MANILA, Philippines- Inaasahang magpapatupad muli ng bawas-presyo sa mga produktong petrolyo ang mga kompanya ng langis sa bansa bago matapos ang buwan ng Pebrero.
Batay sa pagtantiya ng industriya ng langis sa bansa, ang presyo ng diesel at kerosene ay bababa mula P0.90 hanggang P1.10 kada litro, habang ang presyo ng gasolina ay inaasahang bababa ng mula P0.60 hanggang P0.80.
Batay sa pagtala, ito ang pangatlong beses na pagbaba ng presyo sa kada litro ng mga produktong petrolyo ngayong taon.
Matapos ang paunang rollback upang simulan ang taon, ang presyo ng langis ay sunod-sunod na tumaas dahil sa mga tensyon sa Gitnang Silangan.
Matatandaang nito lamang nakaraang Martes ay nagpatupad ng dagdag-presyo sa mga produktong petrolyo ang mga kompanya ng langis sa bansa na P1.60 sa kada litro ng gasolina, P1.10 sa kada litro ng diesel, at P1.05 sa kada litro naman ng kerosene. JAY Reyes
