P15M tanim na marijuana, sinunog

P15M tanim na marijuana, sinunog

April 17, 2022 @ 10:40 AM 2 months ago


KALINGA – Aabot sa mahigit P15 million halaga ng tanim na marijuana ang sinira ng Philippine Drug Enforcement Agency Cordillera Administrative Region o PDEA CAR sa bulubunduking bahagi ng Barangay Butbut Proper at Barangay Loccong, Tinglayan.

Sa pinagsanib na pwersa ng Tinglayan Municipal Police Station, Provincial Drug Enforcement Unit/Provincial Intelligence Unit (PDEU/PIU) Kalinga PPO, RID/RDEU PROCOR, 141 SAC, at 1503rd RMFB ay nagsagawa ng anti-drug operation kung saan ay natagpuan ang malawak na taniman ng marijuana.

Tinatayang may lawak na 7,500 square meters ang sukat ng lupang pinagtataniman ng iligal na droga kung saan sinira ang nasa 75,000 na piraso ng marijuana na may halagang P15 milyon mula sa market value ng Dangerous Drugs Board (DDB).

Hanggang sa ngayon ay inaalam pa ng awtoridad kung sino ang nasa likod ng malawak na pananim na marijuana sa lugar. Rey Velasco