Mas mabigat na pananagutan ng Private Employment Agency sa mga kasambahay, itinutulak sa Senado
March 2, 2023 @ 3:26 PM
3 weeks ago
Views: 209
Shyr Abarentos2023-03-02T15:27:17+08:00
MANILA, Philippines- Gustong amyendahan ni Senador Lito Lapid ang Republic Act (R.A.) No. 10361, na kilala bilang “Batas Kasambahay”, upang lumikha ng probisyon sa pananagutan at responsibilidad ng private employment agencies (PEAs) sa pangangalap ng domestic helpers.
Sa panukala, sinabi ni Lapid na nakatakda sa “Batas Kasambahay” ang karapatan at liabilities ng domestic helpers at kanilang employer kabilang ang standard requirements na ipapataw ng PEA sa aplikante na gustong magtrabaho bilang domestic helper.
Kabilang dito, ayon kay Lapid, ang medical or health certificate na ipinalabas ng isang local government health officer, barangay at police clearance, National Bureau of Investigation clearance, at duly authenticated birth certificate o anumang dokumentong magpapakita ng tunay na edad ng aplikante.
Pero naniniwala si Lapid na hindi sapat ang pagsusumite lamang ng standard requirements upang protektahan ang nagbabayad sa serbisyo ng PEA.
Kaya kanyang inihain ang Senate Bill No. 1811, upang amendahan ang “Batas Kasambahay” na mangangalaga sa employer at kanilang pamilya laban sa sinumang gagamit ng PEA sa paggawa ng kanilang intensyong kriminal kaya kailangan magtakda ng mas malawak na responsibilidad at pananagutan mula sa PEA.
“Ang pagsusumite lamang ng mga pamantayang kinakailangan na ito ay hindi sapat upang protektahan ang mga kumukuha ng serbisyo ng mga PEA. Ang layunin nitong ating inihaing panukalang batas ay maprotektahan ang mga employer at ang kanilang mga pamilya sa loob ng kanilang tirahan laban sa mga maaaring gumamit ng mga PEA sa mga posibleng kriminal na intensyon,” ayon kay Lapid.
Pananagutin ng panukala ang PEAs sa employer sa lahat ng sinahod, beneisyo at iba pang na naibigay sa domestic helper sakaling makagawa ito ng anumang labag sa batas. Kabilang sa magiging responsibilidad ng PEAs ang pagsasagawa ng background check, pagsusuri ng tunay na pagkakakilanlan at personal circumtances ng domestic helper sa pamamagitan ng angkop na dokumento.
“Layunin rin nitong S.B. No. 1811 na panagutin ang mga PEA at tiyaking magsasagawa sila ng masigasig na pagsusuri sa background at aktuwal na pag-verify ng pagkakakilanlan at background ng pamilya ng domestic helper, gayundin matiyak na sila ay hindi sisingilin ng anumang recruitment o placement fee,” ayon kay Lapid.
Dagdag ng panukala: “PEAs will be responsible for providing a pre-employment orientation briefing to the domestic worker and employer about their rights and responsibilities under the “Batas Kasambahay”. They will also be required to keep copies of employment contracts and agreements pertaining to recruited domestic workers, which must be made available during inspections or whenever required by the Department of Labor and Employment or local government officials.”
Inaatasan din ng panukala ang PEAs na tulungan ang domestic helper na magsampa ng reklamo o hinaing laban sa kanilang employer at makipagtulungan sa ahensiya ng pamahalaan sa anumang rescue operations na kinasasangkutan ng pang-aabuso at pagmamalabis sa DH.
“These changes will provide greater protection for both domestic helpers and their employers, and will help prevent criminal acts in households where domestic helpers are employed. Senate Bill No. 1811 is currently pending review and approval by the Senate,” ayon kay Lapid. Ernie Reyes
March 23, 2023 @7:40 PM
Views: 57
MANILA, Philippines- Sinabi ni Pangulong Ferdinand R. Marcos Jr. na mino-monitor ng Board of Investments (BOI) ang 90 active investment leads mula Chinese companies ng iba’t ibang sektor kasunod ng kanyang state visit sa China noong Enero.
“I am pleased to share that as of February 2023, the BOI, the Board of Investments is monitoring 90 active investment leads from Chinese companies engaged in manufacturing, information technology, business process management, and renewable energy,” ayon kay Pangulong Marcos sa kanyang naging talumpati sa idinaos na 33rd Biennial Convention ng Federation of the Filipino-Chinese Chambers of Commerce and Industry Inc. (FFCCCII) sa Pasay City.
“May you all take hold of and maximize these prospects as you venture into your next endeavors for the benefit of our people and for our communities,” ang sinabi ng Pangulo sa mga opisyal at miyembro ng FFCCCII.
