P6.8M shabu, nasabat sa CamSur

P6.8M shabu, nasabat sa CamSur

January 21, 2023 @ 3:34 PM 6 days ago


MANILA, Philippines- Naaresto ng mga awtoridad ang hinihinalang drug personality at nasamsam ang  P6.8 milyong halaga ng shabu (crystal meth) sa buy-bust sa bayan ng Pili sa Camarines Sur nitong Biyernes.

Sinabi ni Police Colonel Julius Caesar Domingo, Camarines Sur police chief, nitong Sabado na naaresto si Ryian Magdalita, 35, residente ng Sampaloc, Manila, sa Barangay San Agustin dakong alas-7:50 ng gabi.

Napagbentahan ni Magdalita ng sachet na naglalaman ng 50 grams ng shabu na nagkakahalaga ng P150,000 ang isang undercover agent.

Narekober naman ng mga awtoridad sa body search ang apat pang knot-tied sachets na mayroong 950 grams ng shabu.

Nasa kustodiya na ng pulisya ang suspek at mahaharap sa kasong paglabag sa Comprehensive Dangerous Drugs Act of 2002. RNT/SA