MANILA, Philippines- Tumanggap ang lokal na pamahalaang lungsod ng Navotas ng papuri mula sa Anti-Red Tape Authority (ARTA) bilang isa sa natatanging Local Government Units (LGUs) sa pagbibigay ng business permit, lisensya at paglalagay ng electronic Business One-Stop Shop (eBOSS).

Iginawad ang papuri sa lungsod base sa pagtugon nito sa Ease of Doing Business Law kasunod ng inspeksyon at pagsusuri na isinagawa ng ARTA-Compliance Monitoring and Evaluation Office (CMEO).

Mismong si Sec. Ernesto V. Perez, Director General ng ARTA ang nagbigay ng sertipiko kay Navotas City Mayor John Rey Tiangco.

“We are grateful to ARTA for granting us this recognition. This is a testament to our city government’s commitment to provide the highest level of service to our constituents,” ani Tiangco.

Sa pamamagitan ng pasilidad ng eBOSS sa lungsod ang mga negosyanteng Navoteño ay mabilis makapag-apply, renew at pagbabayad ng kanilang mga permits kahit sa kanilang bahay o tanggapan lamang.

Ang digitalization ay upang matiyak at maiwasan ang mga pagkakataon ng red tape at katiwalian at kung maaari ay mababawasan ang mga ito at maalis.

Samantala, ang Navotas ay isa sa 6 sa Metro Manila LGUs na nakasunod sa mandato ng eBOSS habang pinuri rin ni Sec. Perez ang lungsod sa konstruksyon ng One-Stop Shop na nakapagpapagaan at nakapagpapabilis ng mga dokumento. R.A Marquez

MANILA, Philippines- Inihayag ng kamo ni suspended Negros Oriental Representative Arnolfo “Arnie” Teves Jr. nitong Martes na handa silang harapin ang posibleng kaso laban sa mambabatas kaugnay ng pagpatay kay Negros Oriental Governor Roel Degamo.

“Notwithstanding the protestations and the artifices of our officials that they are trying to be impartial by using the words ‘he may be involved,’ ‘it is possible,’ I think it is leading to that,” pahayag ni Ferdinand Topacio, abogado ni Teves, nang tanungin kung inaasahan nilang kakasuhan ang kliyente.

“Anyone who has a modicum of perception will know that that is where this is leading,” dagdag niya.

Inihayag ito ni Topacio isang araw matapos sabihin ni Justice Secretary Jesus Crispin Remulla na isa si Teves sa mga itinuturing na masterminds sa likod ng pagpatay.

Iniugnay din si Teves sa krimen matapos ituro ng mga suspek sa pagpatay ang isang “Cong. Teves” na nag-utos sa kanila.

Nang tanungin kung handa sila sa mga kaso na ikakasa laban kay Teves, tumugon si Topacio, “Yes.”

“Stop the juridical striptease. They’re peeling off one partial clothing at a time… i-file niyo na. Criminal organization pala, illegal gambling pala, private army pala, file the case,” apela niya.

“So in the meantime, well, di ba, STFU until you file it because you know you’re prejudicing the minds of your prosecutors, you’re prejudicing the mind of your people, you’re indulging in trial by publicity,” dagdag ni Topacio.

Base sa kanya, hindi siya nagulat na idinidiin si Teves sa pagpatay,  at inilahad na binalaan na niya ang mambabatas tungkol dito.

“The minute that I learned that Governor Roel Degamo was assassinated, I immediately called my client and said, ‘Pare, sigurado ako idadawit ka dito. I can feel it in my bones because I’ve been there before’,” pahayag niya.

“Sabi niya, ‘Papaano nila ako idadawit? Ano kinalaman ko diyan.’ Sabi ko, ‘Well, I hope so. I hope I’m proven wrong’,” pagbabahagi pa ng abogado.

Iginiit din ni Topacio na gumagawa si Remulla ng “obliquities and innuendos” laban sa kanyang kliyente.

“What is alarming here is that the Secretary of Justice himself is making obliquities and innuendos as to the guilt of my client. To me that is highly improper because the case… relating to the killing of Governor Degamo has yet to reach preliminary investigation stage,” aniya.

Sa hiwalay na panayam, sinabi ni Topacio na walang direktang ebidensya na nag-uugnay kay Teves sa pagpatay kay Degamo.

Nauna nang itinanggi ni Teves, na ayaw bumalik sa Pilipinas dahil sa kanyang seguridad,  ang pagkakasangkot sa pagpaslang kay Degamo. Umapela rin siya na maging patas ang mga awtoridad at tingnan ng mga imbestigador ang lahat ng anggulo sa pagpatay kay Degamo. RNT/SA

MANILA, Philippines- Inaprubahan na ng bicameral conference committee ang reconciled version ang panukalang naglalayon na i-develop ang preserbasyon ng cultural assets ng Pilipinas sa pamamagitan ng cultural mapping.