Pinahalagahan ang naging partisipasyon ng FFCCCII sa kamakailan lamang na presidential visit sa China, tiniyak ni Pangulong Marcos sa Chinese-Filipino businessmen na ang usapin na nabanggit noong Setyembre sa courtesy call ay natugunan na ng kanyang administrasyon.
Upang makapanghikayat ng mas maraming investments sa energy sector, at tiyakin na sapat ang power supply at mababa ang electricity costs, sinabi ng Pangulo na inamiyendahan ng kanyang administrasyon ang Implementing Rules and Regulations (IRR) ng Renewable Energy Act, nag-alis sa foreign ownership restrictions para sa ilang Renewable Energy (RE) generation projects sa Pilipinas.
Upang mas ma-streamline ang business permit at licensing processes, nagpalabas ang administrasyon ng Executive Order na naglalayong “constituting green lanes for strategic investments.”
“These are just some of the recent exciting opportunities, proving that the relationship between the government and the federation remains enduring and thriving in a highly globalized world,” ayon sa Pangulo sabay sabing bilang head of state, tungkulin niya na lumikha ng “enabling environment” para sa mga negosyo at gawing investment haven ang bansa.
“In return, I only ask that you continue to do what you do best: to remain industrious, innovative, and compassionate in improving the lives of our people through your business initiatives,” ang wika ng Pangulo.
Kinilala naman ng Pangulo ang papel ng FFCCCII bilang “catalyst for growth” mula ng magsimula ito noong 1954, binigyang diin ang inisyatiba para makaabot hangga’t maaari sa mas maraming komunidad bitbit ang Operation: Barrio Schools and Operation: Bakuna nito.
“We deeply appreciate your assistance in conducting medical missions and typhoon
and earthquake relief operations. As you conduct your biennial convention today, may you reaffirm your commitment to support the government in accelerating the country’s development efforts,” diing pahayag ni Pangulong Marcos.
Ang FFCCCII ay isang non-stock, non-profit corporation na binubuo ng 170 member chambers at trade associations sa iba’t ibang bahagi ng bansa, aktibong nauugnay sa “trading, manufacturing, service industry at iba pang economic activities.”
“The Federation’s four-day convention, attended by around 820 delegates including the country’s top Filipino-Chinese business leaders, has for its theme: “Unity for Development and Prosperity.” ayon sa ulat. Kris Jose
March 23, 2023 @7:30 PM
Views: 68
MANILA, Philippines- Makatatanggap ng mas mataas na honoraria ang poll worker na magsisilbing Electoral Boards (EBs) sa darating na Barangay at Sangguniang Kabataan Elections (BSKE), inihayag ng Commission on Elections (Comelec) ngayong Huwebes.
Ayon kay Comelec Chairperson George Garcia, ang mga guro na magiging bahagi ng mga botohan sa Oktubre 2023 ay nakatakdang tumanggap ng minimum na P8,000 hanggang P10,000.
“We will make it PHP10,000; PHP9,000 and PHP8,000. We will match it to what teachers receive in automate elections,” ani Garcia sa press conference.
Ayon kay Garcia, gagawin itong epektibo sa Barangay at SK elections.
Pero sinabi ni Garcia na hindi exempted sa Value Added Tax (VAT) deduction ang pagbabayad para sa mga guro dahil sasailalim pa rin sa 20 percent VAT ang honoraria ng mga guro.
Mas mataas ang bagong bayad kaysa sa natanggap ng mga guro sa nakaraang BSKE, na nasa P6,000, P5,000, at P4,000.
Sa botohan noong May 2022, mahigit 75,000 guro ang nagsilbi bilang Electoral Boards.
Ang EB ay binubuo ng isang tagapangulo, dalawang miyembro, Department of Education Supervisor Official (DESO) at support staff. Jocelyn Tabangcura-Domenden
March 23, 2023 @7:22 PM
Views: 60
MANILA, Philippines- Tuluyan nang ipagbabawal ang pagtuturo sa lahat ng public school ang anumang may kinalaman sa SOGIE o sexual orientation and gender identity expression sa estado ng California, United States.
Sa ngayon, mula Kindergarten hanggang Grade 3 pa lang ito ipinagbabawal subalit sa mga darating na araw, maging sa buong K to 12 na.
Ito’y makaraang ipanukala ng Florida Department of Education sa State Board of Education ang pagbabawal ng SOGIE nang buo.
Hindi na umano kailangan pang idaan ang panukala sa kamay ng mga mambabatas sa nasabing estado at dedesisyunan na ito ng State Board sa Abril 17.
Nauna rito, inaprubahan ang pagbabawal ng SOGIE sa mababang antas ng mga eskwelahang pampubliko ni Republican Florida Governor Ron DeSantis noong nakaraang taon.
