Mga Pinoy ‘feeling blessed’ pa rin sa hamon ng buhay – PBBM

Mga Pinoy ‘feeling blessed’ pa rin sa hamon ng buhay – PBBM

December 4, 2022 @ 8:00 AM 2 months ago


MANILA, Philippines – Nananatiling ‘blessed’ o mapalad ang mga mamamayang Filipino sa kabila ng mga paghihirap na kinaharap ng bansa dahil sa  COVID-19 pandemic.

Sa isinagawang Christmas tree lighting ceremony sa Malakanyang, sinabi ng Pangulo na masaya siya dahil naging bahagi siya ng nasabing aktibidad.

“I am very happy to have been able to do this tree lightning and it really is a different feeling dahil matagal na rin nating inantay ito. Kahit noong nakaraang Pasko ay medyo pigil pa, so tatlong taon na tayong hindi nakapag-Pasko na Pasko na kagaya ng Pasko ng Pilipino dahil iba talaga ang pagdiriwang ng Pasko ‘pag nasa Pilipinas ka,” ayon sa Pangulo.

Wika pa ng Pangulo, ang Pasko ay para sa mga bata.

“I always believed that Christmas [was] really for the children, and so we have done everything that we can to make sure that every child, every Filipino child, has a Christmas,” ani Pangulong Marcos.

“And that is something that I think is a good goal for us in this Christmas. Since we have been blessed, all of us, despite all of the challenges we have faced, here we are. We have all been blessed,”  aniya pa rin.

Samantala, dumalo naman sa nasabing aktibidad sina  Unang Ginang Marie Louise “Liza” Araneta-Marcos, Vice President Sara Duterte, dating Unang GInang Imelda Marcos, at iba pang miyembro ng pamilya Marcos. Kris Jose