth Ave. mula Carlos Palanca hanggang Quezon Ave. hanggang Commonwealth Ave. hanggang Mindanano Ave.; A. Bonifacio Ave. mula Blumentritt hanggang EDSA Balintawak; Rizal Ave. mula Carriedo hanggang Monumento, Caloocab City; at Northern Coastal mula Recto hanggang C-4.
Sa circumferential roads naman ay kabilang ang C.M. Recto Ave. mula Roxas Blvd. hanggang Legarda; A.H. Lacson Ave., Pres. Quirino Ave. mula Roxas Blvd. hanggang R-10; G. Araneta Ave., Sgt. Rivera mula N. Domingo to R-10; EDSA mula R-10 hanggang Macapagal Blvd.; at Pres. C.P. Garcia Avenue mula Commonwealth Ave. hanggang South SuperHighway.
Bukod sa mga nabanggit ay may ilan pang pangunahing lansangan ang kabilang sa number coding scheme kung saan kabilang na dito ang A. Mabini St. mula Samson Road hanggang C-3; Alabang Zapote Road mula Alabang hanggang Real St. Quirino Ave.; Mc Arthur Highway mula Monumento Circle hanggang Valenzuela/Meycauyan Boundary; Marcos Highway mula Katipunan hanggang Sumulong Highway; Las Piñas City; Mandaluyong City; at Makati City. JAY Reyes
