MANILA, Philippines- Bibigyan ng administrasyong Marcos ng “boses” ang mga kababaihan sa mga usapin na may kinalaman sa “polisiya at kaunlaran”.

Ang pahayag na ito ni Press Secretary Trixie Cruz-Angeles ay kasunod ng kamakailan lamang na oath-taking ng mga bagong miyembro ng Bangsamoro Transition Authority (BTA), interim government ng Bangsamoro Autonomous Region in Muslim Mindanao (BARMM).

Sinabi ni Cruz- Angeles, sa 80 bagong miyembro ng BTA, 16 ang kababaihan.

“Ang balanseng representasyon ng kasarian sa pamahalaan ay mahalaga sa pagbuo ng mapayapang lipunan,” ayon kay Cruz-Angeles sa kanyang official Twitter account.

“…Sa ilalim ng kasalukuyang administrasyon, patuloy ang pagbibigay ng oportunidad sa mga kababaihan na makilahok sa usapin ng polisiya at kaunlaran,” dagdag na pahayag nito.

Ang ratipikasyon ng Republic Act (RA) 11054 o Bangsamoro Organic Law (BOL) sa pamamagitan ng plebesito na idinaos noong 2019 ang nagbigay-daan para sa paglikha ng BARMM at pagtatatag ng BTA.

Kinabibilangan ng 80 miyembro na itinalaga ni Pangulong Marcos, ang BTA ay “governing body tasked to pass crucial legislation to operationalize the BOL and exercise legislative and executive powers during the region’s transition period.”

Ang 41 miyembro ng BTA ay nominado ng MILF, habang ang 39 na miyembro ay inendorso ng Philippine government.

Ang listahan ng mga miyembro ng BTA ay in-upload sa official Facebook page ng Bangsamoro government. Naglalaman ito ng mga pangalan ng 80 appointees, kabilang na si Ahod Ebrahim na itinalaga bilang BTA interim chief minister. Kris Jose

MANILA, Philippines- Inihayag ng Department of Education (DepEd) nitong Martes na ang enrollment para sa School Year 2022-2023 ay mananatiling hanggang Agosto 22 o sa unang araw ng klase lamang, dahil wala umanong natatalakay ukol sa pagpapalawig nito.

Sa isang public briefing, nanawagan si DepEd spokesperson Atty. Michael Poa sa mga magulang at guardian na i-enroll na ang kanilang mga anak at wag nang hintaying sumapit ang August 22 deadline.

“Hinihikayat pa rin natin ang ating mga magulang na hindi pa nakakapag-enroll na i-enroll na po agad ang kanilang mga anak. Huwag na po nating hintayin ‘yung August 22 na deadline,” panawagan niya.

“Sa ngayon po, wala pa po tayong extension na napag-uusapan. Sa ngayon, hanggang August 22 and deadline ng enrollment natin,” patuloy niya.

Hanggang nitong Martesm umabot na sa  21,272,820 ang kabuuang bilang ng enrolled learners para sa incoming academic year.

 Sa bilang na ito, 18,722,393 ay mula sa public schools, 2,478,488 ang mula sa private schools, habang 71,939 ay mula sa state universities and colleges (SUCs) at local universities and colleges (LUCs).

Sinabi ni Poa na inaasahan ng DepEd ang 28.6 milyong enrollees para sa darating na school year.

Nagsimula ang bagong enrollment process para sa taong ito noong Hulyo 25,at pwedeng isagawa nang in-person, remotely, o sa pamamagitan ng dropbox forms. RNT/SA

MANILA, Philippines- Sinuspinde ng Procurement Service of the Department of Budget and Management (PS-DBM) ang pagbili ng non-common use supplies and equipment (Non-CSE) para sa mga ahensiya ng gobyerno “until further notice.”

“I issued a directive suspending the procurement of non-common use supplies and equipment, effective immediately,” ayon kay PS-DBM Executive Director Dennis Santiago sa isang kalatas.

Malinaw na ang ibig sabihin nito ay hindi tatanggap ang PS-DBM ng kahit na anunang requests para sa Non-CSE procurement “until further notice.”

