Mga sangkot sa ‘Mike Nagoya’ scam, kinasuhan na ng DOJ

Mga sangkot sa ‘Mike Nagoya’ scam, kinasuhan na ng DOJ

January 26, 2022 @ 3:53 PM 8 months ago


Manila, Philippines – Kinasuhan na ng nga piskal sa Department of Justice (DOJ) ang apat katao na responsable sa pag-hack sa mga account ng mahigit 700 kliyente ng BDO Unibank nitong nakaraang taon.

Ipinagharap ng kasong paglabag sa Republic Act 8484 o Access Devices Regulation Act of 1998 at kasong paglabag sa RA 10175 o  Cybercrime Prevention Act of 2012 sina Jherom  Anthony D. Taupa, Ifesinachi Fountain Anaekwe, Ronelyn Panaligan a.k.a. Luka Hanabi at  Clay S. Revillosa a.k.a. X-men.

Ang mga nabanggit ang nasa likod ng paglilipat ng mga pera mula BDO patungo sa acct ng isang  Mark Nagoyo sa Unionbank.

Batay sa resolusyon ang Nigerian na si  Anaekwe ang nagbibigay  access devices sa sinuman na naghahanap ng opsyon para mag-cash out ng fund gaya ng bank accounts, crypto wallets o point of sale terminals mula sa lehitimong merchants.

Si Taupa ay nagbebenta ng “SCAMPAGE” o phishing website na imitation ng webpage na GCash.

Habang si Panaligan ang nagsisilbing “verifier” at seller ng dummy accounts.

Nagsumite ng extrajudicial confessions sina Taupa, Panaligan, at Revillosa kung saan inamin nila ang kanilang partisipasyon sa krimen.

Samantala, inirekomenda ng piskalya na isailalim pa sa mas sa imbestigasyon si Chukwuemeka Peter Nwadi dahil walang matibay na ebidensya na mag-uugnay na sangkot siya sa  krimen. Teresa Tavares