Media, ‘biased’ kung ‘anti-Marcos’ – BBM

Media, ‘biased’ kung ‘anti-Marcos’ – BBM

January 25, 2022 @ 7:11 AM 8 months ago


MANILA, Philippines – ‘Anti-Marcos.’

Ito ang pagsasalawaran na ibinigay ni presidential aspirant Ferdinand “Bongbong” Marcos Jr. sa tanong kung ano ang kahulugan niya ng ‘biased’ na media.

Sa interbyu ng dating senador sa One PH nitong Lunes ng gabi, iginiit niya na biased si award-winning and veteran journalist Jessica Soho dahil sa “treatment we received at her hands.”

Matatandaang nag-trending sa twitter ang #MarcosDuwag matapos na hindi dumalo si BBM sa presidentiables interview ni Soho sa GMA nitong nakaraang Sabado.

Present doon ang kanyang mga katunggali na sina vice president Leni Robredo, Manila Mayor Francisco “Isko Moreno” Domagoso, Sen. Ping Lacson at Sen. Manny Pacquiao.

Pero pinalagan agad ito ni Marcos at sinabing hindi siya duwag.

“Siguro naman sa pinagdaanan ko sa buhay ko, maliwanag namang hindi ako duwag na tao. At hindi lang ‘yun, lahat naman hinaharap ko,” aniya.

Sinabi niya rin na bukas siya sa mga susunod na presidential debates. RNT