Mga mangingisdang Pinoy, Chinese nagkakasundo – China envoy

Mga mangingisdang Pinoy, Chinese nagkakasundo – China envoy

October 25, 2022 @ 4:26 PM 1 month ago


MANILA, Philippines- Sinabi ni Chinese Ambassador Huang Xilian na masaya siya na magkasundo  na nangingisda mga mangingisdang Pilipino at Chinese sa South China Sea at West Philippine Sea.

Sa lingguhang Pandesal forum, tinanong si Huang kung ano ang gagawin ng Chinese government para mapahusay ang sitwasyon ng mga Pilipinong mangingisda sa pinagtatalunang lugar sa South China Sea at West Philippine Sea.

“I’m happy to see that fishermen from both countries have been fishing at the sea peacefully and actually they have been getting along,” ayon kay Huang.

“While we are managing differences, we are also working to promote maritime cooperation between our two countries,” dagdag na pahayag nito.

Ayon pa kay Huang, naniniwala sila na  mapakikinabangan sa hinaharap o mga darating na panahon  ng mga mangingisda ng dalawang bansa ang  maritime cooperation.

Gayunman, may ilang Pilipinong mangingisda ang  nagbahagi ng kanilang karanasan hinggil sa agresibong aksyon ng mga mangingisdang Tsino sa “disputed sea.”

Samantala, naniniwala naman si Huang na ang kooperasyon sa pagitan ng dalawang bansa para sa oil at gas exploration ay makatutugon sa energy demand ng Pilipinas at China.

“We do believe that our cooperation in oil and gas will help meet the need of our two countries of energy. We are ready to work with this administration. We hope that we will find some way out to handle the remaining differences so that we could begin that kind of oil and gas common developments in an early date so that it can benefit our people and our two countries as early as possible,” wika nito.

Matatandaang, sinuspinde ng Pilipinas ang oil at gas exploration sa South China Sea, habang tinatangka na magkaroon ng pakikipagkasundo sa China sa isang joint energy project.

Ang drilling ay pinahintulutang ipagpatuloy noong Oktubre 2020, makaraang alisin ang isang 2014 moratorium.

Inaasahan na ang desisyon ni dating  Pangulong Rodrigo Roa Duterte ay magpapabilis sa pakikipag-usap sa Beijing tungkol sa joint exploration sa lugar na pinaniniwalaang nagtataglay ng mayamang deposito ng langis at gas.

Ngunit ang mga lokal na kumpanyang sangkot sa dalawang proyekto sa labas ng lalawigan ng Palawan ay inutusang muling huminto.

Tinutulan ng energy department ng Pilipinas ang nasabing desisyon, at batay sa kanilang argumento . . . “a geophysical survey is a perfectly legitimate activity in any disputed area.”

Sinabi ng foreign affairs department na sinusubukan nitong kumpirmahin ang media reports, na sinubaybayan ng lihim ng isang Chinese coast guard vessel ang Philippine survey vessels ng proyekto kamakailan. Kris Jose