Manila, Philippines- May mahalagang bagay raw na tiniyak si Alden Richards kay Cristy Fèrmin.

May kaugnayan ito sa patuloy pa ring pinag-uusapang kapalarang naghihintay sa Eat Bulaga.

Sa ngayon kasi ay balitang kumpirmado na ang pagkakatanggal kina Tito at Vic Sotto plus Joey de Leon o mas popular na tawag bilang TVJ.

Ang sabi pa, naghihintay lang daw ang Net25 sa pag-oo ng trio yaman din lang daw na may kanya-kanya na silang programa roon.

And in case the TVJ will find a home in Net25, tiyak na ang producer ng kanilang programa ay si Tony Tuviera.

So, where does Alden come into the picture?

Ayon daw mismo kay Alden ay sa TVJ siya sasama, meaning hindi raw magpapaiwan ang Asia’s Multimedia Star sa lumang Eat Bulaga kung saan nabalitang siya ang gagawing poste nito.

Kahit daw gawing tagapamalit sina Jose Manalo, Wally Bayola at Allan K sa TVJ ay mananatili raw ang loyalty nito sa trio.

Yes, even if the price is right!

Katwiran ni Alden, malaki raw ang tinatanaw niyang utang na loob sa Eat Bulaga.

Sa pamamagitan nga naman daw ng longest running noontime show kung kaya’t sumikat ang tambalang AlDub nila ni Maine Mendoza.

Habambuhay raw ‘yon tatanawin ni Alden, at walang halaga ng pera ang kapalit niyon.

As for Maine, wala pa raw katiyakan kung mananatili siya sa EB lalo pa’t balitang malapit na itong ikasal kay QC Congressman Arjo Atayde.

Back to Alden, in case he joins TVJ in its new home ay kakayanin ba niya ang daily hosting given his work sked in GMA?

O baka naman pag may libreng oras din lang siya, as in hindi niya ‘yon top priority? Ronnie Carrasco III

Manila, Philippines- Lack of communication.

Ito ang naging mitsa ng paghihiwalay nina Ashley Ortega at ng kanyang boyfriend at Lucena City Mayor Mark Alcala.

Hindi raw kasi swak ang kanilang schedule.

That time ay busy si Ashley sa Widow’s Web samantalang buhos naman ang panahon ng kanyang newly elected mayor-boyfriend.

Taong 2022 raw when they broke up.

Bale ba, nagpasyang magsolong mamuhay si Ashley which made her life even lonelier.

Salamat na lang daw sa kanyang mga well-meaning friends who kept her company all throughout.

Ngayon na lang daw nakukuhang aminin ng Kapuso actress na back to being single siya.

“I’m confirming it. It’s because I’ve recovered from our breakup,” sabi pa ng bituin sa Hearts On Ice teleserye ng GMA with Xian Lim.

If there’s one thing na natutunan daw niya sa kanilang paghihiwalay ni Mark, it’s acknowledging the pain.

At pag in-acknowledge na raw how painful it can be, dapat masundan ‘yon ng paraan how to rise above it.

“One should not live in pain after the breakup,” Ashley shares.

Kung meron daw ugly side to their separation, ‘yun daw ang hindi nila pagiging magkaibigan ni Mark.

Hindi na raw kasi sila nagkita o nagkausap man lang since they parted ways.

I’m sure nagtataka kayo kung bakit hindi na ako pumupunta ng Lucena as I

used to dahil ‘yun na nga, wala na kami,” aniya.
Therapy raw niyang maituturing ang kanyang showbiz work to keep her mind off her breakup. Ronnie Carrasco III

Manila, Philippines- If she had her way, pangarap sana ni Bea Alonzo na magkaroon ng maraming anak.

Her having a single brother explains it all.

Masaya raw kasi ang kapaligiran kapag maraming bata.

“When I was younger, I wanted many children. Ang saya-saya kasi. Eh, isa lang ang kapatid ko. But I know it won’t happen,” ani Bea na marahil sa edad niyang 35 ngayon, gustuhin man niyang mabiyayaan ng maraming anak ay hindi posible.

Siyempre, kanino pa ba manggagaling ang inaasam niyang supling kundi sa nobyong si Dominic Roque?

