Pagbabantay sa mga produkto sa merkado, mas palalakasin ng FDA

Pagbabantay sa mga produkto sa merkado, mas palalakasin ng FDA

July 29, 2018 @ 12:50 PM 5 years ago


 

Manila, Philippines РLalo pang palalakasin at paiigtingin ng Food and Drug Administration (FDA) ang monitoring at random testing ng mga regulated products sa merkado upang matiyak na tumatalima ang mga ito sa itinatakdang standards para safety at efficacy ng ahensya.

Ang pahayag ay ginawa ni FDA Director General Nela Charade Puno kasunod ng nauna nitong hakbang na magkaloob ng ¬†‚Äėautomatic approval ‚Äė sa mga aplikasyon para sa Certificates of Product Registration (CPR) na may anim na buwan o mas matagal pa na nakabinbin sa kanilang tanggapan.

Kasabay nito, nilinaw ring muli ni Puno, na ang naturang automatic approval privilege ay eksklusibo lamang sa mga aplikante na nakasunod na mga itinatakdang requirements at nakapagbayad ng application fees.

Nauna rito, nagpasya ang FDA na magpatupad na automatic approval sa mga aplikasyon ng CPR sa upang masolusyunan ang backlog ng mga aplikasyon ng CPR na hindi naaksyunan at minana pa nila sa nakalipas na administrasyon, at sa ngayon ay umaabot na sa mahigit 80,000.

Inatasan naman ni Puno si dating Police General Allen Bantolo, Officer-in-Charge ng FDA Regulatory Enforcement Unit, na paigtingin pa ang kanilang post-market surveillance, particular na sa food at drug products na siyang makikinabang sa automatic approval.

Ipinaliwanag ni Puno na bagamat dati naman na silang nagpapatupad ng post-market surveillance, ay paiigtingin pa nila ito at magpapakalat ng mas maraming tauhan upang magsagawa ng mas maraming surprise random testing para matiyak na napuprotektahan pa rin ang kaligtasan ng publiko.

‚ÄúThe automatic approval scheme does not give the manufacturers and distributors of the beneficiary-products an excuse not to comply with the strict standards we have set to protect public health and well-being,‚ÄĚ dagdag pa ni Puno.

Binalaan naman ni Puno ang mga aplikante na kaagad nilang ipapawalang-bisa ang CPR na ibibigay sa mga ito kung mapapatunayang lumabag sa standards na itinatakda ng FDA.

‚ÄúWe will not hesitate to nullify the CPR given to an entity which enjoyed this privilege and which are later proven to have not met the standards set by the FDA,‚ÄĚ aniya pa.

Ang naturang automatic approval ay nakatakdang ipatupad sa huling bahagi ng taong ito.  Macs Borja