PAF: 2 Turkish-made attack helicopters handa nang umarangkada

PAF: 2 Turkish-made attack helicopters handa nang umarangkada

May 31, 2022 @ 11:10 AM 4 weeks ago


MANILA  Philippines- Inihayag ng Philippine Air Force (PAF) nitong Martes na ang dalawang Turkish-made T129 “Atak” attack helicopters na dumating sa bansa noong Marso ay “fully mission capable” na.

Sinabi ni Col. Maynard Mariano, PAF spokesperson, na nangangahulugan ito na handa na ang air assets para sa papel ng mga ito bilang “strike aircraft, with the crew and the pilots done with the training and ready to be employed in areas needed.”

Idineklara ang dalawang helicopters na “fully mission capable” kasunod ng Sanay Tudla 2 exercises, na isinagawa mula Mayo 16 hanggang 24 sa Col. Ernesto Rabina Air Base sa Capas, Tarlac.

Naka-assign ang T129s sa 15th Strike Wing nga PAF na naka-base sa Major Danilo Atienza Air Base sa Sangley Point, Cavite City.

“As for the geographic assignment, this is something that we cannot disclose,” ani Mariano.

“The T129 is a dedicated attack helicopter, much like the (Bell) AH-1S Cobra. This new system will complement the several surface strike systems of the Air Force and will be another game-changer in support to the numerous missions of the AFP [Armed Forces of the Philippines],” ayon pa kay Mariano. RNT/SA