Mas maraming bansa, maghihigpit sa mga biyahero galing Tsina

Mas maraming bansa, maghihigpit sa mga biyahero galing Tsina

January 2, 2023 @ 8:10 AM 4 weeks ago


BEIJING- Pinaghihigpitan ang mga biyahero galing China sa mahigit isang dosenang bansa, sa pag-igting ng pangamba sa paglobo ng COVID-19 cases, kung saan ikinasa na rin ng Australia ang rekisitos na negative test bago ang arrival.

Nitong nakaraang buwan, sinimulan ng Beijing ang pagbuwag sa “zero-COVID” containment policy ng lockdowns at mass testing, tatlong taon matapos unang maiulat ang coronavirus sa lungsod ng Wuhan.

Sa pagsirit ng COVID-19 sa Chinese hospitals at crematoriums, iginiit ng mga opisyal na ang wave ay “under control” sa kabila ng pagtanggap na imposible umanong ma-track ang tunay na bilang ng impeksyon.

Binanggit ng health minister ng Australia nitong Linggo ang “lack of comprehensive information” ng Beijing ukol sa COVID-19 cases bilang rason sa travel requirement, na epektibo simula January 5. Ang aksyong ito “will safeguard Australia from the risk of potential new emerging variants,” aniya.

Sa mga nakalipas na araw, nagkasa rin ang Canada, United States, United Kingdom, France, Italy, Spain, Japan, South Korea at Taiwan ng negative COVID-19 test requirement o testing para sa mga biyahero galing China.

Nagsimulang magpatupad ng global travel restrictions began sa inaasahang pagdagsa ng mga bisita galing China matapos ianunsyo ng Beijing na kakalusin na ang mandatory quarantine para sa inbound passengers sa January 8. RNT/SA