Nanalo sa Cavite special poll ipoproklama ngayong araw
February 26, 2023 @ 9:05 AM
1 month ago
Views: 137
Remate Online2023-02-26T08:26:34+08:00
MANILA, Philippines – Inilarawan ni Commision on Elections Chairman George Garcia ang katatapos lamang na special election sa ika-pitong distrito ng Cavite na ‘very peaceful’.
Nakiisa ang libu-libong botante sa nasabing botohan sa apat na munisipalidad ng Cavite kasama ang Amadeo, Indang,Tanza at Trece Martires City.
Ang nanalo sa special election sa Cavite para punan ang congressional seat na nabakante ni Justice Secretary Jesus Crispin Remulla ay inaasahang maiproproklama ngayong Linggo ng umaga, Pebrero 26.
Sinabi ni Comelec spokesperson John Rex Laudiangco na lahat ng 426 clustered precincts sa 75 voting centers ng apat na munisipalidad ay nagsimula ng botohan ng alas-6 ng umaga at nagsara alas-7 kagabi.
Nakaranas naman ng ilang kahirapan ang mga botante dahil ilan sa mga voting precinct sa Amadeo ay matatagpuan sa ikatlo at ika-apat na palapag ng gusali, na nagpahirap sa ilang senior citizen na botante.
Ayon kay Garcia, sa hinaharap ay hihingin nila sa mga election officer na magsumite ng mapa ng presinto na naglalaman ng emergency accessible polling places (EAPP) para sa mga matatanda.
“Dapat pong malaman ng lahat ng mga kababayan natin na laging priority, ang centerpiece pong bagong liderato ng Comelec ay lagi yung ating mga vulnerable sector,” sabi ni Garcia.
Samantala, sinabi niya na ang Comelec ay handa nang magdaos ng plebisito sa Carmona, Cavite matapos lagdaan ni Pangulong Ferdinand “Bongbong” Marcos Jr. bilang batas ang isang panukalang nagko-convert sa munisipalidad ng Carmona bilang isang compontent city ng Cavite.
Wala pa naman aniyang natatanggap na opisyal na rekomendasyon ang Comelec patungkol sa paglagda ng Pangulo ngunit sila ay handang-handa nang magdaos ng plebisito.
Ang Republic Act 11938 ay nilagdaan ng Punong Ehekutibo noong Pebrero 23.
Ipinag-uutos nito ang pagdaraos ng plebisito sa loob ng 60 araw pagkatapos maaprubahan ang batas.
Maliban kung itinatadhana ng batas, ang Carmona ay magpapatuloy na maging bahagi ng fifth legislative district ng probinsya ng Cavite. Jocelyn Tabangcura-Domenden
March 30, 2023 @10:02 AM
Views: 6
MANILA, Philippines – Hinimok ng isang grupo ng mga guro ang Department of Education (DepEd) na baguhin ang oras ng pasok sa eskwela ng mga estudyante upang maiwasan ang oras kung saan mataas ang temperatura, lubhang napakapeligro para sa mga estudyante sa panahon ng tag-init.
Maliban dito, suhestyon din ng Alliance of Concerned Teachers (ACT) union chapter sa National Capital Region (NCR), na maglagay ng air conditioners sa mga silid-aralan o kaya ay lumipat muna sa blended learning kung saan posibleng magdaos ng face-to-face classes sa umaga at distance learning modalities naman sa bahay.
Kasabay nito, kinalampag na rin ng grupo ang DepEd na aksyunan na ang isyu ng pagkakaroon ng klase kasabay ng tumataas na temperatura dahil sa tag-init.
“As educators, we cannot fulfill our mandate to provide quality education if our students and teachers are suffering from the harsh summer heat in classrooms,” pahayag ng ACT-NCR.
“We need urgent and concrete solutions that will ensure the safety and well-being of all those involved in the education sector.”
Sinegundahan din ng grupo ang panawagan ng iba sa DepEd na ibalik na ang pre-pandemic na bakasyon na Abril hanggang Mayo.
Sa kabila nito, sinabi ng DepEd na pag-aaralan pa nila ang suhestyong ito.
“At the moment, there are no plans to revert,” ani DepEd spokesman Michael Poa.
Ang panawagang ito ay kasunod ng insidente sa Laguna kung saan 120 estudyante ang naospital dahil sa idinaos na earthquake at fire drill sa ilalim ng tirik na araw noong Marso 23.
Ayon pa sa ACT-NCR, sa kanilang online survey na 67% ng mga guro ang nagsabing nararamdaman nila ang epekto ng mainit na panahon, habang 87 percent ng respondents ang nag-ulat na hindi makatutok sa pag-aaral ang mga estudyante dahil sa init ng panahon. RNT/JGC
March 30, 2023 @9:49 AM
Views: 20
MANILA, Philippines – Sinabi ng Commission of Higher Education (CHED) na gumagawa na sila ng hakbang upang tugunan ang kakulangan sa mga nurse sa bansa dahil sa pangingibang-bansa.
Ani CHED Chairperson Prospero De Vera, gumagawa na ng ilang interbensyon ang ahensya upang mapigilan ang shortage sa mga nurse, katulad ng “retooling board non-passers, adopting nursing curriculum with exit credentials, redirecting non-practicing nurses and conducting exchange programs with other countries.”
