Mayor inambush sa Pasay
February 23, 2023 @ 3:10 PM
1 month ago
Views: 338
Remate Online2023-02-23T15:17:41+08:00
MANILA, Philippines – Himalang nakaligtas sa ambush ang mayor ng Montawal, Maguindanao nitong Miyerkules ng gabi, Pebrero 22 sa Roxas Blvd. Service Road, Pasay City.
Sa ulat na ipinalabas ng IDMS sa pamumuno ni PLt. Desalisa, tinambangan sa Roxas Blvd, Service Road, Brgy. 4, Pasay City dakong 6:30 gabi si Ohto Montawal Caumbo, Mayor ng (Pagagawan) Datu Montawal, Maguindanao del Sur; si Caumbo ay residente ng Tunggol Datu Montawal, Maguindanao del Sur.
Kasalukuyan ngayong sumasailalim sa medical treatment sa Asian Hospital, Muntinlupa City ang nasabing alkalde na nagtamo ng tama ng bala sa balakang at kaliwang kamay.
Sa salaysay ng witness na si Ronald Caumbo, kasama ng alkalde, sakay sila ng Toyota Hi-Ace Van na may plate number NCN 7620 at binabagtas ang Roxas Boulevard Service Road patungong Buendia nang dalawang hindi nakilalang mga lalaking suspek ang lumapit sa kanilang sasakyan at biglang pinagbabaril ang biktima.
Mabilis na tumakas ang mga suspek papunta sa dako ng Buendia, Pasay City matapos ang pamamaril.
Dinala naman ng witness na si Ronald Caumbo ang biktima sa Ospital ng Maynila, at kalaunan ay inilipat sa Asian Hospital sa Muntinlupa City.
Mabilis na rumesponde ang mga tauhan ng Police Sub-Station 1, Pasay sa pamumuno ni PCapt Valdez at nagtungo sa ospital.
Sa inisyal na imbestigasyon ng kaso at review ng CCTV footages ng Brgy 4, Pasay City ng Team ni Deputy Commander PLT Macarunay at ng mga imbestigador ng IDMS Pasay CPS, 2 fired cartridge cases ng baril ang nakuha sa crime scene. Dave Baluyot
March 27, 2023 @7:56 PM
Views: 47
MANILA, Philippines – Arestado ang isang incumbent Barangay Chairman sa Maynila sa bisa ng warrant of arrest sa kasong Anti-Graft and Corrupt Practices Act.
Mismong sa loob ng Brgy. Hall ng 569, Zone 56, Sampaloc, Maynila ay inaresto nitong Lunes ng umaga, Marso 27 ang opisyal na si Roberto Icuscit Corpuz, 54 anyos at residente ng 718 Mindoro St., ng nasabing lugar.
Sa pangunguna ni PEMS Luis J. Coderes ng Intelligence and Warrant Section ng PS-4 MPD ay isinilbi ang warrant of arrest laban kay Corpuz.
Inisyu ni Hon. Renato Zaleta Enciso, Presiding Judge ng Manila RTC Branch 12 ang warrant of arrest na may P90,000 na piyansang inirekomenda.
Kasalukuyang nakaditene sa station custodial facility ang barangay chairman. Jocelyn Tabangcura-Domenden
March 27, 2023 @7:43 PM
Views: 38
BULACAN – Bumuo na ang Bulacan Police Provincial Office ng Special Investigation Task Group Serna para sa malalimang imbestigasyon sa pagpatay kay San Miguel acting chief of police PLt. Col. Marlon Serna.
Napatay si Serna nang rumesponde sa insidente ng nakawan sa isang tindahan sa Brgy. San Juan, San Miguel hanggang tuluyang mapa-engkwentro sa tinugis na riding in tandem na sangkot dito pasado alas-9 ng gabi nitong Marso 25 sa Brgy. Buhol na Mangga, San Ildefonso.
Kaugnay nito, sa isang Facebook post, nagpahayag ang PNP- Directorate for Police Community Relations na ang buong kapulisan ay nakikidalamhati sa pamilya ng kabarong si Serna.
Bilang pagluluksa at pagpapakita rin ng respeto ng buong hanay ng pulisya sa tapang at dedikasyon sa sinumpaang tungkulin ni Serna ay naka-half mast na ang watawat ng Pilipinas sa Police Region Office 3.
Patuloy ang pagtugis ng pulisya sa mga salarin. Dick Mirasol III
March 27, 2023 @7:30 PM
Views: 37
MANILA, Philippines – Inirekomenda ng Department of Justice (DOJ) ang paghahain ng murder charges laban sa anim na suspek na sangkot sa pagpatay kay Negros Oriental Governor Roel Degamo.
Sa pulong balitaan, sinabi ni Justice spokesperson Assistant Secretary Mico Clavano na inirekomenda ng prosekusyon ng DOJ ang paghahain ng nine counts of murder laban sa anim na indibidwal sa pagpatay kay Degamo, ito ay sina Jessie Boy-ay, Jose Marie Ramirez, Jomar Canseco, Crispin Vallega, Jerome Maquiling, Florence Quinikito, Joseph Renada, at Michael Fabugais.
Aniya, ang mga suspek ay sasampahan din ng 13 counts ng frustrated murder at three counts ng attempted murder.