“Sayang naman ‘yung lahi, di ba?” paniniguro ng Kapuso actress.

Sa vlog na ‘yon with Small Laude ay may mga netizens na ang nagtatanong kung kailan daw ba siya magbubuntis.

“May taxi?” biro niya. “Hindi naman ako nagmamadali. It’s not a race after all. Wala naman akong timeline when it comes to that.”

One thing’s for sure, Bea has never been this sure she’ll end up with Dom.

Isa raw kasi sa mga katangian nito ay ang paraan ng pagpapakita nito ng pagmamahal.

Lalo pa raw ngayong nalampasan na ni Bea ang period na pinagdudahan niya ang nobyo on trust issues.

Dalawang taon na kasi silang magkasintahan.

Pero sa unang taon daw nila’y walang label ang kanilang relasyon.

“We were dating, yes, but there was no label attached to it until I was able to overcome trust issues, well, for obvious reasons. Alam n’yo naman ang pinagdaanan ko,” paliwanag pa ni Bea.

Samantala, mukhang tahimik kung kelan ang followup project ni Bea sa GMA after Start-Up na hindi masasabing huge success.

Marami ang nanghihinyang sa million peso contract ni Bea upon her transfer to GMA kung nakatengga lang siya. Ronnie Carrasco III

 

	VIRGO (Agosto 23 – Setyembre 23) — Kung may pagkakataong dumarating patungkol sa career, bakit hindi mo su-bukang sunggaban. Malay mo, rito ka aangat at makikilala. Hindi naman ito nangangahulugan na hindi mo na gagawin ang iyong nakasanayan. Bagkus, ay magiging isa mo pa itong alas upang maging total package ka.
	LIBRA (Setyembre 24 – Oktubre 23) — Mabibigyan ang negatibong kahulugan ang pag-iwas mo sa iyong mga kaibigan. Kapag ganito, hindi mo na kailangang magpaliwanag. Manahimik ka na lang at ang iyong gawa ang magsasabi nito sa kanila. Sa bandang huli, malalaman nila ang sagot. Likas sa iyo ang matamlay kapag kinakapos na. Kaya wala kang ganang makisalamuha. Darating ang biyaya kung maghihintay ka at hihingi sa tamang paraan.
	SCORPIO (Oktubre 24 – Nobyembre 22) — Hindi lahat ng pananahimik ay pagsang-ayon sa pakahulugan. Ito man ay nagpapahiwatig din ng pagtutol. Kung ‘di mo pa gustong magpatali sa mahal mo, ipaliwanag mo. Mainam na maghintay pa ng ilang panahon bago ka makipag-isang dibdib. Mag-ipon muna at magpundar lalo na ang maayos, malaki at magandang bahay.
	SAGITTARIUS (Nobyembre 23 – Disyembre 21) — Hahadlangan ng iyong loves ang iyong mahalagang lakad sa araw na ito. Hindi sa paraang sasadyain niya kundi nagkataon lamang. Para hindi siya magtampo, isama mo siya sa iyong transaksyon o pakikipag-close deal at malaki ang magagawa ng charm niya upang mapapayag ang potential na kliyente.
	CAPRICORN (Disyembre 22 – Enero 19) — Matutong maging mahinahon sa pananalita upang hindi ka mapagka-malang dominanteng tao. Huwag parang lasing na leon ang boses. Hindi lahat ng tao ay makauunawa sa iyong nakasanayan lalo na ang hindi kakilala. May matatanggap kang sorpresa mula sa matalik na kaibigan.
	AQUARIUS (Enero 20 – Pebrero 18) — Panahon na upang baguhin mo ang nakasanayang mong ikaw. Huwag kang masyadong mahiyain dahil nagpapalampas ka ng magagandang pagkakataon. Marami ang gustong makilala ka’t maging kaibigan. Hindi lahat ng tao ay negatibo ang impresyon sa iyo.
	PISCES (Pebrero 19 – Marso 20) — Bago ka sumang-ayon sa iba para sumama sa lakad, tapusin ko muna ang iyong tasks sa trabaho at sa loob ng pamamahay. Sa gayun ay wala ka nang iniintindi. Kung gipit ka, maglakas loob kang umutang sa nanliligaw sa iyo. Tiyak na hindi ka mapapahiya. Takot lang niya, ibibigay niya ang pera na kamay ay nanginginig pa.
	ARIES (Marso 21 – Abril 19) — Makaririnig ka ng kakaibang biro ngayon. Ngunit, iwasan mong maging maramdamin. Kasi, ang gagawa nito ay ‘yung taong mismong gusto mo. Maging mapagpasensya lang kahit below the belt na ang biro. May katapat na sorpresa ang pagiging matiisin mo sa kanyang mga salita.
	TAURUS (Abril 20 – Mayo 20) — Makabubuting ipagpaliban muna ang malayong paglalakbay sa linggong ito. Sapagkat wala pang kasiguraduhan ang gagawin mong transaksyon. Hintayin mo muna ang go signal. Maglaan ng mahabang oras sa pamilya. Malaki ang iyong papel upang mapasaya sila.
	GEMINI (Mayo 21 – Hunyo 21) — Matutuloy ang iyong planong maganda kung ‘di mo muna ito ipagsasabi. Baka kapag nalaman kasi ng iba, makuha ka pang sabotahin. Ikagugulat din ang paglapit sa iyo ng ‘di gaanong malapit na kaibigan at manghihingi siya ng payo.
	CANCER (Hunyo 22 – Hulyo 22)  — May matutuklasan ka malamang na ikasama ng iyong loob sa iyong minamahal. Gayunman, huwag agad-agad siyang husgahan. Pakinggan mo muna ang kanyang sasabihin. Matutong magtiwala sa iba na kaya nilang tuparin ang kanilang binitiwang salita; kagaya mo na gayun din ang pag-uugali.
	LEO (Hulyo 23 – Agosto 22)  — Kahit may inaasahan kang perang darating sa linggong ito, huwag mong isipin ang gagastusin mo. Magtipid-tipid at bilhin lamang ang kailangan. Kung magpautang ka man sa taong alam mong ‘di makababayad, huwag mo nang pautangin. Hindi nila alam na nagtitipid ka tapos uutangin lang nila ang pera.

