Trending Now

Nagaganap na patayan hindi inisyatibo ng gobyerno – PDEA

Nagaganap na patayan hindi inisyatibo ng gobyerno – PDEA

July 10, 2018 @ 4:40 PM 5 years ago
Views: 513
   

 

Manila, Philippines – Nanindigan ang Philippine Drug Enforcement Agency (PDEA) na hindi inisyatibo ng gobyerno ang nagaganap na patayan partikular sa mga elected official sa bansa para bigyan katuwiran ang militarisasyon o pagdedeklara ng batas militar.

Ito ang sinabi kanina Hulyo 10, 2018 (Martes) ni PDEA Director General Aaron N. Aquino matapos itanggi na may kinalaman ang pamahalaan sa mga nagaganap na patayan.

Sa isang press conference sinabi ni Aquino na sinasakyan lamang umano ng ilang grupo ang mga nagaganap na patayan para isisi ito sa gobyerno at idikit ito sa kampanya ng pamahalaan kontra iligal na droga.

Reaksyon ito ni Aquino hinggil sa mga nagaganap na pagpatay sa mga elected official kabilang dito ang pagpatay kay Tanauan City Mayor Antonio Halili; General Tinio, Nueva Ecija Mayor Ferdinand Bote at ang pinakahuli ay ang pagpatay kay Vice Mayor ng Trece Martires, Cavite Alex Lubigan at itinanggi na may kinalalaman dito ang gobyerno.

Sinabi pa ng PDEA chief na hindi dapat ikonek sa kampanya ng pamahalaan kontra iligal na droga ang mga nagaganap na patayan.

Pinayuhan ni Aquino ang mga local na official na maging bigilante at mapagmatyag at paigtingin ang police visibility sa kanilang mga nasasakupan.

Subalit nanindigan si Aquino na kunumpirma nito na nananatili sa kanilang listahan ang 87 na narcopolitician na pawang mga alkalde at bise alkalde na umano’y sangkot sa illegal drugs habang aabot naman sa 17 konsehal ang nasa kanilang watchlist na umano’y sangkot din sa iligal na droga.

Bagamat tumanggi ang PDEA chief na banggitin ang mga pangalan ng nga local official na nasa narcolist sinabi nito na isusumite niya kay Pangulong Duterte ang naturang listahan kapag nakumpleto na ang kanilang ginagawang validation. (Santi Celario)


   

PBBM planong magbigay ng insentibo sa mga LGU vs malnutrisyon

March 30, 2023 @10:15 AM
Views: 8
   

MANILA, Philippines – PINAG-AARALANG mabuti ng national government kung paano bibigyan ng insentibo ang local government units (LGUs) sa laban nito kontra malnutrisyon.

Ito ang sinabi ni Pangulong Ferdinand Marcos Jr. sa isinagawang paglulunsad ng Philippine Multisectoral Nutrition Project (PMNP), isang collaborative effort sa pagitan ng Philippine government at World Bank na naglalayong paghusayin ang nutritional status ng mga Filipino.

Ani Pangulong Marcos, layon ng PMNP na makapagbigay ng pangunahing health care support at nutrition services, access sa malinis na tubig at sanitasyon, technical information, pagsasanay at financing sa kailangang interbensyon ng LGUs para tugunan ang malnuturisyon.

“The program will also incentivize the participating LGUs. We were just having a very quick discussion about how that should be-how we can achieve that,” ayon sa Pangulo sa kanyang naging talumpati.

“We see very clearly the problems that arise at the ground level,” aniya pa rin.

Binatikos naman ng Punong Ehekutibo kung bakit hindi naging prayoridad ang healthcare sa lokal na antas, tinuran ang kakulangan ng kakayahan at abilidad, maging ang kasanayan at manpower.

“So we have found a way to bring the LGUs in. Because it is without their partnership, we do not get to what is often referred to as the last mile. That is always the problem when you try to translate a program from the national level, a program of the national government, all the way down to the local government, down to the barangay level,” ang winika ng Pangulo.

Sa kabilang dako, hinikayat naman ng Pangulo ang Department of Health (DoH) na makipagsanib-puwersa sa ibang ahensiya ng pamahalaan “in harmonizing and implementing sound diet and nutritional  policies and  practices.”

Nanawagan naman ang Pangulo ng “employment of best efforts” upang matiyak ang well orchestrated coordinated strategy para ipatupad ang nutritional programs sa iba’t ibang bahagi ng bansa. Kris Jose


   

Oras ng pasok sa eskwela, baguhin sa mainit na panahon – ACT

March 30, 2023 @10:02 AM
Views: 10
   

MANILA, Philippines – Hinimok ng isang grupo ng mga guro ang Department of Education (DepEd) na baguhin ang oras ng pasok sa eskwela ng mga estudyante upang maiwasan ang oras kung saan mataas ang temperatura, lubhang napakapeligro para sa mga estudyante sa panahon ng tag-init.

Maliban dito, suhestyon din ng Alliance of Concerned Teachers (ACT) union chapter sa National Capital Region (NCR), na maglagay ng air conditioners sa mga silid-aralan o kaya ay lumipat muna sa blended learning kung saan posibleng magdaos ng face-to-face classes sa umaga at distance learning modalities naman sa bahay.

Kasabay nito, kinalampag na rin ng grupo ang DepEd na aksyunan na ang isyu ng pagkakaroon ng klase kasabay ng tumataas na temperatura dahil sa tag-init.

“As educators, we cannot fulfill our mandate to provide quality education if our students and teachers are suffering from the harsh summer heat in classrooms,” pahayag ng ACT-NCR.

