Mismatch sa ERs ipinaliwanag ni Garcia

Mismatch sa ERs ipinaliwanag ni Garcia

May 23, 2022 @ 2:45 PM 1 month ago


MANILA, Philippines- Sinabi ni poll body Commissioner George Garcia nitong Lunes na ang mismatch sa election returns ay dahil sa “double transmission” ng mga resulta ay mula sa testing ng vote counting machines (VCMs).

“Ang aming initial findings ng aming Information Technology Department ay dahil nagdoble yung pagpapadala ng mismong electoral board,” aniya.

Ayon sa kanya, nagpasa ang election board members ng inisyal na resulta subalit ito ay “not successful,” na dahila upang muli nilang ipadala ang resulta. Pareho naman umanong binilang ang transmissions.

Bukod dito, ang mismatch ay dulot fin ng transmission ng mga resulta mula sa final testing at sealing ng VCMs na isinagawa bago ang araw ng eleksyon, base kay Garcia.

“Yung unang pinadala yun po yung final testing and sealing na pagpapadala. Yun po ang result kaya po ang nakita 10 lang ang boto dahil 10 balota po nag involved nung nagte-test tayo ng makina,” pahayag niya.

Nauna nang sinabi ng Parish Pastoral Council for Responsible Voting (PPCRV) na nakapagtala ito ng 1.61 porsyentong mismatch sa 240 election returns at ransparency media server para sa Halalan 2022. RNT/SA