One-Stop Shop Center ng DOF, pinabubuwag na ni PBBM

February 22, 2023 @ 5:07 PM 1 month ago

MANILA, Philippines – Ipinag-utos ni Pangulong Ferdinand R. Marcos Jr. ang tuluyang paglusaw sa One-Stop-Shop Inter-Agency Tax Credit and Duty Drawback Center (OSS Center) ng Department of Finance (DOF) alinsunod sa rightsizing policy ng administrasyon.

Sa ilalim ng Administrative Order No. 4 na nilagdaan ni Executive Secretary Lucas Bersamin noong Pebrero 20, 2023 at ipinalabas, araw ng Miyerkules, ang ginagawa na pagproseso at pagpapalabas ng tax clearance certificates (TCCs) ng OSS Center ay ililipat sa Bureau of Internal Revenue (BIR) habang ang duty drawbacks na ginagawa pa rin ng OSS Center ay ililipat naman sa Bureau of Customs (BOC).

“All other assets and liabilities of the OSS Center shall be transferred to the Department of Finance (DOF) in accordance with pertinent auditing laws, rules and regulations except all cash separately held in trust or otherwise by the OSS Center, which shall be directly remitted to the National Treasury,” ang nakasaad sa AO No. 4.

Mismong si DOF Secretary Benjamin Diokno ang nagrekumenda kay Pangulong Marcos ng abolisyon ng OSS Center para sa dalawang pangunahing dahilan.

“First, some OSS Center officials and employees have been found to have committed a series of several tax credit scams involving billions of pesos over the years,” ani Diokno.

“Second, its abolition and transfer of functions under the BIR and the BOC are in line with the Marcos Jr. administration’s push to right size government. This will streamline revenue operations and reduce administrative expenses,” dagdag na wika nito.

Binigyang diin pa ni Diokno na simula pa noong 2016, hindi na ginagampanan ng OSS Center ang tungkulin nitong mag-proseso at magpalabas ng kahit na anumang tax credit certificates.

“It is not practical for the government to provide for its budget every year since it does not perform its functions anymore,” aniya pa rin.

Nakasaad sa AO No. 4 na ang OSS Center personnel na maaapektuhan ng hakbang na ito ay makatatanggap ng separation benefits maliban na lamang kung itatalaga ang mga ito sa ibang posisyon sa gobyerno.

Ang OSS Center, na nasa ilalim ng DOF, ay nilikha sa ilalim ng Administrative Order No. 266 para sa maayos at mabilis na pagproseso ng tax credits at duty drawbacks sa ilalim ng iba’t ibang batas.

Nakasaad pa rin sa AO No. 4 na “there is a continuing need for institutional strengthening and promotion of the economy, efficiency and effectiveness in the delivery of public service across all the executive departments and offices, consistent with the rightsizing of the Administration, including the rationalization of functions and activities carried out by the public sector.”

“[It] is the policy of the National Government to rationalize the functional structures of agencies with complementary mandates and promote coordination efficiency and organization coherence in the bureaucracy,” ayon sa AO.

Sa loob ng 90 working days mula ng maging epektibo ang AO, ang DOF Secretary “shall fully implement the abolition, including the disposition and transfer of the OSS Center’s functions, personnel and assets as may be necessary.” Kris Jose

Miguel, ipinagluto ang fans!

March 25, 2023 @4:48 PM

Manila, Philippines – Sa kanyang vlog, ipinakita ni Miguel Tanfelix ang kanyang concern sa kanyang mga fans.

Maaga pa lang ay naghanda na ang Kapuso actor sa treat niya sa kanyang kafaneyan.

Pumunta siya sa Tagaytay Public Market para personal na mamili ng kanyang mga kakailanganin sa papiging niya sa kanyang mga masusugid na tagahanga.

Nakipagtawaran siya sa pagbili ng karneng baboy, manok, isda, gulay at mga sangkap na gagamitin niya sa pagluluto.

Habang namimili, nakipag-bonding din siya sa mga fan na naki-selfie sa kanya.

Maging sa paghahanda tulad ng pagtitimpla ng kanyang mga napamiling pagkain ay siya rin ang personal na nag-asikaso.

Matiyaga rin siyang nag-ihaw ng liempo at manok at nagprito ng isda at karneng baboy para sa kanyang pa-boodle fight sa kanyang fans.

Maging sa pagdedekorasyon ng pagkain sa hapag ay siya rin ang naging punong abala.

Tuwang-tuwa naman ang kanyang kafaneyan dahil sila ang piniling pagsilbihan o i-date ni Miguel at hindi ang sinumang leading lady na nali-link dito.

Ang nakaka-touch, binigyan pa ng Kapuso actor ng tig-isang pulang rosas ang kanyang loyal fans na ikinakilig ng mga ito.

Si Miguel ay mapanood sa Voltes V: The Legacy sa GMA-7 kung saan ginagampanan niya ang papel ni Steve Armstrong. Archie Liao

Concert ni Sarah, sold out; presence ni Mommy Divine, inaasahan!

