Multiple toll stop sa SLEX, STAR, Skyway kinalos na ng SMC

Multiple toll stop sa SLEX, STAR, Skyway kinalos na ng SMC

December 2, 2022 @ 7:59 AM 2 months ago


MANILA, Philippines – Hindi na daraaan pa sa maraming toll stop ang mga motorista kapag gumagamit ng South Luzon Expressway (SLEX), Southern Tagalog Arterial Road (STAR), at Skyway.

Ito ay dahil sinimulan nang ipatupad ng infrastructure arm ng San Miguel Corporation (SMC) ang “Seamless Southern Tollways” program nito.

Sa ilalim ng bagong scheme, sinabi ng SMC Infrastructure na ang mga toll stop sa loob ng expressway network nito sa South Luzon ay mababawasan mula lima hanggang dalawa na lamang—sa mga entry at exit point—sa tamang panahon para sa inaasahang pagtaas ng dami ng trapiko ngayong Pasko.

Sa hakbang na ito, maiiwasan din ang traffic buildup sa mga toll plaza, dagdag ng kumpanya.

Tinawag ni Transportation Secretary Jaime Bautista ang programa na isang “welcome development,” lalo na para sa mga Pilipinong bumibiyahe para sa bakasyon. RNT