MTRCB pinalalagyan ng dagdag na ngipin ni Padilla
March 3, 2023 @ 3:49 PM
4 weeks ago
Views: 113
Remate Online2023-03-03T14:30:11+08:00
MANILA, Philippines – Isinusulong ni Senador Robin Padilla na magkaroon pa ng mas maraming ngipin ang Movie and Television Review and Classification Board (MTRCB) sa pag-apruba at pagbabawal sa mga pelikula, television programs at publicity materials na nagpapahayag ng “national, racial or religious hatred.”
Si Padilla, na umuupo bilang chairman ng Senate public information and mass media committee, ay naghain kamakailan ng Senate Bill No. 1940, na naglalayong palakasin at palawakin pa ang mandato, kapabilidad at organization structure ng MTRCB sa pamamagitan ng pag-amyenda sa Presidential Decree No. 1986.
Ang PD No. 1986 ay pinirmahan ni dating Pangulong Ferdinand Marcos Sr. na nag-eestablisa sa MTRCB bilang ahensya na magbibigay regulasyon sa pagpapalabas sa publiko ng mga motion pictures, television programs at publicity materials.
“Almost 40 years since its creation, MTRCB proves to be bereft of the opportunity to address the changing demands of our time because of its limiting jurisdiction, organizational structure and operational competence. It also lacks enabling powers to cover potent types of visual media that have proliferated in many forms, including online streaming platforms, on-demand streaming services and even video games,” paliwanag ni Padilla sa panukala.
Kung maisasabatas, ang panukala ay magbibigay sa MTRCB ng ngipin na mag-apruba at magbawal sa distribusyon ng pelikula, programa sa telebisyon at publicity materials “that express national, racial or religious hatred that constitutes incitement to discrimination, hostility, violence or stereotyping or prejudice against the Filipino people, indigenous people or any ethnic group within or outside the country.”
Kabilang sa mga dahilan na pwedeng gamitin ng MTRCB para hindi maaprubahan ang isang palabas ay ang makikita nilang mapanganib para sa
“protection of national security, public order or public health.”
Palalawakin din ang sakop ng ahensya sa mga palabas na imported o binuo sa Pilipinas, online streaming, on-demand streaming services at iba pang kahalintulad na teknolohiya.
Ang mga pelikula, programa sa telebisyon, patalastas at publicity materials na binuo ng pamahalaan ng Pilipinas ay hindi kasama sa hurisdiksyon ng MTRCB, ayon pa sa panukala ni Padilla.
Papayagan naman ang MTRCB “to exercise quasi-judicial function to hear and decide cases for violation of this Act and impose administrative sanctions” tulad ng:
– Imposition of fines and penalties
– Preventive custody of equipment and materials used in the exhibition and/or copying of movies, suspension
– Non-renewal or cancellation of the licenses or permits to operate and/or exhibit
– Suspension of television programs
– Seizure and confiscation of the objectionable material being exhibited or shown sans approval of the board or in violation of the Act
– Closure of movie theaters, television stations, cable television networks, establishments or entities engaged in the public exhibition of movies, television programs and publicity materials
– Blocking or banning of online platforms and on-demand streaming platforms that violate the provisions of the Act
“For this purpose, the board shall have the power to cite in contempt persons or entities willfully disregarding its process, to issue summons, and subpoena or subpoena duces tecum to compel the attendance of witnesses and production of documents and other effects,” pagpapatuloy pa ng panukala.
Ang hakbang na ito ni Padilla ay kasunod ng naging isyu ng Hollywood fictional film na “Plane” na di-umano ay nagpakita ng hindi magandang imahe ng Pilipinas. RNT/JGC
March 30, 2023 @10:02 AM
Views: 6
MANILA, Philippines – Hinimok ng isang grupo ng mga guro ang Department of Education (DepEd) na baguhin ang oras ng pasok sa eskwela ng mga estudyante upang maiwasan ang oras kung saan mataas ang temperatura, lubhang napakapeligro para sa mga estudyante sa panahon ng tag-init.
Maliban dito, suhestyon din ng Alliance of Concerned Teachers (ACT) union chapter sa National Capital Region (NCR), na maglagay ng air conditioners sa mga silid-aralan o kaya ay lumipat muna sa blended learning kung saan posibleng magdaos ng face-to-face classes sa umaga at distance learning modalities naman sa bahay.
Kasabay nito, kinalampag na rin ng grupo ang DepEd na aksyunan na ang isyu ng pagkakaroon ng klase kasabay ng tumataas na temperatura dahil sa tag-init.
“As educators, we cannot fulfill our mandate to provide quality education if our students and teachers are suffering from the harsh summer heat in classrooms,” pahayag ng ACT-NCR.
“We need urgent and concrete solutions that will ensure the safety and well-being of all those involved in the education sector.”
Sinegundahan din ng grupo ang panawagan ng iba sa DepEd na ibalik na ang pre-pandemic na bakasyon na Abril hanggang Mayo.
Sa kabila nito, sinabi ng DepEd na pag-aaralan pa nila ang suhestyong ito.
“At the moment, there are no plans to revert,” ani DepEd spokesman Michael Poa.
Ang panawagang ito ay kasunod ng insidente sa Laguna kung saan 120 estudyante ang naospital dahil sa idinaos na earthquake at fire drill sa ilalim ng tirik na araw noong Marso 23.
Ayon pa sa ACT-NCR, sa kanilang online survey na 67% ng mga guro ang nagsabing nararamdaman nila ang epekto ng mainit na panahon, habang 87 percent ng respondents ang nag-ulat na hindi makatutok sa pag-aaral ang mga estudyante dahil sa init ng panahon. RNT/JGC
March 30, 2023 @9:49 AM
Views: 20
MANILA, Philippines – Sinabi ng Commission of Higher Education (CHED) na gumagawa na sila ng hakbang upang tugunan ang kakulangan sa mga nurse sa bansa dahil sa pangingibang-bansa.
