PAF magtatalaga ng FA-50 sa sunod na ‘Pitch Black’ exercise

PAF magtatalaga ng FA-50 sa sunod na ‘Pitch Black’ exercise

September 2, 2022 @ 1:28 PM 1 month ago


MANILA, Philippines- Target ng Philippine Air Force (PAF) na palawigin ang partisipasyon niyo sa susunod na Australia-led “Pitch Black” multi-national air exercise sa 2024 sa posibleng deployment nito ng Mach 1.5 capable FA-50PH light jet fighters.

“The PAF aims to have a more extensive participation in the next iteration of Exercise Pitch Black in 2024 by projecting the involvement of its FA-50 light combat aircraft,” sabi ni PAF spokesperson Col. Ma. Consuelo Castillo nitong Huwebes.

Itinuturing ang South Korean-made jet aircraft, na 12 ang binili mula 2015 hanggang 2017, na premier air combat aircraft ng PAF at ginagamit para sa air defense, attack, at iba pang support missions.

Tanging PAF officers na may background sa air battle management and planning ang dumalo sa “Exercise Pitch Black 2022” (PBK22) sa Darwin, isang lungsod sa Australia, na nagsimula noong Agosto 19 at tatagal hanggang Setyembre 8.

Kabilang ang mga ito sa 580th Aircraft Control and Warning Wing (ACWW) ng Air Defense Command ng PAF.

“The Commanding General, PAF, Lt. Gen. Connor Anthony D. Canlas Sr., and the Commander, Air Defense Command, Maj. Gen. Augustine S. Malinit, are expected to take part and observe in the last week of the exercise where PAF air battle managers of the 580th ACWW of the Air Defense Command are taking lead and support roles in the conduct of the exercise scenarios,” dagdag ni Castillo.

Ang Royal Australian Air Force ang nag-host ng nasabing exercise.

Hindi naman bababa sa 15 bansa, halos 100 fighter at support aircraft, at tinatayang 2,500 personnel mula Germany, France, India, Indonesia, Japan, South Korea, Singapore, the United States, at sa host nation, Australia, ang nakibahagi sa gawain.

Ang “Exercise Pitch Black” ay isang biennial event at itinuturing na pinakamahalagang tactical air activity sa rehiyom. Tumututok ito sa malaking force employment at sumasaklaw sa complex management ng air operations.

“Exercise Pitch Black, other than its focus on evaluating international air forces’ planning and execution of large force employment, offensive counter air, and air interdiction scenarios in a complex environment, further aims to enhance regional security through multi-national interoperability. This presents PAF opportunities to strengthen its relationship and cooperation with other Air Forces,” pahayag ni Castillo. RNT/SA