One-stop vaxx site binuksan sa BARMM

One-stop vaxx site binuksan sa BARMM

July 21, 2022 @ 6:36 PM 4 weeks ago


MANILA, Philippines- Inanunsyo ng Department of Health (DOH) na binuksan sa Bangsamoro region ang one-stop shop para sa COVID-19 vaccination at routine immunization.

“The Bangsamoro Autonomous Region in Muslim Mindanao (BARMM) government, in collaboration with the Ministry of Health (MOH), installed COVID-19 vaccination and routine immunization hubs in a One Stop Shop Vaccination,” pagbabahagi ng DOH nitong Huwebes. “With this, more people in the region can easily access vaccination and routine immunization for the protection of the community.”

Nauna nang naitala sa BARMM ang mababang COVID-19 inoculation rates na dahilan para magkasa ang pamahalaan ng special vaccination days sa rehiyon noong Mayo

Makikita sa pinakabagong datos ng DOH na ang rehiyon pa rin ang may pinakamababang COVID-19 vaccination rate, kung saan 1,844,370 doses lamang ang naibakuna sa mga tao.

Bukod sa COVID-19 AT routine immunization, sinabi rin ng Health department na nag-aalok din ang one-stop shop site sa BARMM ng mga serbisyong katulad sa Animal Bite Treatment Centers.

Pinasalamatan naman ni DOH Officer-in-Charge Maria Rosario Vergeire ang mga nanguna sa inisyatibang ito maging sa healthcare workers at frontliners na patuloy na tumutulong sa BARMM na maabot ang vaccination target. RNT/SA