MANILA, Philippines- Itinalaga si dating Agriculture secretary Domingo Panganiban bilang undersecretary ng Department of Agriculture (DA), ayon kay Pangulong Ferdinand “Bongbong” Marcos Jr. nitong Lunes.

Sa isang Facebook post, sinabi ni Marcos, na siyang Agriculture chief, na naganap ang oath-taking took noong Agosto 12.

“Isang karangalan ang makatrabaho ang ating mga dalubhasa sa pagtugon sa mga pangangailangan ng ating bayan lalo na sa sektor ng agrikultura,” sabi ni Marcos.

Nagsilbi si Panganiban bilang Agriculture secretary sa termino nina Joseph Estrada at Gloria Macapagal Arroyo.

Nakasaad sa website ng Department of Agriculture na ipinagpatuloy ni Panganiban cang implementasyon ng Agriculture and Fisheries Modernization Act (AFMA) bilang comprehensive framework at platform for rural development ng pamahalaan sa panyang panunungkulan noong Enero 2001.

Sa ikalawang termino naman ni Panganiban, na-develop ang kabuuang 203,000 ektarya ng idle lands at nakalikha ng 313,000 trabaho sa ilalim ng Goal 1 at 10 Huwarang Palengke (outstanding markets) na tinukoy sa Goal 2. RNT/SA

MANILA, Philippines- Papayagan na ang mga hindi bakunadong guro na magturosa muling pag-arangkada ng face-to-face classes sa Agosto 22, ayon sa Department of Education (DepEd) nitong Lunes.

Sa isang press conference, sinabi ni DepEd Undersecretary Atty. Revsee Escobedo na halos 37,000 guro ang hindi pa nagpapabakuna kontra COVID-19.

Sa bilang na ito, 20,000 ang magpapabakuna, habang ang natitirang 17,000 ay hindi.

“Ang bago nating polisiya ay papayagan na silang mag-report at magturo na rin provided na kailangan lang na they will still follow the minimum public health protocol like wearing of face mask and ‘yung silid-aralan na kanilang pagtuturuan ay dapat maayos ‘yung ventilations,” ani Escobedo.

“Wala na po tayong tinatawag na kailangang bakunado o kaya hindi pahihintulutan ‘yung mga hindi bakunado. Sa ngayon ay lahat ng teacher ay magtuturo sa ating estudyante at sila ay magrereport na sa kani-kanilang silid-paaralan,” patuloy niya.

Magugunitang inaprubahan ni dating Pangulong Rodrigo Duterte noong Pebrero 2021 ang rekomendasyon ng DepEd na palawigin ang in-person classes sa mga lugar na nakasailalim ng Alert Level 2 pababa, sa kondisyon ang host local government unit ay payag dito, at aprubado ng mga magulang at guardian ang pagpasok ng mga bata sa paaralan.

Kaugnay nito, tanging vaccinated teaching at non-teaching personnel wlamang ang pinayagang makilahok sa face-to-face classes, habang mas mainam ang vaccinated learners.

Nagsimula ang pilot testing ng face-to-face classes sa bansa noong Nobyembre 2021 para sa mga pampubliko at pribadong paaralan, alinsunod sa mahigpit na health protocols.

Gayundin, sinabi ni Escobedo na ang mga guro na makikitaan ng COVID-19 symptoms way inaabisuhang manatili sa kanilang tahanan at magpa-test.

Dagdag niya, ang mga guro na naka-quarantine ay mayroong “excused leave with pay.”

“Kung sila ay nasa bahay, sila ay considered on leave o kaya excused ‘yung kanilang leaves,” sabi niya.

Sinabi ng DepEd na nakikipag-ugnayan na ito sa Department of Health (DOH) sa roll out ng mobile COVID-19 vaccinations at nago-organisa na ng counseling sessions sa unvaccinated learners sa mga paaralan.

Samantala, matatandaang sinabi ni Vice President at Education Secretary Sara Duterte na hindi magiging problema ang “commingling” ng mga estudyanteng bakunado na laban sa COVID-19 at mga hindi pa bakunado sa pagsisimula face-to-face classes. RNT/SA

MANILA, Philippines- Pansamantalang sinuspinde ng Philippine Overseas Employment Administration (POEA) ang implementasyon ng pinalawig na mandatory insurance para sa land-based returning at directly hired overseas Filipino workers (OFWs) alinsunod sa utos ni Migrant Workers Secretary Susan Ople.

Binanggit ng POEA sa August 5 advisory nito na ang pagpapahusay sa global health situation, pagbubukas ng borders, at mataas na vaccination rates sa mga OFW.

“In this regard, the implementation of the expanded compulsary insurance coverage shall be temporarily suspended pending the consultations and dialogue among the recruitment industry stakeholders, and submission of an offer from the insurance providers, for improved package of services beneficial to the needs of the OFWs,” ani POEA Administrator Bernard Olalia sa Advisory No. 55.

Noong Nobyembre 2021, ipinag-utos sa Department of Labor and Employment (DOLE) Department Order (DO) 228-21 “to extend, expand, and strengthen” the protection of OFWs amid the COVID-19 outbreak.

