Marcos-Biden meeting sa New York pinaplantsa na – DFA

Marcos-Biden meeting sa New York pinaplantsa na – DFA

August 6, 2022 @ 4:30 PM 3 days ago


MANILA, Philippines- Makikipagkita si Pangulong Ferdinand Marcos Jr. kay US President Joe Biden sa susunod na buwan sa sidelines ng United Nations General Assembly sa New York, ayon sa Department of Foreign Affairs (DFA) nitong Sabado.

“We agreed to work together over the next couple of months in firming up opportunities for our presidents for a possible meeting on the sidelines of UN General Assembly in New York next month, as well as a possible visit by President Marcos to Washington, DC,” sabi ni Foreign Affairs Sec. Enrique Manalo sa isang joint press conference kasama si US State Secretary Antony Blinken.

“The issue is when that visit will take place, which would depend on the schedule of both presidents.

“Talks would be on trying to find what date might be suitable for both,” aniya pa.

Ang “UN General Assembly meeting will be the first time that the President-elect Ferdinand Marcos Jr. will be in front of an important number of head of states,” ayon kay UN Resident Coordinator in the Philippines Gustavo Gonzalez noong Hunyo.

Ang UNGA ang main policy-making organ ng organisasyon. Base sa UN website, kabilang sa mga desisyong nakasalalay dito ang pagtatalaga sa secretary-general, paghalala sa non-permanent members ng Security Council, at pag-apruba sa UN budget.

Nagpupulong ang Assembly mula Setyembre hanggang Disyembre kada taon, anito.

Nauna nang sinabi ni US Deputy Secretary of State Wendy Sherman na maaaring pumunta si Marcos saUnited States nang hindi naaaresto para sa $353-million contempt order laban sa kanyang pamilya kaugnay ng human rights case.

“The fact is when you are head of state, you have immunity in all circumstances and are welcomed to the United States in your official role,” ani Sherman noong Hunyo 9. RNT/SA