March 25, 2023 @4:37 PM

Manila, Philippines – Mula nang maging available ang mga tickets nitong March 17, wala pang isang linggo’y sold out na ang 20th anniversary concert ni Sarah Geronimo.

Magaganap ito sa May 12 sa Smart Araneta Coliseum.

Nitong March 1 ay ipinagdiwang ng Popstar Royalty ang kanyang ika-20 taon sa showbiz bilang singer at aktres.

Matatandaang 2003 nang manalo si Sarah sa singing search na Star For A Night at mula noon ay bumulusok na ang kanyang singing career.

Kasabay ng kanyang 20th year in showbiz ay ang pag-release niya ng awiting Habang Buhay.

Sila ni Paolo Valenciano ang magkatuwang sa pagdidirek ng kanyang anniversary concert.

This year ay inaasahang maipo-promote niya ang kanyang album.

Samantala, inaasahang babaha ng emosyon sa mismong gabi ng pagtatanghal ni Sarah.

Mas masarap daw kasing namnamin ang kanyang tagumpay kung magkasundo na sila ng kanyang Mommy Divine.

Inaasahang present sa audience ang kanyang mga magulang para suportahan ang kanilang anak.

Sa side naman ng asawa ni Sarah na si Matteo Guidicelli, too bad namang sa April 29 ay last episode na ng kinabibilangan niyang programang Tropang LOL sa TV5.

Looking forward naman ang mga tagahanga ni Matteo na mapapanood ang aktor sa mga programa ng GMA dahil balitang nakipagnegosasyon na ito for a possible transfer.

Ang Viva Entertainment ang namamahala sa carer ng mag-asawang Sarah at Matteo.

Almost finished na rin ang all-in-one studio nilang G na ipinatayo ni Matteo para sa kanyang misis. Ronnie Carrasco III

Ashley, nag-throwback sa mga iniyakang ex!

March 25, 2023 @4:25 PM

Manila, Philippines – Buhat nang naging busy si Ashley Ortega sa training ng figure skating at sa taping ng Hearts On Ice with leading man Xian Lim ay tuluyan na niyang kinalimutan ang ex-boyfriend na nagpaluha sa dalaga.

Inamin ni Ashley sa isang interview na fully recovered na siya sa split-up nila kahit ilang buwan pa lang ang nakararaan.

Ani Ashley: “Tuluy-tuloy lang ang buhay natin. Malaking tulong sa akin sa madaling paglimot sa ex-bf ko ang work ko bilang actress, pamilya ko at mga friends ko na nakakaunawa sa akin.”

Sa panayam kay Ashley, nasabi niya na ang una niyang showbiz na boyfriend ay ang may asawa na ngayong si Juancho Triviño, na naging leading man niya sa isang Sunday afternoon soap ng GMA noong teenager pa siya. Short-lived relationship lang ‘yun na iniyakan din ni Ashley dahil minahal niya si Juancho.

Sumunod na bf ni Ashley ay ang ang non-showbiz na si Prince Singson, na isa sa mga apo ni dating Gov. Chavit Singson ng Ilocos Sur. Si Prince ang last dance ni Ashley nang nag-18th birthday (debut) ang Kapuso actress.

Short-lived din ang relationship nina Ashley at Prince!

Sa California, USA nag-aaral ng college ang binata. Si Ashley nama’y busy sa showbiz career niya bilang contract star ng Sparkle Artist Center. As usual, iniyakan din ito ni Ashley. Totoo kasi siya kung magmahal.

After four years ay muling nagkarelasyon si Ashley sa binatang taga-Lucena City, si Mayor Mark Alcala. Tumagal din ng more than a year ang relasyon ng dalawa.

Bale siya ang huling karelasyon ni Ashley bago naging busy sa training at taping.

Ani Ashley: “Mutual decision naming dalawa na mag-split. Busy ako bilang actress, siya nama’y public servant. Malayo ang Manila at Lucena City. Di rin ako pwede sa mga out of town trip o kaya’y trip sa abroad na pwede sanang kasama ko siya. Tutok ako sa career ko.

“Mahalaga sa akin ang career. Tulad ngayon, first solo lead ko ang Hearts On Ice,” sabi pa ni Ashley. Norl Asinas

Sapat na pagkain, taas-kita ng magsasaka, mangingisda matatamo sa Kadiwa ng Pangulo

March 25, 2023 @4:13 PM

ISINUSULONG ngayon ng administrasyon ni Pangulong Ferdinand R. Marcos Jr. na patuloy na nagpapatupad ng direktang marketing platform na idinisenyo ng Department of Agriculture (DA) na nagbibigay sa mga mamimili ng access sa de-kalidad at ligtas na mga pagkain, habang tinitiyak na ang mga producer ng sakahan ay may handa na merkado.

Ayon sa Department of Agriculture (DA) ang Kadiwa ng Pangulo (KNP) ay spill-over ng marketing strategy ng DA na tinawag na Kadiwa ng Pasko, na tumugon sa mataas na halaga ng mga agricultural commodities sa panahon ng kapaskuhan.

