MANILA, Philippines- Nilinaw ng Philippine Amusement and Gaming Corporation (PAGCOR) ang kamakailang ulat ng Commission on Audit (COA) hinggil sa outstanding accounts receivables na halagang P2.328 bilyon.

Ayon sa PAGCOR, mula sa P2.328 bilyon, ang P815.902 milyong na nakasaad sa ulat na nasa ilalim ng protesta ay naresolba na nang may finality.

Sa P1.512 bilyon na nananatiling hindi nakolekta, karamihan sa nasabing halaga ay nauugnay sa kamakailang epekto ng pandemya ng Covid-19. Matatandaan na noong Marso 21, 2020, lahat ng POGO gaming operations sa bansa ay ipinag-utos na isara ng Gobyerno dahil sa pagpapatupad ng Enhanced Community Quarantine.

Noong June 2022, sa kabila na pinayagan nang mag-resume ng operasyon, karamihan sa mga operators ay hindi pa rin makapagbukas dahil sa umiiral na lockdowns, paghihigpit sa business operations, pagbabawal sa pagpasok ng foreign workers at iba pang pandemic measures.

Ayon pa sa PAGCOR, sa kabila ng mga remedial measures, karamihan sa mga POGO ay hindi na nakapagbukas muli mula nang magsimula ang pandemya, na nagresulta sa pag-iipon ng mga hindi nakolektang bayarin.

Sa huli,dapat bigyang-diin na ang mga POGO na kasalukuyang nagpapatakbo ay kinakailangang ganap na bayaran ang kanilang mga naipon na atraso bago sila payagang ipagpatuloy ang operasyon.

“This meant full payment of their monthly MGF for the months that they were non-operational beginning on March 2020, including the months wherein closure and stoppage of operations was mandated by the government. These collected amounts were used by the Government to fund the fight against the pandemic.” ayon pa sa pahayag ng PAGCOR.

Sa ngayon,sinabi ng PAGCOR na sinusunod nito ang tamang pamamaraan para sa pagkolekta ng mga hindi pa nito natatanggap o outstanding receivables. Ang mga hindi nakolektang account receivable ay nai-refer na sa legal na departamento para sa kinakailangang aksyon, at ang PAGCOR ay nakatakdang gamitin ang lahat ng legal na pamamaraan para sa koleksyon nito. Jocelyn Tabangcura-Domenden

MANILA, Philippines- Magpapatupad na rin ng work from home schedule ang Commission on Elections Main Office, opisina ng Regional Election Director for National Capital Region 4A at Region 4B gayundin sa Office of the Election Officer, City of Manila sa Hunyo 28 at 29, araw ng Martes at Miyerkules.

Sa abiso ng Comelec, ito ay dahil na rin sa mga isasarang mga kalsada at heightened security measures na paiiralin ng Philippine National Police (PNP) sa lungsod ng Maynila simula Hunyo 27 upang bigyan daan ang isasagawang inagurasyon ni President-elect Ferdinand ‘Bongbong’ Marcos Jr.

Ang trabaho sa nabanggit na mga opisina ay suspindido rin sa June 30 alinsunod na rin sa nilagdaan ni outgoing Manila Mayor Isko Moreno Domagoso na Executive Order No.53 (series of 2022) na nagdedeklara na ang nasabing petsa ay special non-working holiday sa buong Maynila.

Habang suspindido ang physical frontline services sa nasabing mga opisina mula Hunyo 27 hanggang 30, tiniyak naman ng Comelec sa publiko ang patuloy na paghahatid ng serbisyo, sa pamamagitan ng online meetings, online hearings gayundin ang online transactions at iba pang online works ay maipagpatuloy sa nasabing mga petsa ng walang hadlang. Jocelyn Tabangcura-Domenden

MANILA, Philippines- Sinabi ni Pangulong Rodrigo Duterte nitong Lunes na hindi kayang pigilan ang korapsyon sa pamahalaan.

Ito ang naging pahayag niya tatlong araw bago matapos ang termino sa Hunyo 30.

“Corruption is endemic. It cannot be stopped but it can be minimized,” pahayag ni Duterte sa oath taking ng local officials sa Davao City.