Ani Clavano, iimbestigahan pa ang frustrated murder charge laban kay
Diomedes Omatang dahil sa kakulangan ng dokumento na magpapatunay ng mga tinamo nitong pinsala sa katawan.
Ayon pa sa tagapagsalita ng DOJ, inatasan na ang National Bureau of Investigation-National Capital Region na ipagpatuloy ang imbestigasyon sa di-umano ay recruiter at handler na binanggit ng mga respondents.
āThe cases will be tried jointly with the previous cases for murder filed by the Office of the Provincial Prosecutor of Negros Oriental against the four previous respondents who were caught and subjected to inquest proceedings recently,ā ani Clavano.
Matatandaan na pinagbabaril-patay si Degamo at walo iba pa noong Marso 4 sa mismong harap ng bahay ng gobernador.
Samantala, pinuri naman ni Clavano ang pagtatrabaho ng Joint Task Force Degamo.
āThe Department of Justice commends the work of the joint task force and lends its unwavering commitment to see this case through until justice is finally served,ā sinabi pa niya. RNT/JGC
March 27, 2023 @7:17 PM
Views: 37
MANILA, Philippines – Opisyal nang itinalaga ni PangulongĀ FerdinandĀ Marcos Jr. si Marine commandant Major General Charlton Sean Gaerlan bilang deputy chief of staff ng Armed Forces of the Philippines (AFP).
Ito ang pangatlong pinakamataas na opisyal sa militar.
Pormal namang naupo si Gaerlan sa kanyang posisyon saĀ AFP General Headquarters sa Camp Aguinaldo sa isinagawang seremonya na pinangunahan niĀ General Andres Centino, araw ng Lunes, Marso 27.
Pinalitan ni Gaerlan si Lieutenant General William Gonzales, na naupo naman bilangĀ acting at may concurrent capacityĀ bilangĀ AFP Inspector GeneralĀ noong Marso 15 nang magretiro sa pwesto si dating AFP deputy chief of staff Vice Admiral Rommel Anthony Reyes.
Ang pinakabagong designasyon ni Gaerlan ay matapos ang pitong buwan na pagtitimon niya sa Marine Corps noong Agosto ng nakaraang taon.
Siya ay miyembro ng Philippine Military Academy “Makatao” Class of 1989.
Nagsilbi si Gaerlan bilang commander ngĀ AFP Education, Training, and Doctrine Command, assistant AFP deputy chief of staff for intelligence, commander ngĀ 3rd Marine Brigade, at Marine Inspector General.
“I am humbled and honored to stand before you as I assume as the TDCSAFP (The Deputy Chief of Staff AFP), a leadership post charged with a great amount of responsibility and a higher level of accountability,” ang sinabi ni Gaerlan sa kanyang talumpati.
HumingiĀ naman ng suporta si Gaerlan para sa modernisasyon ng military upang makamit aniya ng tropa ng pamahalaan ang layunin nito na maging “world-class armed force.”
“I urge everyone to continue to support the AFP modernization and transformation programs so that we can achieve our mission to become a world-class Armed Force and continue to value the enhancement of professionalism across the organization,” anito.
Kumpiyansa naman si Centino na magiging epektibo si Gaerlan bilang AFP deputy chief of staff, iginiit nito ang kadalubhasaan niĀ Gaerlan sa larangan ng intelligence, operations at personnel management.
āWithout doubt, his previous designations prepared him to take on greater tasks as the AFP’s third-in-command,” ayon kay Centino.
Hindi pa naman inaanunsyo ng militar kung sino naman ang magiging kapalit ni Gaerlan bilangĀ commandant ngĀ Marine Corps,Ā isang major sa ilalim ng Philippine Navy. Kris Jose
March 27, 2023 @7:04 PM
Views: 55
MANILA, Philippines – Arestado ang apat na indibidwal sa ikinasang serye ng operasyon ng National Bureau of Investigation-Cybercrime Division (NBI-CCD) dahil sa pagbebenta ng GCash accounts.
Iniharap ng NBI sa media ngayong Lunes, Marso 27, ang mga suspek na sina Jay Cortez y Orozco, Kevin Mark Maboloc y Yong, Jeffrey Miguel y Quimirit at Jeffrey Ilagan y Barraca.
Ayon sa NBI, nakatanggap ng impormasyon ang ahensya na mayroong mga Facebook accounts na sangkot sa pagbebenta ng GCash accounts na nag-ooperate sa Quezon City at Tondo, Manila.
Isinasagawa ang kanilang negosyo sa pamamagitan ng Facebook at Messenger.
Gamit ang undercover Facebook account, nakapagtransaksyon sa mga suspek ang mga awtoridad para hingin ang presyo ng bawat GCash account.
Sinabi ng mga suspek na bawat account ay mayroong P100,000 transaction at pwede silang makagawa ng hanggang 100 na account pa.
Nang magkasundo sa kanilang meet-up sa tatlong magkakahiwalay na pagkakataon at lugar, ikinasa na rin ang entrapment operation noong nakaraang linggo.
Sina Cortez at Maboloc ay naaresto sa Matandang Balara, Quezon City habang si Miguel ay naaresto sa Tondo at sa North Avenue, Quezon City naman nadakip si Ilagan.
Dinala sa Office of the City Prosecutor sa Quezon City ang mga suspek para sa kasong Access Devices Regulation Act of 1998. Jocelyn Tabangcura-Domenden
