MANILA – Itinampok ng Google ang “tender, juicy, and soulful” adobo, isang sikat na Filipino dish, bilang animated doodle ngayong Miyerkules.

Ayon sa website nito, ang doodle ay nilikha ng artist na si Anthony Irwin, ang anak ng isang US immigrant.

“Maaari kong i-claim ang pagkaing Filipino bilang bahagi ng aking kultura at ipagdiwang ang koneksyon na nagagawa nito sa pagitan ng pagkakakilanlan ng aking ina at ng sarili ko,” sabi niya.

Ang signature smell ng Adobo ang naging inspirasyon niya sa pagdidisenyo ng doodle, sabi ni Irwin.

“It was so bright and nostalgic, and instantly filled my apartment with that familiar feeling: this is exactly how things are supposed to be. So I tried to capture that simple childhood joy of leaning in and savoring the kind of food that makes home feel like home,” aniya pa.

Nagsama rin ang Google ng maikling paglalarawan ng ulam sa website nito kasama ang ilang trivia tungkol sa pagkaing Filipino.

“After evolving throughout the century, this iconic dish is now enjoyed worldwide. It’s a symbol and expression of Filipino pride that varys from region to region, family to family, palate to palate,” saad dito.

Itinampok din ang doodle sa Canada, Iceland, United Kingdom, Ireland, at US, ayon sa Google. RNT

SAN FRANCISCO – Sinabi ng Facebook owner na Meta na bumubuo sila ng isang bagong  “text sharing” social media platform, isang app na posibleng tatapat sa Twitter.

Mula nang bilhin ng bilyonaryo na si Elon Musk ang Twitter noong Oktubre, ang maimpluwensyang website ay dumanas ng mga pagkawala, pagtanggal ng mga advertiser nito.

“We’re exploring a standalone, decentralized social network for sharing text updates,” anang Meta.

“We believe there’s an opportunity for a separate space where creators and public figures can share timely updates about their interests,” dagdag pa ng social media giants.

Noong Disyembre, panandaliang ipinagbawal ni Musk sa Twitter account na nagbigay ng mga link sa iba pang mga social media platform, kabilang ang Facebook, Instagram at Mastodon. RNT

SAN FRANCISCO, United States – Nakaranas ng malawakang outage ang Twitter kung saan iniulat ng ilang users sa buong mundo t na hindi na nila mabasa ang mga link sa mga artikulo mula sa labas ng mga website.

“Some parts of Twitter may not be working as expected right now,” saad sa support account ng kompanya sa isang tweet, na isinisi naman ang problema sa “unintended consequences” mula sa update ng platform.

Sa panahon ng outage, ang mga user na sumusubok na mag-click sa mga link ay sinalubong ng error message na nagsasabing “your API plan does not include access to this endpoint”.

Ang isang API, o Application Programming Interface, ay tumutukoy sa software ng Twitter na ginawang available sa mga developer sa labas upang gumawa ng sarili nilang mga adaptasyon sa platform.

Sinabi ng Twitter noong nakaraang buwan na ihihinto nito ang pagpapahintulot ng libreng pag-access sa mga developer sa labas habang naghahanap ang kumpanya ng mga bagong paraan upang mapataas ang kita. RNT

UNITED STATES – Dalawang bansa na ang nag-anunsyo na ipagbawal ang TikTok sa mga government devices, ito ay ang Estados Unidos at Canada.

Ipinag-utos ng White House sa federal agencies nito ang pag-alis sa kilalang social media application, at binigyan lamang sila ng 30 araw para alisin ito sa kani-kanilang device.

Noong Disyembre ay inaprubahan ng Kongreso ang panukalang ito.

Mayroon namang limited exceptions ang naturang kautusan sa law enforcement, national security at research purposes.

“This guidance is part of the Administration’s ongoing commitment to securing our digital infrastructure and protecting the American people’s security and privacy,” ani Chris DeRusha, federal chief information security officer.

Matatandaan na ginigisa na ng ilang bansa ang TikTok na pagmamay-ari ng Chinese company na ByteDance dahil sa posibilidad ng banta sa seguridad ng mga gumagamit nito dahil posibleng ginagamit din umano ito sa pagpromote ng pro-China views.

Itinanggi naman ng kompanya ang mga pangambang ito at ang ban ay tinawag na “political theater.”

Ayon sa tagapagsalita ng Chinese Foreign Ministry sa briefing nitong Martes, Pebrero 28, sinabi nito na ang Estados Unidos ay “has been overstretching the concept of national security and abusing state power to suppress other countries’ companies.”

Inaasahan na isusulong ng Republicans sa U.S. House of Representatives ang panukala na magbibigay kapangyarihan kay Pangulong Joe Biden na ipagbawal na rin ang TikTok sa buong bansa.

Nauna nang inanunsyo ni Prime Minister Justin Trudeau ng Canada ang TikTok ban sa mga government devices.

“I suspect that as government takes the significant step of telling all federal employees that they can no longer use TikTok on their work phones many Canadians from business to private individuals will reflect on the security of their own data and perhaps make choices,” ani Trudeau.

Ipinagbawal na rin noong nakaraang linggo ng European Commission at EU Council ang ban sa TikTok sa mga staff phones. RNT/JGC

MANILA, Philippines -Inanunsyo ng SpaceX, pag-aari ni American tech billionaire Elon Musk, nitong Miyerkules, Pebrero 22 na available na sa Pilipinas ang Low Earth Orbit (LEO) satellite internet service nito.

“Available na ngayon ang Starlink sa Pilipinas,” pahayag ng SpaceX sa isang Twitter post.

Batay sa “Order Starlink” page sa website ng Starlink, isa ang Pilipinas sa mga bansang mayroon nang serbisyo ng LEO internet.

Nito lamang buwan, sinabi ng Data Lake – isang data company na pinangungunahan ni tycoon Henry Sy Jr. na pinabibilis na nito ang pagpasok ng Starlink sa Pilipinas sa unang tatlong buwan ng 2023.

Ayon sa Data Lake, ito ang kauna-unahang Starlink integrator sa bansa.

Kamakailan ay sinabi ni Department of Information and Communications Technology (DICT) Assistant Secretary Philip Varilla na naurong sa kalagitnaan ng 2023 ang launching ng Starlink sa bansa.

Noong Hulyo, 2022 ay inanunsyo na ilulunsad ng Starlink Internet Services Philippines, wholly-owned subsidiary ng SpaceX ni Elon Musk ang Low Earth Orbit (LEO) satellite internet services nito sa Pilipinas noon pa sanang Disyembre.

Sa pahayag, sinabi ng Data Lake na ang delay sa produksyon at deployment ng LEO satellites ang dahilan kung bakit naurong ang inisyal na pagsisimula ng serbisyo nito sa bansa.

Layon ng Starlink na makapagbigay ng high-speed broadband internet sa mga users nito kabilang ang mga liblib na lugar, dahil nakaposisyon ito sa low-Earth orbit (LEO) kaysa sa conventional at mas magastos na underground fiber optic cables.

Plano ng Starlink na mag-alok ng serbisyo nito sa mga customers sa bansa sa inisyal na $599 per satellite unit at connectivity service na $99 kada buwan, sa download speed na 200 Mbps.

Ayon sa Department of Trade and Industry, ang Pilipinas ang kauna-unahang bansa sa Southeast Asia na nagkaroon ng teknolohiya ng Starlink. RNT/JGC