Mas maraming trabaho sa financial sector, naghihintay sa mga Pinoy sa UK

Mas maraming trabaho sa financial sector, naghihintay sa mga Pinoy sa UK

July 13, 2021 @ 5:04 PM 1 year ago


UNITED KINGDOM – Inanunsyo ng Department of Labor and Employment (DOLE) na mas maraming trabaho ang naghihintay ngayon sa mga Pilipino sa United Kingdom.

Ito ay matapos na buksan ng UK ang recruitment nito sa financial sector.

“We can see an increase in the demand for accountants and auditors. Another opportunity is up for those seasonal agriculture workers in the potato farms,” saad ni London Labor Attaché Amuerfina Reyes.

Bukod sa financial sector, nakakatanggap din ang kanilang opisina ng marami pang job orders at kontrata para sa mga senior health care workers dahil sa pandemya.

“They prefer to hire Filipino workers first not only for our good work ethics but because we work passionately from the heart,” aniya pa.

Sa ngayon, aabot sa 13,000 mga Pinoy ang nagtatrabaho sa health care sector sa UK at inaasahang mangangailangan pa ang bansa ang 50,000 nurses pagsapit ng 2024.

Pinuri naman ni Amuerfina ang UK sa pagbibigay ng maayos na working environment sa mga Pinoy.

Noong Marso, inaprubahan ng pamahalaan ang hiling ng UK na i-exempt sila sa ipinatupad na deployment cap ng DOLE sa mga Filipino health care workers sa gitna ng pandemya. RNT