“We need urgent and concrete solutions that will ensure the safety and well-being of all those involved in the education sector.”

Sinegundahan din ng grupo ang panawagan ng iba sa DepEd na ibalik na ang pre-pandemic na bakasyon na Abril hanggang Mayo.

Sa kabila nito, sinabi ng DepEd na pag-aaralan pa nila ang suhestyong ito.

“At the moment, there are no plans to revert,” ani DepEd spokesman Michael Poa.

Ang panawagang ito ay kasunod ng insidente sa Laguna kung saan 120 estudyante ang naospital dahil sa idinaos na earthquake at fire drill sa ilalim ng tirik na araw noong Marso 23.

Ayon pa sa ACT-NCR, sa kanilang online survey na 67% ng mga guro ang nagsabing nararamdaman nila ang epekto ng mainit na panahon, habang 87 percent ng respondents ang nag-ulat na hindi makatutok sa pag-aaral ang mga estudyante dahil sa init ng panahon. RNT/JGC


   

Kakulangan sa nars tutugunan ng CHED

March 30, 2023 @9:49 AM
Views: 22
   

MANILA, Philippines – Sinabi ng Commission of Higher Education (CHED) na gumagawa na sila ng hakbang upang tugunan ang kakulangan sa mga nurse sa bansa dahil sa pangingibang-bansa.

Ani CHED Chairperson Prospero De Vera, gumagawa na ng ilang interbensyon ang ahensya upang mapigilan ang shortage sa mga nurse, katulad ng “retooling board non-passers, adopting nursing curriculum with exit credentials, redirecting non-practicing nurses and conducting exchange programs with other countries.”

“Under the nursing curriculum with exit credentials, students could have several options: exit at the end of Level I or II, obtain the certificate or diploma in Nursing, or choose to continue and finish the four-year nursing program to become a registered nurse,” iniulat ni De Vera sa Private Sector Advisory Council (PSAC) Health Sector group.

Aniya, sinusubukan na rin ng CHED ang flexible short-term masteral program upang masolusyunan ang kakulangan sa mga magtuturo sa nursing at medical schools.

Nauna nang inatasan ni Pangulong Ferdinand Marcos, Jr. ang CHED na resolbahin ang kakulangan ng mga nurse sa bansa na nakaaapekto sa pagbibigay ng epektibong healthcare.

Para naman sa Department of Health (DOH), kasalukuyan nilang sinusuri ang panukalang batas na Magna Carta for Public Health Care Workers and Philippine Nursing Act, kabilang ang pag-aaral sa standardization ng sahod ng mga nurse, doktor at iba pang healthcare workers.

Tututukan din nito ang mga bagong teknolohiya na magagamit sa liblib na lugar.

Matatandaan na sinabi noon ng DOH na nangangailangan ang bansa ng 35,000 na mga nurse. RNT/JGC


   

184 dagdag-kaso ng COVID naitala!

March 30, 2023 @9:36 AM
Views: 11
   

MANILA, Philippines – Nakapagtala ang Department of Health (DOH) nitong Miyerkules, Marso 29 ng 184 bagong kaso ng COVID-19.

Dahil dito ay umakyat sa 8,626 ang aktibong kaso ng sakit.

Kasabay nito ay umakyat din sa 4,080,732 ang nationwide caseload.

Samantala, iniulat din ng DOH na umakyat naman sa 4,005,747 ang recovery tally habang umakyat naman sa 66,359 ang death toll sa walong bagong nasawi.

Sa nakalipas na dalawang linggo, nananatiling ang National Capital Region (NCR) ang may pinakamataas na bagong kaso ng COVID-19 sa
714, sinundan ng Davao Region sa 325 kaso, Northern Mindanao sa 287, Calabarzon sa 247, at Soccsksargen sa 170.

Hanggang nitong Lunes ay mayroon namang 3,719 COVID beds ang okupado, habang nasa 20,429 ang bakante sa bed occupancy sa bansa na 15.4%. RNT/JGC


   

Villanueva tiwalang susuportahan ng mga senador sa hirit na POGO ban

March 30, 2023 @9:23 AM
Views: 22
   

MANILA, Philippines – Nagpahayag ng kumpiyansa si Senate Majority Leader Joel Villanueva na susuportahan ng mga kasamahang senador ang report ni Senate ways and means committee chairman Sherwin Gatchalian na nagrerekomendang agaran nang ipagbawal ang
Philippine Offshore Gaming Operators (POGO) sa bansa.

“I have to say that I am confident with my colleagues that if they get a chance to really read into the committee report of Senator Gatchalian, they will sign,” ani Villanueva sa panayam.

Bagama’t batid niya na ang ilang mga kasamahan ay may reservations, tiwala ito na makakakuha ng sapat na pirma ang report para isponsoran sa deliberasyon sa Senado.

“I think it’s quite clear among all of us in the Senate, the majority of the members of the Senate are not in the dark in so far as [the] wicked effects of POGO is concerned,” ani Villanueva.

Pagdating naman sa epekto sa ekonomiya, sinabi ng senador na naniniwala siyang matutugunan ng Retail Trade Liberalization Law at pag-amyenda sa Public Services Act ang mawawalang kita sa pagbabawal ng POGO sa bansa.

“All things considered, this representation still firmly and undoubtedly believes that there are things that we are better off without, and these include POGOs,” sinabi ni Villanueva.

Nitong Martes, Marso 28, sinabi Gatchalian na inaasahan niyang isponsoran ang report ng Senate committee on ways and means kaugnay sa POGO, sa pagbabalik ng sesyon lalo’t marami nang senador ang pumirma dito matapos ang kanyang privilege speech. RNT/JGC