“It is hard to stop the corrosive effect of money upon the person,” dagdag niya.

Ipinangako rin ni Duterte na wawakasan ang droga at krimen sa loob ng tatlo hanggang anim na buwan subalit kalaunan na ang mga naturang problema ay laganap at nagkamali siya sa naunang pahayag.

Sinabi ni Duterte noong Hulyo 2021 na hindi kayang agad na wakasan ang korapsyon subalit may naiambag siya upang labanan ito. RNT/SA

MANILA, Philippines- Nanumpa si outgoing Antique Representative Loren Legarda sa kanyang ika-apat na termino bilang senador sa 19th Congress.

Isinagawa ang panunumpa kasama ang ilang opisyal ng Antique sa EBJ Freedom Park sa San Jose De Buenavista Municipality, Antique Province.

“Today marks my 22nd year as your lawmaker. I stand honored and proud before you to accept my mandate once again, to be your Senator for the fourth time,” ayon kay Legarda sa kanyang inauguration speech nitong Lunes.

“Trabaho at kabuhayan. Ito ang dapat nating patuloy na isulong lalo na’t hindi pa tapos ang ating laban sa kasalukuyang pandemya at sa krisis ng klima,” aniya.

Ayon kay Legarda na kanyang tutuguna ang ilang sector at isyu sa pagiging mambabatas kabilang ang estudyante at edukasyon, livelihood and provincial micro, small, and medium enterprises (MSMEs); health; at climate change.

“Kasama rin sa ating isusulong ay ang pagpasa ng One Tablet, One Student Act na makatutulong sa ating mga mag-aaral na harapin ang pandemya ngayon,” giit ni Legarda.

Sinabi ni Legarda na kanyang nasaksihan ang hindi nagagamit na posibilidad ng milyong Filipino tulad ng weavers, entrepreneurs, indigenous communities, at cultural creatives.

“There is so much potential for growth in our rural areas. We need to expand our reach to include local entrepreneurs and indigenous communities and ensure that everyone benefits from government programs such as the MSME Law,” aniya.

“We need the full implementation of the Universal Health Care Act. The Law was passed in 2019 and yet Filipinos are still desperately trying to gain access to the assistance intended for them,“ ayon pa kay Legarda.

“Nature-based solutions will be the new currency as the world works towards resilience. The key is involving local communities and other stakeholder groups in both the design and implementation of plans,” dagdag niya.

Binanggit din ni Legarda ang kanyang pagkapanalo sa nakaraang halalan na pumangalawa sa lahat ng kandidato bilang senador.

“I am humbled by the overwhelming mandate I have received from more than 24.2 million people, and I am overflowing with gratitude. Like the past twenty-four years, I will carry and keep ablaze the torch of unity, reform, and good governance alongside the new leadership,” aniya. Ernie Reyes

MANILA, Philippines- Inihayag ni Senador Edgardo Angara na puwedeng isabay ang pagrebyu sa K-12 program sa panukalang EDCOOM 2 o ang Second Congressional Commission on Education.

Maraming advocates ang nakiki-usap kay Pangulong Duterte na lagdaan ang EDCOM 2 bill bilang batas upang tugunan ang kasalukuyang learning crisis at maiwasan angpagbagsak ng Philippine education system.

“Any K to 12 review can proceed alongside the proposed Edcom2 (Second Congressional Commission on Education) which Congress has passed,” ayon kay Angara s a statement.

“Both seek to reform Philippine basic education and it’s important (that) when we reform K to 12, we see it as a component part of the whole education system as well as the economy as a whole,” giit ng senador.

Ikinalungkot ni Angara na kahit naisabatas na ang Universal Access to Quality Tertiary Education Act, o ang Free College law, maraming estudyanteng Filipino students ang kapos sa kaalamanan upang makahanap ng trabaho.

“We have a young population that is in need of skills and learning, and despite the passage of the UAQTEA or the free college law, many still do not make it that far,” giit ng mambabatas.

“Which is why, improving K to 12 is crucial for our young people,” aniya pa. Ernie Reyes