“This will allow us to focus on the fulfillment of our primary mandate, which is to procure CSEs,” ayon kay Santiago.

Ang PS-DBM ay may mandato na “to procure common-use office supplies, materials, and equipment such as, but not limited to, ballpens, papers, stapler, paper clips, folders, and the like for all government agencies.”

“Tatapusin na lamang po ‘yung procurement ng mga non-CSE na ongoing o nasa pipeline na hanggang sa sila’y makumpleto. Pero hanggang doon na lang po iyon. Pagkatapos noon, wala na. Lahat ng procurement, CSE na lang,” ang pahayag ni Santiago.

Ang suspension ng pagbili ng NCSE ay kasunod at sa gitna ng kontrobersiya na bumabalot sa Department of Education (DepEd) hinggil sa di umano’y overpriced at outdated laptops na binili para sa mga guro. Kris Jose

MANILA, Philippines- Muling ipinanawagan ni Senator Christopher “Bong” Go ang pagpapasa ng kanyang panukala na pagtatayo ng evacuation center sa bawat munisipalidad, lungsod at lalawigan sa buong bansa.

Sa ambush interview matapos personal na magbigay ng tulong sa mga nasunugan sa Bacoor City, Cavite noong Linggo, sinabi ni Go na isinampa niya muli ang panukalang batas sa 19th Congress bilang isa sa kanyang priority measures na tutugon sa kahinaan ng Pilipinas sa mga epekto ng pagbabago ng klima at iba pang natural o sakuna na dulot ng tao.

“Meron na po akong nai-file sa Senado. Itong mandatory evacuation center. Itong Senate Bill 193. Na-i-file ko po noong July. Alam n’yo, kailangan po natin ng maaayos na evacuation center, malilinis na evacuation center sa mga siyudad, probinsya at munisipyo,” ani Go.

“Tignan n’yo po ngayon, eh, kung wala silang maayos na evacuation center, nagagamit po ang eskwelahan. Eh, kung gagamitin na po ito sa pagbubukas ng eskwela, masasakripisyo po ang pag-aaral kung gagamitin po bilang evacuation center,” dagdag niya.

Sa ilalim ng iminungkahing “Mandatory Evacuation Center Act of 2022”, ang pagtatayo ng mga evacuation center sa lahat ng lokalidad ay iimplementa ng Department of Public Works and Highways, mga kinauukulang yunit ng pamahalaang lokal, at iba pang ahensya.

Ang panukalang batas ay nangangailangan ng minimum requirements sa bawat evacuation center, kabilang ang lokasyon, istruktura o kapasidad ng gusali, at amenities and accessibility.

Ang mga iminungkahing mandatory evacuation center ay dapat nakadisenyog kakayanin ang mga super typhoon o bilis ng hangin na hindi bababa sa 300 kilometro bawat oras at aktibidad ng seismic na hindi bababa sa 8.0 magnitude.

Dapat din, anang senador, ay maayos at malinis ang evacuation center kung saan pwedeng makapagpahinga ang mga bata, may sanitation, comfort room, at komportableng higaan bago makauwi sa kanilang tirahan ang mga bakwit.

Bukod dito, naghain din si Go ng SBN 188 na naglalayong magtatag ng isang Department of Disaster Resilience, isang highly specialized agency na may tungkuling tiyakin ang adaptive, disaster-resilient at ligtas na mga komunidad; at SBN 192 na nagtatadhana para sa pagbuo ng isang programa sa pabahay at panlipunang proteksyon na magbibigay sa mga biktima ng sakuna.

“Meron din po akong nai-file sa Senado, itong Rental Subsidy Bill kung saan bibigyan sila ng kalahating halaga ng renta na habang hindi pa sila nakakauwi sa kanilang mga pamamahay. Sana po ay maisabatas po ito dahil mahirap nga pong masunugan,” ani Go.

Tiniyak ni Go na patuloy niyang isusulong ang mas maraming people-centered at service-oriented na batas, gayundin ng mga hakbang na magsusulong ng pambansang katatagan.

