Mga alkalde sa NCR nanindigan sa desisyon sa NCAP

Mga alkalde sa NCR nanindigan sa desisyon sa NCAP

August 18, 2022 @ 2:04 PM 2 months ago


MANILA, Philippines – Nanindigan ang mga alkalde ng Metro Manila sa kanilang desisyon ng implementasyon ng no contact apprehension program o NCAP.

Ito ay sa kabila ng petisyon para sa TRO o temporary restraining order na inihain sa Korte Suprema.

Sa isang joint statement nitong Miyerkules, Agosto 17, nangako ang mga alkalde sa NCR na patuloy nilang aayusin ang infrastructure at road conditions para sa kaligtasan ng mga nasasakupan.

“We, the undersigned Local Chief Executives, have joined together on a common stance to continue the implementation of NCAP within our respective territorial jurisdictions,” ayon sa mga alkalde.

Dagdag pa nila, ang NCAP ay hindi umano pambabalewala sa due process ng mga motorista dahil maaari naman umanong dumulog ang mga ito sa traffic adjudication boards ng bawat local government units kung may mali sa naturang violation.

“We, therefore, collectively urge all relevant government agencies stand with us in pursuing and continuously innovating this international-proven program for effective traffic management,” anila.

Ang inilabas na joint statement ay pirmado ng mga alkalde sa Metro Manila katulad na lamang nina Valenzuela City Mayor Wes Gatchalian, Parañaque City Mayor Eric Olivarez, Quezon City Mayor Joy Belmonte, Manila Mayor Maria Sheila Lacuna, at San Juan City Mayor Francis Zamora. RNT