Ani CHED Chairperson Prospero De Vera, gumagawa na ng ilang interbensyon ang ahensya upang mapigilan ang shortage sa mga nurse, katulad ng “retooling board non-passers, adopting nursing curriculum with exit credentials, redirecting non-practicing nurses and conducting exchange programs with other countries.”
“Under the nursing curriculum with exit credentials, students could have several options: exit at the end of Level I or II, obtain the certificate or diploma in Nursing, or choose to continue and finish the four-year nursing program to become a registered nurse,” iniulat ni De Vera sa Private Sector Advisory Council (PSAC) Health Sector group.
Aniya, sinusubukan na rin ng CHED ang flexible short-term masteral program upang masolusyunan ang kakulangan sa mga magtuturo sa nursing at medical schools.
Nauna nang inatasan ni Pangulong Ferdinand Marcos, Jr. ang CHED na resolbahin ang kakulangan ng mga nurse sa bansa na nakaaapekto sa pagbibigay ng epektibong healthcare.
Para naman sa Department of Health (DOH), kasalukuyan nilang sinusuri ang panukalang batas na Magna Carta for Public Health Care Workers and Philippine Nursing Act, kabilang ang pag-aaral sa standardization ng sahod ng mga nurse, doktor at iba pang healthcare workers.
Tututukan din nito ang mga bagong teknolohiya na magagamit sa liblib na lugar.
Matatandaan na sinabi noon ng DOH na nangangailangan ang bansa ng 35,000 na mga nurse. RNT/JGC
March 30, 2023 @9:36 AM
Views: 8
MANILA, Philippines – Nakapagtala ang Department of Health (DOH) nitong Miyerkules, Marso 29 ng 184 bagong kaso ng COVID-19.
Dahil dito ay umakyat sa 8,626 ang aktibong kaso ng sakit.
Kasabay nito ay umakyat din sa 4,080,732 ang nationwide caseload.
Samantala, iniulat din ng DOH na umakyat naman sa 4,005,747 ang recovery tally habang umakyat naman sa 66,359 ang death toll sa walong bagong nasawi.
Sa nakalipas na dalawang linggo, nananatiling ang National Capital Region (NCR) ang may pinakamataas na bagong kaso ng COVID-19 sa
714, sinundan ng Davao Region sa 325 kaso, Northern Mindanao sa 287, Calabarzon sa 247, at Soccsksargen sa 170.
Hanggang nitong Lunes ay mayroon namang 3,719 COVID beds ang okupado, habang nasa 20,429 ang bakante sa bed occupancy sa bansa na 15.4%. RNT/JGC
March 30, 2023 @9:23 AM
Views: 22
MANILA, Philippines – Nagpahayag ng kumpiyansa si Senate Majority Leader Joel Villanueva na susuportahan ng mga kasamahang senador ang report ni Senate ways and means committee chairman Sherwin Gatchalian na nagrerekomendang agaran nang ipagbawal ang
Philippine Offshore Gaming Operators (POGO) sa bansa.
“I have to say that I am confident with my colleagues that if they get a chance to really read into the committee report of Senator Gatchalian, they will sign,” ani Villanueva sa panayam.
Bagama’t batid niya na ang ilang mga kasamahan ay may reservations, tiwala ito na makakakuha ng sapat na pirma ang report para isponsoran sa deliberasyon sa Senado.
“I think it’s quite clear among all of us in the Senate, the majority of the members of the Senate are not in the dark in so far as [the] wicked effects of POGO is concerned,” ani Villanueva.
Pagdating naman sa epekto sa ekonomiya, sinabi ng senador na naniniwala siyang matutugunan ng Retail Trade Liberalization Law at pag-amyenda sa Public Services Act ang mawawalang kita sa pagbabawal ng POGO sa bansa.
“All things considered, this representation still firmly and undoubtedly believes that there are things that we are better off without, and these include POGOs,” sinabi ni Villanueva.
Nitong Martes, Marso 28, sinabi Gatchalian na inaasahan niyang isponsoran ang report ng Senate committee on ways and means kaugnay sa POGO, sa pagbabalik ng sesyon lalo’t marami nang senador ang pumirma dito matapos ang kanyang privilege speech. RNT/JGC
March 30, 2023 @9:10 AM
Views: 25
VATICAN CITY – Dinala sa isang ospital sa Rome si Pope Francis, 86-anyos dahil sa respiratory infection dahilan para kinailangan muna niyang mamalagi sa ospital ng ilang araw.
“In recent days Pope Francis has complained of some breathing difficulties,” sinabi ni Vatican spokesman Matteo Bruni sa isang pahayag.
Ang Papa ay dinala sa Gemelli hospital para sa ilang medical checks kaugnay ng isang “respiratory infection… that will require a few days of appropriate hospital medical treatment”, ani Bruni.
Bago nito ay sinabi na ng Vatican na dinala si Pope Francis sa ospital “for some previously scheduled checks.”
Ito na ang ika-10 taon ng panunungkulan ni Pope Francis bilang pinuno ng Simbahang Katolika, kung saan kamakailan ay nakita pa siyang nakikisalamuha sa publiko.
“Pope Francis is touched by the many messages received and expresses his gratitude for the closeness and prayer,” pahayag pa ni Bruni.
Ayon sa source sa Vatican, kinansela na ang mga appointments ng Santo Papa na nakatakda Huwebes ng umaga, Marso 30, oras sa Vatican. RNT/JGC
