Oil tanker sa Mindoro tuluyan nang lumubog
March 2, 2023 @ 7:39 AM
4 weeks ago
Views: 1,551
Remate Online2023-03-02T05:11:16+08:00
MANILA, Philippines – Tuluyan nang lumubog ang oil tanker na naglalaman ng 800,000 litro ng industrial fuel oil sa dagat na sakop ng Naujan, Oriental Mindoro.
Bago rito, nagdulot na ng oil spill sa bisinidad ang napuruhang tanker na
MT Princess Empress, na may habang anim na kilometro at lapad na apat na kilometro.
Inaalam pa ng mga awtoridad kung ang oil spill ay bahagi ba ng langis na karga ng naturang tanker.
“Malalaman natin yan within the day base sa resulta ng water sampling na ginawa ng Department of Environment and Natural Resources (DENR) at Coast Guard,” ani PCG spokesman Rear Admiral Armando Balilo.
Sa kanilang pagtaya, natukoy ang pinagmumulan ng oil spill nasa 7.4 nautical miles timog-kanluran ng Balangwan Point, Naujan Oriental Mindoro.
Nagsimula na itong kolektahin ng mga awtoridad bandang alas-2 ng hapon nitong Miyerkules, Marso 1.
Nagpakalat na rin ang Coast Guard ng mga divers at marine experts para tumulong kasabay ng paglalagay ng oil spill bloom para mapigilan ang lalo pang pagkalat nito.
“Ito’y unprocessed and unfiltered so it would really affect the marine environment lalo na yung ecosystem ng dagat at maaaring maapektuhan din yung nasa shoreline pagka ito ay tumagas,” ani Balilo.
Samantala, iniulat ng PCG na lumubog sa lalim na 460 metro ang naturang tanker.
“Yung pressure sa ilalim, maaaring maapektuhan nga integrity ng barko. Maaaring pwedeng bumuka yung halimbawa yung mga compartment ng barko at doon na magsimula ang tagas,” sinabi pa ni Balilo.
Iniimbestigahan na ng mga awtoridad ang sanhi ng paglubog ng oil tanker.
“Pag-may negligence after ng investigation may liability pero kung force majeure naman at napatunayan na wala silang pagkukulang at nag ingat naman sila at tanging yung weather lang nakaapekto then walang liability,” aniya.
Samantala, nasagip naman ang 20 crew members ng naturang barko, ng isang international cargo vessel na MV Efes na nadala na sa ligtas na lugar sa Subic, Zambales nito namang Martes.
Agad na nalapatan ang mga ito ng paunang lunas sa ospital. RNT/JGC
March 30, 2023 @10:31 AM
Views: 6
BACOLOD CITY – Sa kulungan ang bagsak ng isang pari matapos arestuhin ng mga awtoridad sa kasong panggagahasa sa 17-anyos na dalagita, iniulat kahapon, Marso 29 sa lungsod na ito.
Kinilala ang nadakip na suspek na si Father Conrad Mantac, ng San Carlos Diocese.
Batay sa report, nag-ugat ang kaso ni Mantac taon 2022 matapos ireklamo ng panggagahasa ng 17-anyos na dalagita sa loob ng simbahan.
Naglabas naman ng pahayag si Bishop Gerardo Alminaza, ng Diocese San Carlos, na sinuspinde na nila si Mantac habang iniimbestigahan ang nasabing kaso. Mary Anne Sapico
March 30, 2023 @10:28 AM
Views: 7
MANILA, Philippines – Solong maiuuwi ng mananaya ang lampas P34 milyon na jackpot prize ng Grand Lotto 6/55 sa draw ng Philippine Charity Sweepstakes Office nitong Miyerkules.
Naitala ang winning combination ng Grand Lotto 6/55 ay 26-23-34-41-45-29 sa premyong P34,123,859.
Samantala, wala namang nanalo sa draw ng Mega Lotto 6/45 sa winning combination na 32-23-31-34-40-29 sa premyong aabot naman sa halos P48 milyon. RNT/JGC
March 30, 2023 @10:15 AM
Views: 13
MANILA, Philippines – PINAG-AARALANG mabuti ng national government kung paano bibigyan ng insentibo ang local government units (LGUs) sa laban nito kontra malnutrisyon.
Ito ang sinabi ni Pangulong Ferdinand Marcos Jr. sa isinagawang paglulunsad ng Philippine Multisectoral Nutrition Project (PMNP), isang collaborative effort sa pagitan ng Philippine government at World Bank na naglalayong paghusayin ang nutritional status ng mga Filipino.
Ani Pangulong Marcos, layon ng PMNP na makapagbigay ng pangunahing health care support at nutrition services, access sa malinis na tubig at sanitasyon, technical information, pagsasanay at financing sa kailangang interbensyon ng LGUs para tugunan ang malnuturisyon.
“The program will also incentivize the participating LGUs. We were just having a very quick discussion about how that should be-how we can achieve that,” ayon sa Pangulo sa kanyang naging talumpati.