“Nag-file ako ng aking unang 20 bill para sa 19th Congress. Ang iba ay nai-refile ko na po mula sa 18th Congress. Ang aking mga nai-file po ay para maging more resilient tayo… ang overall objective ng mga bill na ito is to be more resilient and more adaptable,” ani Go. RNT

MANILA, Philippines- Dumipensa si Philippine National Police (PNP) chief, Gen. Rodolfo Azurin Jr., nitong Lunes sa kanyang utos na balasahin ang mahigit 80 ranking police officials, kabilang na ang three top posts ng command group ng pwersa.

“I think it’s not the first time because during the time of no less than our guest si (former PNP chief and former Senator) Gen. (Panfilo) Lacson, minove pa nga niya si Gen. Larry Mendoza noon. So it is not the first time that It happened. Ganun din nung time ni Gen. Bato (Ronald Dela Rosa now a senator) wherein si General Magalong who was with DIDM (Directorate for Investigation and Detective Management) was elevated to DCO (deputy chief for operations ). Actually this is part of ‘yung sinasabi ko rin, I had my inaugural speech that we need to have a policy flexibility. Ibig sabihin kailangan ay pag-aralan natin what is best for the organization,” pahayag ni Azurin matapos ang flag ceremony.

Pinangalanan ni Azurin si Lt. Gen. Jose Chiquito Malayo bilang bagong deputy chief for administration, second-highest official ng PNP, na pumalit kay Lt. Gen. Rhodel Sermonia, na na-reassign bilang chief of the Area Police Command (APC) sa Visayas.

“General Sermonia is well known as a good organizer, as a good advocate in organizing and mobilizing the community. And nakikita naman natin on record kung saan isa isa pinapatay ang ating pulis sa Samar. So I think we need somebody there to organize and bring awareness to all the different barangays in the Visayas region, na pagtulong tulungan natin itong problema natin insurgency. So ‘yun ‘yung reason that’s why I requested siya mag)move,” sabi ni Azurin.

Samantala, si Maj. Gen. Benjamin Santos naman ang bagong deputy chief for operations o ang number three man ng PNP.

Pinalitan niya si Lt. Gen. Vicente Danao Jr. na itinalagang pinuno ng APC Western Mindanao; habang si Maj. Gen. Arthur Bisnar ay umalis sa kanyang pwesto bilang chief of the Directorate for Human Resource and Doctrine Development (DHRDD) upang magsilbing chief of the directorial staff, ang fourth top post ng organisasyon, kapalit ni Malayo.

“On the part of Vic (Danao) I told them we have problems right now because of the implementation of Bangsamoro Autonomous Region in Muslim Mindanao (BARMM) .’Yung mga transition members last Friday took oath as members of parliament. So we need the competency and expertise ng ating mga kasamahan dito unlike if they are only here,” sabi ni Azurin.

Inilahad ni Azurin na nais niyang makipagdayalogo sa National Police Commission (Napolcom) upang ipaliwanag ang reorganization ng mga opisyal sa ilang key positions.

Matatandaang naglabas ang Napolcom ng isang resolusyon na nagre-require ng pagsusumite ng listahan ng third-level officials bago sila bigyan ng posisyon.

“We have to iron out ‘yung differences namin ng Napolcom. And I respect that particular Napolcom memorandum circular,” sabi ni Azurin .

Sa ilalim ng Napolcom memorandum circular 2019-001, nakasaad dito na ang Director for Personnel and Records Management ay kinakailangan munang mag-cause ng publication ng vacant at soon-to-be-vacant positions maging listahan ng eligible officers para sa mga posisyon.

Nakasaad pa sa publication na “any officer who is not included in the said list may not be designated to any of the third level positions in the PNP.”

“So we have to practice that’s why we have to talk it out how we can best deliver the intention of Napolcom and the intention of the PNP so that we don’t wait for what we want to happen in the PNP organization,” aniya.

Binanggit din ni Azurin na pinayagan siya ni dating Napolcom vice chairperson Rogelio Casurao na magpasa ng mga dokumento kahit huli na. Subalit, pumanaw ang huli noong Enero 2021. RNT/SA