Mga kurap sa PDP-laban

Mga kurap sa PDP-laban

July 17, 2018 @ 7:42 AM 4 years ago


 

May mga tatakbo sa eleksyon sa susunod na taon bilang alkalde sa ilalim ng Partido Demok­ratiko Pilipino – Laban ng Bayan na kilalang-kilala sa kanilang lugar na magnanakaw ng pera ng pamahalaan.

Dahil dito, alam nilang matatalo sila sa elek­syon, dahil nga sa katiwalian at korapsyon.

Kaso, talagang gustong-gusto nilang ma­ging alkalde ng isang lungsod sa Metro Manila, kaya gumawa ng paraan upang magkaroon ng ‘pag-asa’ na magwagi sa halalan.

Alam n’yo ba kung ano ang ginawa?

Lumipat sa PDP-Laban dahil sa paniwalang su­suportahan ni Pangulong Rodrigo Duterte ang kanilang kandidatura.

Syempre, desperadong desisyon ito ng mga korap na politiko upang maging  alkalde.

Hindi nila naisip na hindi sapat na batayan ang pagiging PDP-Laban para suportahan ni Duterte ang kanilang kandidatura.

Ang mahalagang ba­tayan ni Duterte ay hindi korap ang tatakbong alkalde, bago niya itaas ang kamay nito pagdating ng kampanya.

At syempre, dapat hindi siya protektor ng druglord o hindi siya drug-lord mismo.

Alam naman nating lahat na galit si Duterte sa droga.

Ngayon, hindi ko alam kung ano ang gagawin ni Duterte sa mga politikong korap na umaasang su­suportahan nang todo ni Duterte ang kanilang kandidatura, sapagkat sumapi sila sa PDP-Laban.

HUWAG NA ‘YANG SINGLE-USE

PLASTIC NA ‘YAN

Ayon sa mga kaibi­gan natin sa EcoWaste Foundation, ang single-use plastic ay nakasisira sa kalikasan.

Kaya, tutol ang EcoWaste sa single-use plastic.

Gusto rin ni Vice-Ma­yor Joy Belmonte na matigil na ang paggamit ng single-use plastic.

Ngunit, dapat daw at dahan-dahan ang pagpapatigil dito.

Ayon kay Belmonte, “[the city council] can push for the ban, pero we also need to have a grace period [for the use of plastic utensils because] … industries will be affec­ted. Habits of people will change. Some restaurants will have stock for years. So you can’t just implement right away. You have to give a grace period din.”

Sa palagay ko, mai­nam ang iniisip ni Belmonte kaysa tulad ng ibang Sangguniang Panglunsod sa Metro Manila na walang pakialam sa mga isyu at suliranin sa kalikasan, sapagkat nakapokus na sa eleksyon sa susunod na taon.

-BADILLA