Isinusulong ng Cultural Mapping Bill na amyendahan ang National Cultural Heritage Act of 2009 sa pagmandato sa local government units na magsagawa ng cultural heritage mapping ng kanilang mga lugar ito man ay tangible at intangible, at natural at built heritage, at para tugunan ang mga bagong banta mula sa nagbabagong cultural landscape dahil sa digital transformation.

“Cultural heritage affirms our identity as a people. Our history and traditions reflect our values and beliefs. But, more than the cultural demonstration of our heritage, the wealth of knowledge that has been passed on from one generation to another to the next is much more significant and valuable as this knowledge would be the proof of our uniqueness and what will define us as a human race,” pahayag ni Senator Loren Legarda, chair ng Senate committee on culture and the arts.

Base kay Legarda, isa ang promosyon at preserbasyon ng cultural heritage sa pamamagitan ng integrated education approach sa mahahalagang probisyon na ini-adopt mula sa bersyon ng Kamara sa panukala.

“And so, we are working hard for the Cultural Mapping bill to be passed because we believe this is one of the best legacies that we could give the future generations of Filipinos,” dagdag niya.

Sa ilalim ng panukala, makikipag-ugnayan ang LGUs sa National Commission for Culture and the Arts (NCCA), iba pang cultural agencies, at ilang national agencies sa bansa.

Raratipikahan na ang panukala sa Senado at Kamara tsaka ipadadala kay Pangulong Ferdinand “Bongbong” Marcos Jr. na siyang magdedesisyon kung aaprubahan o ive-veto ito. RNT/SA

MANILA, Philippines- Nagpaabot ng pagbati si Pangulong Ferdinand Marcos Jr. kay dating Pangulong Rodrigo Roa Duterte na nagdiriwang ngayon ng kanyang ika-78 kaarawan, ngayong araw ng Martes, Marso 28, 2023.

Sa kanyang official Facebook page, sinabi ni Pangulong Marcos na “What a pleasure for me to wish happy birthday to ating predecessor, PRRD. Happy birthday to you, Mr President.”

Sinabi pa ni Pangulong Marcos, naiintindihan na niya ngayon si Duterte kung bakit kung minsan, noong Pangulo pa siya ng Pilipinas ay  napapamura ito.

“Now I know why. Pero huwag niyong inaalala lahat ng magandang sinimulan ninyo, we will continue to work on it. We will contineu to make sure that those projects that you started will be successful and I am glad that I am able to continue the good work that you started,” ani Pangulong Marcos.

Hindi naman alam ni Pangulong Marcos kung paano makakapag-relax pa si Duterte matapos ang “lifetime of work” subalit umaasa siya na maghihinay-hinay na ito sa trabaho at magkaroon ng maayos na selebrasyon ng kanyang kaarawan.

“And so… I don’t know kung makapag-relax ka because after a lifetime of work, I don’t know if you still know how to take it easy but if you got the chance, please have a good celebration. happy, Happy birthday PRRD!,” ang pagbati ni Pangulong Marcos. Kris Jose

MANILA, Philippines – Malalagot na ang mga operator, drayber, konduktor at mga empleyado na mahuhuli sa mga aktong may kinalaman sa sexual harassment sa loob ng public utility vehicles (PUV), ayon sa Land Transportation Franchising and Regulatory Board (LTFRB).

Sa isang pahayag nitong Lunes, Marso 27, inihayag ng LTFRB na tinututukan ng Safe Spaces Act ang “gender-based sexual harassment” sa mga kalsada, pampublikong lugar, trabaho, paaralan, at pati na sa internet.

Kabilang sa LTFRB Memorandum Circular No.2023-016 at Safe Spaces Act na patawan ng parusa ang mga mahuhuli na nagmumura, tumatawag o nagkokomento na may bahid ng kalaswaan at kabastusan, pangungutya sa kasarian, at mga katagang may kinalaman sa pribadong buhay ng isang tao, kabilang na ang mga “sex jokes.”

Para sa unang paglabag, ang sinumang mahuhuli ay pagmumultahin ng P5,000 at papatawan anim na buwang suspensyon.

Multa naman na P10,000 at isang taon na suspensyon ang ipapataw para sa ikawalang paglabag, at P15,000 at pagbawi ng CPC ng sasakyan ang para sa ikatlong paglabag. RNT