“The suspension will save our ‘balik-manggagawa’ workers and the directly hired by foreign employers at least $35 worth of mandatory insurance coverage, while reducing the numbers of requirements imposed by government. Malaking ginhawa ito para sa ating OFWs,” pahayag ni Ople sa isang news release nitong Lunes.

Subalit, nilinaw niya na ang mandatory insurance coverage para sa newly-hired OFWs ay mananatili alinsunod sa batas.

“Para malinaw, may dalawang uri ng compulsory insurance. ‘Yung para sa mga bagong OFW na bunga ng naipasang batas, at itong expanded compulsory insurance para sa mga balik-manggagawa at direct hires na nakasaad sa isang lumang department order ng DOLE. ‘Yung itinatakda ng batas ay ating patuloy na ipatutupad dahil ito naman ay sagot ng mga foreign employers,” ayon sa kalihim.

“Ngunit ‘yung expanded na version na itinatakda ng Department Order 228 para sa mga balik-manggagawa at direct hires ay isasantabi muna natin dahil sa kakulangan ng konsultasyon sa mga stakeholders,” patuloy niya.

Kabilang sa mga probisyon ang pagre-require ng DO sa employers o mismong mga manggagawa na magbayad ng insurance coverage na may full refund sa unang araw ng pagdating sa worksite o bansang patutunguhan.

“The order to suspend will be followed by a series of formal consultations with all stakeholders most especially our OFWs in different parts of the world via online meetings since they were meant to be the primary beneficiaries of DO No. 228,” sabi ni Ople. RNT/SA

MANILA, Philippines- Itinalaga ni Pangulong Ferdinand “Bongbong” Marcos Jr. si Nelson Java Celis bilang bagong commissioner ng Commission on Elections (Comelec).

Ibinahagi ni Comelec chairperson George Garcia ang appointment paper ni Celis.

Ipinaliwanag ni Garcia na natanggap ni Celis ang regular appointment na nangangahulugan na ang huli “cannot assume yet until confirmed.”

Ipagpapatuloy ni Celis ang unexpired portion ni dating Comelec Commissioner Aimee Torrefrana-Neri. Mauupo siya bilang Comelec commissioner hanggang Pebrero 2, 2029, base kay Comelec spokesperson Rex Laudiangco.

Batay sa profile ni Celis, siya ay isang electronics and communications engineer na may 41 taong karanasan sa information technology and management.

Nagtapos siya ng Bachelor of Science in Electronics and Communications Engineering sa Don Bosco Technical College.

Nakakuha rin si Celis ng doctoral degree sa business administration sa De La Salle University.

Eksperto siya sa corporate governance, IT governance, strategic management, risk management, information security management system, business process management, systems audit, project management, business continuity management, at event management. RTN/SA

MANILA, Philippines- Inanunsyo ni Muntinlupa City Mayor Ruffy Biazon nitong Agosto 15 na nagpositibo siya sa COVID-19 kung kaya’t hindi siya nakarating sa nakatakdang lingguhang flag-raising ceremony na karaniwang ginaganap sa Muntinlupa City hall quadrangle.

Base sa kanyang opisyal na Facebook page post, sinabi ni Biazon na sa paggising ay naging masama na kanyang ang pakiramdam na may sipon, sore throat at may lagnat.

“Paggising ko ngayong umaga, mayroon akong sipon, konting pangangati ng lalamunan at low-grade fever,” ani Biazon.

“Bagaman naging busy ang aking schedule nitong mga nakaraang linggo mula nang ako ay maupo bilang Mayor, at baka dala lang ito ng pagod, minabuti ko na magpa-test ulit para sa Covid-19 dahil lumalaganap ang mga cases,” ani pa ni Biazon na nagsabing nito lamang Agosto 11 (Huwebes) ay nag patest na rin siya ngunit ito ay naging nagatibo.

“Lumabas na Covid positive ako. Maliban sa nasabing mild symptoms, maayos naman ang aking kalagayan,” ani pa ng alkalde.

Sa kabila ng kanyang paglalagay sa sarili sa isolation ay patuloy ang kanyang komunikasyon sa mga opisyal ng city hall para sa tuloy-tuloy na pagbibigay serbisyo sa kanyang mga konstituwente.

Si City Administrator Allan Cachuela ang pansamantalang magus-supervise ng pang araw-araw na operasyon sa city hall habang si Biazon na naka-quarantine ay nagsabing kung kailangng-kailangan ang kanyang personal na atensyon ay kaya niya itong gawin kahit pa siya ay pansamantalang nasa home isolation lamang.

“Kinalulungkot kong sabihin na lahat ng aking appointments ngayong linggo ay cancelled na habang ako ay naka-isolate,” ani pa Biazon.

Ayon kay Biazon, sa kanyang pagkapositibo sa COVID-19 ay hindi naman nahawahan ang kanyang asawang si Trina gayndin ang kanyang mga anak at kasamahan sa bahay na nagnegatibo sa COVID-19 test dahil mahigp[ti ang kanilang pagpapatupad ng protocols sa kanilang tahanan.

Kasabay nito ay pinaalalahanan din ni Biazon ang publiko na sundin ang health protocols kabilang ang pagsusuot ng face masks, disinfection o hand-washing, at umiwas sa mga matataong lugar o aktibidad. James I. Catapusan