Manila, Philippines – Nilinaw ni Defense chief Delfin Lorenzana, chairman ng National Task Force on COVID-19 na handa na ang National Capital Region na muling masailalim sa general community quarantine pagkatapos ng August 18.
“Yeah, I think the trend is going down. Yesterday mga 3,000 na lang ‘yung bagong kaso down from 6,000 previously,” ani Lorenzana sa isang panayam.
“I think we are ready to go down, we cannot continue with the MECQ kasi nga alam na natin nasaan ‘yung areas na may infection. ‘Yun lang ang tutukan natin so that the others can also go to work.”
Sa pinakabagong datos ng Department of Health, mayroong kabuuang 129,913 COVID-19 infections; 67,673 recoveries; at 2,270 deaths na ang bansa.
“We are going around towns, pumunta kami sa Laguna last week, about two days later we went to Pateros. We are consulting with the local officials kung ano ang nangyayari, bakit tumataas ‘yung kanilang kaso,” pahayag pa ni Lorenzana. RNT/FGDC
Manila, Philippines – Panatag si Defense Secretary Delfin Lorenzana na kailangan ang maraming military medical reservists para umasiste sa laban sa coronavirus disease 2019 o COVID-19 pandemic.
Sa panayam, sinabi ni Lorenzana, chairman ng National Task Force on COVID-19 nasa 300 military doctors at nurses at nasa 3,000 iba pang military personnel na may medical background ang maaaring makatulong.
“As of last week, we were able to get ‘yung listahan sa GHQ, about 380 doctors and nurses plus about 3,000 medical… ‘yung other medical personnel, ‘yung mga medical aid men, med techs…Marami din ito, kung talagang matutuloy ‘yung ating mobilization, then we can employ these in Metro Manila especially and in other areas that [there] are high incidents of COVID infection,” ani Lorenzana sa panayam.
“During gyera kasi, you cannot refuse if your age is still… you can still serve with your age, di ka pa masyadong matanda and you are physically fit, I think, if you are mobilized, you volunteer, you cannot refuse that. I don’t know here in this medical kung magagawa natin ‘yan but I’m sure a lot of soldiers will join kung mamobilize sila,” dagdag pa nito.
Sa kabila nito, mag-aantay pa rin aniya siya sa abiso ng Department of Budget and Management.
“Kailangan malaman natin sa DBM kung may pera ba…” lahad pa ni Lorenzana. RNT/FGDC