“We see very clearly the problems that arise at the ground level,” aniya pa rin.
Binatikos naman ng Punong Ehekutibo kung bakit hindi naging prayoridad ang healthcare sa lokal na antas, tinuran ang kakulangan ng kakayahan at abilidad, maging ang kasanayan at manpower.
“So we have found a way to bring the LGUs in. Because it is without their partnership, we do not get to what is often referred to as the last mile. That is always the problem when you try to translate a program from the national level, a program of the national government, all the way down to the local government, down to the barangay level,” ang winika ng Pangulo.
Sa kabilang dako, hinikayat naman ng Pangulo ang Department of Health (DoH) na makipagsanib-puwersa sa ibang ahensiya ng pamahalaan “in harmonizing and implementing sound diet and nutritional policies and practices.”
Nanawagan naman ang Pangulo ng “employment of best efforts” upang matiyak ang well orchestrated coordinated strategy para ipatupad ang nutritional programs sa iba’t ibang bahagi ng bansa. Kris Jose
March 30, 2023 @10:02 AM
Views: 18
MANILA, Philippines – Hinimok ng isang grupo ng mga guro ang Department of Education (DepEd) na baguhin ang oras ng pasok sa eskwela ng mga estudyante upang maiwasan ang oras kung saan mataas ang temperatura, lubhang napakapeligro para sa mga estudyante sa panahon ng tag-init.
Maliban dito, suhestyon din ng Alliance of Concerned Teachers (ACT) union chapter sa National Capital Region (NCR), na maglagay ng air conditioners sa mga silid-aralan o kaya ay lumipat muna sa blended learning kung saan posibleng magdaos ng face-to-face classes sa umaga at distance learning modalities naman sa bahay.
Kasabay nito, kinalampag na rin ng grupo ang DepEd na aksyunan na ang isyu ng pagkakaroon ng klase kasabay ng tumataas na temperatura dahil sa tag-init.
“As educators, we cannot fulfill our mandate to provide quality education if our students and teachers are suffering from the harsh summer heat in classrooms,” pahayag ng ACT-NCR.
“We need urgent and concrete solutions that will ensure the safety and well-being of all those involved in the education sector.”
Sinegundahan din ng grupo ang panawagan ng iba sa DepEd na ibalik na ang pre-pandemic na bakasyon na Abril hanggang Mayo.
Sa kabila nito, sinabi ng DepEd na pag-aaralan pa nila ang suhestyong ito.
“At the moment, there are no plans to revert,” ani DepEd spokesman Michael Poa.
Ang panawagang ito ay kasunod ng insidente sa Laguna kung saan 120 estudyante ang naospital dahil sa idinaos na earthquake at fire drill sa ilalim ng tirik na araw noong Marso 23.
Ayon pa sa ACT-NCR, sa kanilang online survey na 67% ng mga guro ang nagsabing nararamdaman nila ang epekto ng mainit na panahon, habang 87 percent ng respondents ang nag-ulat na hindi makatutok sa pag-aaral ang mga estudyante dahil sa init ng panahon. RNT/JGC
March 30, 2023 @9:49 AM
Views: 31
MANILA, Philippines – Sinabi ng Commission of Higher Education (CHED) na gumagawa na sila ng hakbang upang tugunan ang kakulangan sa mga nurse sa bansa dahil sa pangingibang-bansa.
Ani CHED Chairperson Prospero De Vera, gumagawa na ng ilang interbensyon ang ahensya upang mapigilan ang shortage sa mga nurse, katulad ng “retooling board non-passers, adopting nursing curriculum with exit credentials, redirecting non-practicing nurses and conducting exchange programs with other countries.”
“Under the nursing curriculum with exit credentials, students could have several options: exit at the end of Level I or II, obtain the certificate or diploma in Nursing, or choose to continue and finish the four-year nursing program to become a registered nurse,” iniulat ni De Vera sa Private Sector Advisory Council (PSAC) Health Sector group.
Aniya, sinusubukan na rin ng CHED ang flexible short-term masteral program upang masolusyunan ang kakulangan sa mga magtuturo sa nursing at medical schools.
Nauna nang inatasan ni Pangulong Ferdinand Marcos, Jr. ang CHED na resolbahin ang kakulangan ng mga nurse sa bansa na nakaaapekto sa pagbibigay ng epektibong healthcare.
Para naman sa Department of Health (DOH), kasalukuyan nilang sinusuri ang panukalang batas na Magna Carta for Public Health Care Workers and Philippine Nursing Act, kabilang ang pag-aaral sa standardization ng sahod ng mga nurse, doktor at iba pang healthcare workers.
Tututukan din nito ang mga bagong teknolohiya na magagamit sa liblib na lugar.
Matatandaan na sinabi noon ng DOH na nangangailangan ang bansa ng 35,000 na mga nurse. RNT/JGC
