Naaagnas na katawan ng retiradong Dean ng isang Kolehiyo, natagpuan sa Nueva Ecija

Naaagnas na katawan ng retiradong Dean ng isang Kolehiyo, natagpuan sa Nueva Ecija

August 18, 2022 @ 2:15 PM 2 months ago


SAN LEONARDO, Nueva Ecija – Isang naagnas na bangkay ng isang lola ang natagpuan sa loob ng isang sasakyan matapos na di-umanoy mapaslang ng menor-de-edad na apo kamakailan.

Sa imbestigasyon ng pulisya at base na rin sa testimonya di-umano ng suspek na menor, na nangyari umano ang nasabing krimen noong Hulyo 20, 2022.

Umamin umano ito sa krimen matapos matagpuan ang naaagnas na bangkay ng kanyang 68-anyos na lola nito lamang Agosto 14, 2022 ganap na alas-9:00 ng gabi.

Nakilala ang biktima na si Virginia Del Rosario y De Ocampo, residente ng Barangay Castellano, San Leonardo, Nueva Ecija at natagpuan ito sa compartment trunk ng pag-aari nitong kulay gray na Nissan Xtrail SUV na may plate number RDV 596 na nakaparada sa madamong bakuran ng bahay nito.

Ayon sa pulisya, na isinailalim na sa pangangalaga ng Municipal Social Welfare and Development Office (MSWDO) ang binatilyo. Elsa Navallo