“Under the nursing curriculum with exit credentials, students could have several options: exit at the end of Level I or II, obtain the certificate or diploma in Nursing, or choose to continue and finish the four-year nursing program to become a registered nurse,” iniulat ni De Vera sa Private Sector Advisory Council (PSAC) Health Sector group.
Aniya, sinusubukan na rin ng CHED ang flexible short-term masteral program upang masolusyunan ang kakulangan sa mga magtuturo sa nursing at medical schools.
Nauna nang inatasan ni Pangulong Ferdinand Marcos, Jr. ang CHED na resolbahin ang kakulangan ng mga nurse sa bansa na nakaaapekto sa pagbibigay ng epektibong healthcare.
Para naman sa Department of Health (DOH), kasalukuyan nilang sinusuri ang panukalang batas na Magna Carta for Public Health Care Workers and Philippine Nursing Act, kabilang ang pag-aaral sa standardization ng sahod ng mga nurse, doktor at iba pang healthcare workers.
Tututukan din nito ang mga bagong teknolohiya na magagamit sa liblib na lugar.
Matatandaan na sinabi noon ng DOH na nangangailangan ang bansa ng 35,000 na mga nurse. RNT/JGC
March 30, 2023 @9:36 AM
Views: 8
MANILA, Philippines – Nakapagtala ang Department of Health (DOH) nitong Miyerkules, Marso 29 ng 184 bagong kaso ng COVID-19.
Dahil dito ay umakyat sa 8,626 ang aktibong kaso ng sakit.
Kasabay nito ay umakyat din sa 4,080,732 ang nationwide caseload.
Samantala, iniulat din ng DOH na umakyat naman sa 4,005,747 ang recovery tally habang umakyat naman sa 66,359 ang death toll sa walong bagong nasawi.
Sa nakalipas na dalawang linggo, nananatiling ang National Capital Region (NCR) ang may pinakamataas na bagong kaso ng COVID-19 sa
714, sinundan ng Davao Region sa 325 kaso, Northern Mindanao sa 287, Calabarzon sa 247, at Soccsksargen sa 170.
Hanggang nitong Lunes ay mayroon namang 3,719 COVID beds ang okupado, habang nasa 20,429 ang bakante sa bed occupancy sa bansa na 15.4%. RNT/JGC
March 30, 2023 @9:23 AM
Views: 22
MANILA, Philippines – Nagpahayag ng kumpiyansa si Senate Majority Leader Joel Villanueva na susuportahan ng mga kasamahang senador ang report ni Senate ways and means committee chairman Sherwin Gatchalian na nagrerekomendang agaran nang ipagbawal ang
Philippine Offshore Gaming Operators (POGO) sa bansa.
“I have to say that I am confident with my colleagues that if they get a chance to really read into the committee report of Senator Gatchalian, they will sign,” ani Villanueva sa panayam.
Bagama’t batid niya na ang ilang mga kasamahan ay may reservations, tiwala ito na makakakuha ng sapat na pirma ang report para isponsoran sa deliberasyon sa Senado.
“I think it’s quite clear among all of us in the Senate, the majority of the members of the Senate are not in the dark in so far as [the] wicked effects of POGO is concerned,” ani Villanueva.
Pagdating naman sa epekto sa ekonomiya, sinabi ng senador na naniniwala siyang matutugunan ng Retail Trade Liberalization Law at pag-amyenda sa Public Services Act ang mawawalang kita sa pagbabawal ng POGO sa bansa.
“All things considered, this representation still firmly and undoubtedly believes that there are things that we are better off without, and these include POGOs,” sinabi ni Villanueva.
Nitong Martes, Marso 28, sinabi Gatchalian na inaasahan niyang isponsoran ang report ng Senate committee on ways and means kaugnay sa POGO, sa pagbabalik ng sesyon lalo’t marami nang senador ang pumirma dito matapos ang kanyang privilege speech. RNT/JGC
March 30, 2023 @9:10 AM
Views: 25
VATICAN CITY – Dinala sa isang ospital sa Rome si Pope Francis, 86-anyos dahil sa respiratory infection dahilan para kinailangan muna niyang mamalagi sa ospital ng ilang araw.
“In recent days Pope Francis has complained of some breathing difficulties,” sinabi ni Vatican spokesman Matteo Bruni sa isang pahayag.
Ang Papa ay dinala sa Gemelli hospital para sa ilang medical checks kaugnay ng isang “respiratory infection… that will require a few days of appropriate hospital medical treatment”, ani Bruni.
Bago nito ay sinabi na ng Vatican na dinala si Pope Francis sa ospital “for some previously scheduled checks.”
Ito na ang ika-10 taon ng panunungkulan ni Pope Francis bilang pinuno ng Simbahang Katolika, kung saan kamakailan ay nakita pa siyang nakikisalamuha sa publiko.
“Pope Francis is touched by the many messages received and expresses his gratitude for the closeness and prayer,” pahayag pa ni Bruni.
Ayon sa source sa Vatican, kinansela na ang mga appointments ng Santo Papa na nakatakda Huwebes ng umaga, Marso 30, oras sa Vatican. RNT/JGC
