P15B special education funds na binuro ng DOF, pinuna ni Gatchalian
March 3, 2023 @ 5:20 PM
3 weeks ago
Views: 110
Remate Online2023-03-03T15:42:07+08:00
MANILA, Philippines – Matinding pinuna ni Senador Sherwin Gatchalian ang makupad na implementasyon ng Department of Finance (DOF) sa P15 bilyong pondo na nakalaan sa Special Education Fund (SEF) na makatutulong sa pagpapaunlad ng sistema ng edukasyon.
Bagamaāt patuloy na hinihiling ng mga local government units ang dagdag na suporta para sa pondo sa edukasyon, sinabi ni Gatchalian na mababa ang utilization o paggamit sa SEF.
Sa isang pagdinig na tumalakay sa 21st Century School Boards Act (Senate Bill No. 155) at iba pang kaugnay na panukalang batas, ibinahagi ni Gatchalian na batay sa isang ulat ng Bureau of Local Government Finance (BLGF) ng Department of Finance (DOF) na aabot sa P15 bilyon mula sa SEF ang hindi nagamit.
āMukhang malaking halaga mula sa SEF ang hindi nagagamit. Hindi ko alam kung bakit umabot sa P15 bilyon ang hindi nagastang pera mula sa SEF noong 2021. Naiisip kong lubos na nagagamit ang SEF dahil tuwing nakakausap ko ang mga LGUs, lumalabas na may malaking pangangailangan sa dagdag na suporta para sa edukasyon,ā ani Gatchalian na may akda ng Senate Bill No. 155.
Sa naturang pagdinig, iniulat ni BLGF Officer-in-Charge (OIC) Ma. Pamela Quizon na umabot lamang sa 66.7% ang utilization rate ng SEF noong 2019.
Para sa 2020, umabot naman sa 67.9% ang utilization rate ng SEF, at 63.8% naman para sa 2021.
Dagdag pa ng opisyal, kabilang sa mga dahilan ng mababang utilization rate ang mga isyu sa procurement at mga limitasyon sa maaaring paggamitan ng SEF.
Hiniling ni Gatchalian mula sa BLGF na isumite sa Senate Committee on Local Government ang pagsusuri nito sa mababang utilization ng SEF.
Hinimok din ng senador ang BLGF na tukuyin ang mga bagay kung saan nahihirapan ang mga LGU na gamitin ang SEF upang maging bahagi sila ng panukalang batas.
Sa ilalim ng 21st Century School Boards Act, iminumungkahi ni Gatchalian na palawigin ang paggamit ng SEF upang maging saklaw ang sahod ng mga guro at non-teaching personnel sa mga pampublikong paaralan, pagpapatakbo ng mga programa para sa Alternative Learning System (ALS), sahod ng mga pre-school teachers, capital outlay para sa pre-schools, at honorarium at allowance para sa serbisyo ng mga guro at non-teaching staff sa labas ng regular na oras ng pagtatrabaho.
Batay sa Local Government Code of 1991 (Republic Act No. 7160), nalilikom ang SEF mula sa isang porsiyentong tax sa real property.
Nakalaan ang SEF sa local school board para sa pagpapatakbo ng mga pampublikong paaralan maging ang pagpapatayo at pagkukumpuni ng mga school buildings. Ernie Reyes
March 27, 2023 @7:56 PM
Views: 62
MANILA, Philippines – Arestado ang isang incumbent Barangay Chairman sa Maynila sa bisa ng warrant of arrest sa kasong Anti-Graft and Corrupt Practices Act.
Mismong sa loob ng Brgy. Hall ng 569, Zone 56, Sampaloc, Maynila ay inaresto nitong Lunes ng umaga, Marso 27 ang opisyal na si Roberto Icuscit Corpuz, 54 anyos at residente ng 718 Mindoro St., ng nasabing lugar.
Sa pangunguna ni PEMS Luis J. Coderes ng Intelligence and Warrant Section ng PS-4 MPD ay isinilbi ang warrant of arrest laban kay Corpuz.
