Marcos sa PSC: Lydia de Vega, tulungan

Marcos sa PSC: Lydia de Vega, tulungan

July 21, 2022 @ 4:10 PM 3 weeks ago


MANILA, Philippines- Ipinag-utos ni Pangulong Ferdinand “Bongbong” Marcos Jr. sa Philippine Sports Commission na tulungan si Philippine sports legend Lydia de Vega na lumalaban sa Stage 4 breast cancer.

Kinumpirma ito ni PSC executive secretary at officer-in-charge Atty. Guillermo Iroy Jr. nitong Huwebes.

“Yes it’s the direct instruction of the PBBM to extend necessary assistance to Diay (de Vega) and was so sad upon learning the situation of Lydia de Vega,” ani Iroy.

Humihingi ng suporta ang pamilya ni De Vega dahil ang Philippine Track and Field legend ay kasalukuyang “in very critical condition” dahil sa mga komplikasyong dulot ng breast cancer.

Si De Vega, na itinuturing noon na Asia’s fastest woman, ay isang  two-time gold medalist sa Asian Games at isang atletang nagkamit ng maraming medalya mula sa Southeast Asian Games.

Isa rin siya sa flag bearers ng SEA Games Federation flag, kasama ang iba pang Filipino sports legends, sa 2019 edition ng biennial meet na ginanap sa bansa. RNT/SA