Ipinaalam na ito sa mga magulang ng mga bata ang nasabing batas at ang panuklang magpapalawak nito sa buong sistema ng edukasyon, ayon kay DeSantis spokesperson Bryan Griffin.
Walang dahilan para ituro ito sa mga eskwela at dapat nang buong itigil ito, dagdag niya.
Kung gusto ng iba na ituro o pag-usapan ito, sa labas na lamang umano ng eskwela.
Binatikos naman ito ng mga nagtataguyod ng Lesbian, Gay, Bisexual, Trasgender and Queer at kasama nila si White House spokesman Karine Jean-Pierre na isang Democrat nagsabing maling-mali ang panukala.
Kasama ang Florida ng Alabama, Louisiana, Arizona, Mississippi, Oklahoma, South Carolina, Texas, Utah at North Carolina na nagbabawal sa mga pampublikong eskwela na isama sa aralin ng mga bata ang SOGIE. RNT
March 23, 2023 @7:20 PM
Views: 75
MANILA, Philippines- Naaresto ng Criminal Investigation and Detection Group (CIDG) personnel ang 16 wanted na indibidwal sa two-day simultaneous anti-criminality campaign.
Sinabi ni CIDG chief Brig. Gen. Romeo Caramat na sa ilalim ng flagship project ng grupo, ang kampanya laban sa wanted persons o Oplan Pagtugis, nagsagawa ng 16 pursuit operations na nagresulta sa pagkakaaresto ng 16 wanted persons (WPs)– lima na nakalista sa regional; dalawa sa ilalim ng provincial; isa sa municipal level, at walo pang wanted persons.
Nagsagawa ang grupo ng 31 operasyon, kung saan nalambat ang 39 suspek sa simultaneous anti-criminality campaigns noong March 18 at 19.
Inihayag ni Caramat na sa kampanya laban sa loose firearms sa ilalim ng Oplan Paglalansag Omega, naaresto ng CIDG ang isang suspek sa police operation at nasamsam ang apat na firearms.
Nagresulta ang Oplan Bolilyo o kampanya laban sa illegal gambling sa pagkakaaresto sa 11 indibidwal aat pagkakasabat ng bet money na nagkakahalaga ng P6,810 sa apat na operasyon.
Ayon kay Caramat, nagresulta naman ang Oplan Kalikasan sa pagkakaaresto ng 11 indibidwal, habang 23 minors ang nasagip sa kampanya laban sa law enforcement activities.
“(The) CIDG is relentless in the implementation of its flagship programs to put an end on all illegal activities and hold criminals accountable. Makakaasa kayo na kami ay patuloy na kikilos at tutugon sa anumang paraan upang mapanatili ang ligtas at payapang komunidad,” aniya. RNT/SA
March 23, 2023 @7:10 PM
Views: 75
MANILA, Philippines- Nagpalabas ang Philippine Atmospheric, Geophysical and Astronomical Services Administration (PAGASA) nitong Huwebes ng El Niño Watch kung saan nakasaad ang mas mataas na tiyansa ng El Niño conditions sa ikatlong quarter ng 2023.
Sinabi ni PAGASA-Climate Monitoring and Prediction Section chief Ana Liza Solis na inisyu ang El Niño Watch, dahil naging mas pabor ang climate conditions para sa pagkakaroon ng El Niño sa susunod na anim na buwan, sa tiyansang 55 porsyento.
Batay sa conditions at model forecasts kamakailan,sinabi ni Solis na posibleng magkaroon ng El Niño sa July-August-September 2023 season at umabot hanggang 2024. Huling nagkaroon ng El Niño noong 2018-2019.
Patuloy na binabantayan ng PAGASA ang El Niño Southern Oscillation (ENSO) conditions sa tropical Pacific mula nang ipalabas ang huling La Niña advisory noong March 10.
Base kay Solis, karaniwang nagdudulot ang namumuong El Niño ng paglakas ng southwest monsoon, dahil bago ang tagtuyot, ilang bahagi ng bansa partikular ang kanlurang parte, ang maaaaring makaranas ng “above-normal” rainfall.
Binanggit niyang halimbawa ang Ondoy na nagdulot ng malakas na pag-ulan sa Metro Manila at mga karatig-lugar sa pre-development ng El Niño noong 2009.
Batay sa latest analysis, inihayag ni Solis na maaari ring makaapekto ang El Niño sa pag-ulan sa Visayas at Mindanao, dahil makararanas umano ang mga rehiyong ito ng“below-normal” rainfall sa mga susunod na buwan.
Inabisuhan naman nito lahat ng concerned government agencies at ang publiko ba bantayan ang official updates at mag-ingat laban sa epekto ng El Niño. RNT/SA