Manila, Philippines – Halos lahat ng mga nanood ng special red carpet screening ng first Summer MMFF entry na Kahit Maputi Na Ang Buhok Ko (The Music of Rey Valera) ay napaluha at naka-relate sa ilang mga eksena sa pelikula. Pinuri ang pagkagawa sa pelikula lalo’t personal na nagkukwento si Rey sa movie.

Mahuhusay din ang mga artistang kasama lalo na si RK Bagatsing na ginampanan ang role ni Maestro Rey.

Pinalakpakan din sina Rosanna Roces, Christopher De Leon, Meg Imperial, Gelli De Belen, Ariel Rivera, Gardo Verzosa, Aljur Abrenica at iba pa.

Maganda at makulay ang journey ni Rey bilang singer at kompositor.

Sabi pa ng ilang mga nakapanood: “Ang pelikulang ito ang isa sa dapat panoorin ng mga Filipino kung gusto nila ng quality at may laman at pusong pelikula.”

“Dapat ay matagal nang nakasali ang pelikulang ito sa Metro Manila Film Festival.”

May pasabog din si Rey sa kanyang sikat na classic OPM hit na Walang Kapalit dahil ang kantang ito ay ginawa para sa LGBTQ+ community!

Ayon kay Rey, ang late comedian at TV host na si Ike Lozada ang nag-request ng nasabing kanta para sa huli.

Kaya naman may special participation sa pelikula ang character ni Ike sa ginampanan ng aktor na si Ricky Rivero.

Nagpasalamat si Rey kay Direk Joven Tan for bringing his music to the big screen, saying, “Malaking bagay ito hindi lang sa akin. May statement na ginawa si Direk dito, na ang buhay ng isang nerd o isang introvert, puwede palang gawing pelikula.”

Ang Kahit Maputi Na Ang Buhok Ko (The Music of Rey Valera) ay mapapanood sa mga sinehan from April 8 to 18, 2023. Ito ay prinodyus ng Saranggola Media ni Mam Edith Fider. JP Ignacio