Ang KNP ay isa lamang sa mga programa ng administrasyong Marcos na tumutugon sa pagtaas ng presyo ng pagkain dahil sa global inflation. Binibigyan din nito ang mga magsasaka, mangingisda at pati na rin ang mga micro-, small-, and medium enterprises (MSMEs) na walang-upahang mga lugar upang ibenta ang kanilang ani at dagdagan ang kanilang kita.

Ang Kadiwa ng DA ay isang market linkage facilitation program na nag-alis ng mga hindi kinakailangang layer sa trading cycle. Ang mas kaunting middlemen ay nagdaragdag sa halaga ng pagbebenta ng mga produkto sa mga mamimili na nakikinabang mula sa mga bagong ani na pananim at iba pang mga pagkain sa patas na halaga. Pinapalakas din nito ang mga nagtatanim ng pagkain na maging agri-preneur.

Mula Pebrero hanggang Marso, limang KNP outlet ang na-install sa Cebu City, Rizal Park sa Manila, Sto. Tomas sa Batangas, Pili sa Camarines Sur at ang Trade Union Congress of the Philippines (TUCP) compound sa Quezon City.

Ang limang KNP outlet ay may kabuuang benta na umabot sa P3.66 milyon sa dalawang buwan ng kanilang operasyon. Mas maraming lugar ang mabubuksan sa lalong madaling panahon kasunod ng direktiba ng Pangulo na mag-install ng mga katulad na trading hub sa ibang mga site sa buong bansa.

Ang KNP ay isang inter-agency collaboration, na ipinatupad sa pakikipagtulungan ng Department of Trade and Industry (DTI), Department of Social Work and Development (DSWD), Department of Labor and Employment (DOLE) at Department of the Interior and Local Government (DILG).

Ang DA-Agribusiness and Marketing Assistance Service (DA-AMAS) ang nangunguna sa pagsasagawa ng Kadiwa ng Pangulo at nakikipag-ugnayan sa Farmers’ Cooperatives and Associations para sa kanilang posibleng paglahok. Kasama sa mga interbensyon ng DA ang suporta sa logistik tulad ng pagdadala ng mga produkto mula sa mga sakahan patungo sa mga pamilihan. Santi Celario

Vargas todo-suporta sa pangangalaga ni PBBM sa water resources

March 25, 2023 @4:00 PM

MANILA, Philippines – SUPORTADO ng dating three-term Congressman at kasalukuyang Councilor Alfred Vargas ang panawagan ni Pangulong Ferdinand Marcos, Jr. na lalong paigtingin ang pag-aalaga ng water resources ng bansa kasunod ng inaasahang paghampas ng El Niño ngayong taon.

“Tama ang ating mahal na Pangulo. Wala tayong cohesive plan sa water management. Hindi nagkaka-ugnay ang ating mga regulasyon mula national hanggang local levels. Kahit mayaman tayong mga Pilipino sa water resources, hindi natin nadedevelop at nagagamit ang mga ito nang maayos,” pahayag ni Vargas.

Ayon kay Vargas, mahalaga ang pagpuna ng Pangulong Marcos sa problemang ito at ang pagdeklara ng isang “water crisis.”

Kaugnay nito dahil sa pahayag ng Pangulo, nagkaroon ng political will at focus para palitan ang mga outdated na mga patakaran at teknolohiyang hadlang sa epektibong water management.

Base sa datos ng World Health Organization (WHO), isa sa bawat sampung Pilipino ay walang access sa improved water sources. Mahigit 136,000 naman ang namamatay sa acute watery diarrhea kada taon dahil na rin sa hindi malinis na tubig. Ito ay lumalala tuwing El Niño dahil sa mababang water supply.

“Pinapahalagahan ng ating Pangulo ang karapatan ng bawat isang magkaroon ng access sa malinis na tubig. Ang tubig ay buhay. Tama ang isinusulong na whole-of-nation approach sa use, conservation, at distribution ng likas na yamang ito,” sabi ni Vargas.

Samantala inanunsyo rin ng Pangulong Marcos Jr. ang pagtatayo ng isang Water Management Office para pag-isahin ang mga mandato ng iba’t ibang ahensya at opisina sa gobyerno na may kinalaman sa sustainable water supply.

“Magandang hakbang ang ginawa ng Pangulo habang isinasabatas pa ang Department of Water Resources. Full support tayo sa adhikaing ito. Saludo tayo sa sipag ng mahal na Pangulo at bilib din tayo sa sigasig ni Speaker Ferdinand Martin Romualdez na pangunahing may-akda ng panukalang National Water Act,” dagdag ni Vargas.

Sa ilalim ng isinusulong na National Water Act, ang Department of Water Resources ang magiging pangunahing ahensyang tututok sa national policy-making, coordination, at management ng lahat ng water resources ng bansa. (Santi Celario)