Home METRO Paaralan sa QC binulabog ng bomb threat

Paaralan sa QC binulabog ng bomb threat

MANILA, Philippines – Binulabog ng bomb threat ang San Francisco National High School sa Quezon City nitong Lunes, Oktubre 2 ayon sa Quezon City Police District (QCPD).

Sinabi ni QCPD chief Police Brigadier General Redrico Maranan sa panayam ng GMA na na-clear na ang naturang paaralan mula sa anumang explosive materials.

“After the conduct of panelling operation, EOD-QCPD led by Police Staff Sergeant Ryan Talania declared cleared the school from any hazardous and explosives materials,” ani Maranan.

Batay sa initial report, sinabi ng isang guro na may isang Facebook account na nagpadala ng bomb threat bandang alas-6:23 ng umaga.

Humingi naman ng tulong ang isa pang indibidwal mula sa QCPD na kagyat naman nagpadala ng explosive ordinance disposal team para magsagawa ng operasyon.

Iimbestigahan na ng Anti-Cybercrime Group ang insidente upang matukoy kung sino ang nagpadala ng banta.

Dahil dito ay suspendido ang klase sa naturang paaralan. RNT/JGC

Previous articleLalaking ‘di sumunod sa utos ng tiyuhin pinagtataga, patay
Next articleMga miyembro ng Socorro Bayanihan posibleng mawalan ng tirahan