Inisyu ni Hon. Renato Zaleta Enciso, Presiding Judge ng Manila RTC Branch 12 ang warrant of arrest na may P90,000 na piyansang inirekomenda.
Kasalukuyang nakaditene sa station custodial facility ang barangay chairman. Jocelyn Tabangcura-Domenden
March 27, 2023 @7:43 PM
Views: 53
BULACAN – Bumuo na ang Bulacan Police Provincial Office ng Special Investigation Task Group Serna para sa malalimang imbestigasyon sa pagpatay kay San Miguel acting chief of police PLt. Col. Marlon Serna.
Napatay si Serna nang rumesponde sa insidente ng nakawan sa isang tindahan sa Brgy. San Juan, San Miguel hanggang tuluyang mapa-engkwentro sa tinugis na riding in tandem na sangkot dito pasado alas-9 ng gabi nitong Marso 25 sa Brgy. Buhol na Mangga, San Ildefonso.
Kaugnay nito, sa isang Facebook post, nagpahayag ang PNP- Directorate for Police Community Relations na ang buong kapulisan ay nakikidalamhati sa pamilya ng kabarong si Serna.
Bilang pagluluksa at pagpapakita rin ng respeto ng buong hanay ng pulisya sa tapang at dedikasyon sa sinumpaang tungkulin ni Serna ay naka-half mast na ang watawat ng Pilipinas sa Police Region Office 3.
Patuloy ang pagtugis ng pulisya sa mga salarin. Dick Mirasol III
March 27, 2023 @7:30 PM
Views: 50
MANILA, Philippines – Inirekomenda ng Department of Justice (DOJ) ang paghahain ng murder charges laban sa anim na suspek na sangkot sa pagpatay kay Negros Oriental Governor Roel Degamo.
Sa pulong balitaan, sinabi ni Justice spokesperson Assistant Secretary Mico Clavano na inirekomenda ng prosekusyon ng DOJ ang paghahain ng nine counts of murder laban sa anim na indibidwal sa pagpatay kay Degamo, ito ay sina Jessie Boy-ay, Jose Marie Ramirez, Jomar Canseco, Crispin Vallega, Jerome Maquiling, Florence Quinikito, Joseph Renada, at Michael Fabugais.
Aniya, ang mga suspek ay sasampahan din ng 13 counts ng frustrated murder at three counts ng attempted murder.
Ani Clavano, iimbestigahan pa ang frustrated murder charge laban kay
Diomedes Omatang dahil sa kakulangan ng dokumento na magpapatunay ng mga tinamo nitong pinsala sa katawan.
Ayon pa sa tagapagsalita ng DOJ, inatasan na ang National Bureau of Investigation-National Capital Region na ipagpatuloy ang imbestigasyon sa di-umano ay recruiter at handler na binanggit ng mga respondents.
āThe cases will be tried jointly with the previous cases for murder filed by the Office of the Provincial Prosecutor of Negros Oriental against the four previous respondents who were caught and subjected to inquest proceedings recently,ā ani Clavano.
Matatandaan na pinagbabaril-patay si Degamo at walo iba pa noong Marso 4 sa mismong harap ng bahay ng gobernador.
Samantala, pinuri naman ni Clavano ang pagtatrabaho ng Joint Task Force Degamo.
āThe Department of Justice commends the work of the joint task force and lends its unwavering commitment to see this case through until justice is finally served,ā sinabi pa niya. RNT/JGC
March 27, 2023 @7:17 PM
Views: 49
MANILA, Philippines – Opisyal nang itinalaga ni PangulongĀ FerdinandĀ Marcos Jr. si Marine commandant Major General Charlton Sean Gaerlan bilang deputy chief of staff ng Armed Forces of the Philippines (AFP).
Ito ang pangatlong pinakamataas na opisyal sa militar.
Pormal namang naupo si Gaerlan sa kanyang posisyon saĀ AFP General Headquarters sa Camp Aguinaldo sa isinagawang seremonya na pinangunahan niĀ General Andres Centino, araw ng Lunes, Marso 27.
Pinalitan ni Gaerlan si Lieutenant General William Gonzales, na naupo naman bilangĀ acting at may concurrent capacityĀ bilangĀ AFP Inspector GeneralĀ noong Marso 15 nang magretiro sa pwesto si dating AFP deputy chief of staff Vice Admiral Rommel Anthony Reyes.
Ang pinakabagong designasyon ni Gaerlan ay matapos ang pitong buwan na pagtitimon niya sa Marine Corps noong Agosto ng nakaraang taon.
Siya ay miyembro ng Philippine Military Academy “Makatao” Class of 1989.
Nagsilbi si Gaerlan bilang commander ngĀ AFP Education, Training, and Doctrine Command, assistant AFP deputy chief of staff for intelligence, commander ngĀ 3rd Marine Brigade, at Marine Inspector General.
“I am humbled and honored to stand before you as I assume as the TDCSAFP (The Deputy Chief of Staff AFP), a leadership post charged with a great amount of responsibility and a higher level of accountability,” ang sinabi ni Gaerlan sa kanyang talumpati.
HumingiĀ naman ng suporta si Gaerlan para sa modernisasyon ng military upang makamit aniya ng tropa ng pamahalaan ang layunin nito na maging “world-class armed force.”
“I urge everyone to continue to support the AFP modernization and transformation programs so that we can achieve our mission to become a world-class Armed Force and continue to value the enhancement of professionalism across the organization,” anito.
Kumpiyansa naman si Centino na magiging epektibo si Gaerlan bilang AFP deputy chief of staff, iginiit nito ang kadalubhasaan niĀ Gaerlan sa larangan ng intelligence, operations at personnel management.
āWithout doubt, his previous designations prepared him to take on greater tasks as the AFP’s third-in-command,” ayon kay Centino.
Hindi pa naman inaanunsyo ng militar kung sino naman ang magiging kapalit ni Gaerlan bilangĀ commandant ngĀ Marine Corps,Ā isang major sa ilalim ng Philippine Navy. Kris Jose
March 27, 2023 @7:04 PM
Views: 65
MANILA, Philippines – Arestado ang apat na indibidwal sa ikinasang serye ng operasyon ng National Bureau of Investigation-Cybercrime Division (NBI-CCD) dahil sa pagbebenta ng GCash accounts.
Iniharap ng NBI sa media ngayong Lunes, Marso 27, ang mga suspek na sina Jay Cortez y Orozco, Kevin Mark Maboloc y Yong, Jeffrey Miguel y Quimirit at Jeffrey Ilagan y Barraca.
Ayon sa NBI, nakatanggap ng impormasyon ang ahensya na mayroong mga Facebook accounts na sangkot sa pagbebenta ng GCash accounts na nag-ooperate sa Quezon City at Tondo, Manila.
Isinasagawa ang kanilang negosyo sa pamamagitan ng Facebook at Messenger.
Gamit ang undercover Facebook account, nakapagtransaksyon sa mga suspek ang mga awtoridad para hingin ang presyo ng bawat GCash account.
Sinabi ng mga suspek na bawat account ay mayroong P100,000 transaction at pwede silang makagawa ng hanggang 100 na account pa.
Nang magkasundo sa kanilang meet-up sa tatlong magkakahiwalay na pagkakataon at lugar, ikinasa na rin ang entrapment operation noong nakaraang linggo.
Sina Cortez at Maboloc ay naaresto sa Matandang Balara, Quezon City habang si Miguel ay naaresto sa Tondo at sa North Avenue, Quezon City naman nadakip si Ilagan.
Dinala sa Office of the City Prosecutor sa Quezon City ang mga suspek para sa kasong Access Devices Regulation Act of 1998. Jocelyn Tabangcura-Domenden
