Pagbubukas ng sinehan sa GCQ areas, ipinagpaliban ng mall optrs
March 5, 2021 @ 2:03 PM
1 month ago
Views:
88
Frenchlyn Del Corro2021-03-05T14:17:14+08:00
Manila, Philippines – Ipinagpaliban ng mall operators ang pagbubukas ng sinehan ngayong Marso 5 kahit pa pinayagan na ng gobyerno partikular na ang mga lugar na nasa general community quarantine (GCQ).
Maaalalang nag-isyu ang Department of Trade and Industry ng Memorandum Circular No. 21-08 kung saan pinapayagan ang mga sinehan na mag-operate nang hanggang 25% venue capacity.
Hindi rin pahihintulutan ang pagkain at pag-inom sa loob ng sinehan at dapat ding manatiling suot ang face mask sa lahat ng oras.
Isa na sa nagdesisyong hindi muna magbukas ay ang SM Supermalls.
“SM Cinemas will work closely with the LGUs on our reopening. We are prepared to open with strict safety standards for all customers. We will follow the LGU’s seat gap and capacity policies, keep face masks and shields on at all times, and deep cleaning done after every screening,” lahad ni Steven Tan, presidente ng SM Supermalls.
Ganoon din ang Ayala Malls habang naghihintay pa ng approval ng LGUs.
“In as much as we do want to reopen our Cinemas to welcome the movie-going public once again, we regret that we will not be able to do just yet as we are still waiting for the approval of the LGUs where Ayala Malls Cinemas are located. Until such time we receive formal advice from the City Mayors, our cinemas shall remain closed,” punto ni Charmaine Bauzon, Cinemas head ng Ayala Malls.
“We will follow DOH-IATF (Department of Health-Inter-Agency Task Force) guidelines and final LGU approval for cinema operations,” panig naman ng Robinsons Malls
Naghihintay pa rin ang Araneta City management ng anunsyo at pagpayag mula sa Quezon City government.
“But we have already put in place a safety protocol inside our cinemas in preparation for our reopening.” RNT/FGDC
April 17, 2021 @12:00 PM
Views:
10
Manila, Philippines – Binalaan ang mga residente sa pagkain ng mga shellfish mula sa anim na lugar sa bansa dahil sa positibo ito sa paralytic shellfish poison (PSP).
Tinukoy rito ang Dauis at Tagbilaran City sa Bohol; Tambobo Bay sa Siaton, Negros Oriental; coastal waters ng Calubian sa Leyte; Dumanquillas Bay sa Zamboanga del Sur; Balite Bay sa Mati City, Davao Oriental; at Lianga Bay at coastal waters sa Hinatuan sa Surigao del Sur.
Samantala, ligtas namang kainin ang mga isda, posit, hipon, at alimasag ngunit kailangang hugasan mabuti bago lutuin.
Samantala, idineklara naman ang Cancabato Bay sa Tacloban City, Leyte na wala nang toxic. RNT/FGDC
April 17, 2021 @11:47 AM
Views:
19
Manila, Philippines – Obyus na isang malaking biro o joke lang ang Facebook post ni Presidential Spokesperson kamakailan ang paghahalintulad niya kay James Reid.
Kunwari ay may kausap siyang saleslady na pinagtanungan kung magkano ang salamin, pero reflection niya ang makikita roon na may hawig daw sa batang aktor.
Pero sa dulo ng post ni Roque ay may #KalmaLangAkoTo.
Hindi ‘yon nagustuhan ng mga netizens na nag-comment na nabuang na o higit pa raw sa nabuang ito. Kesyo epekto raw ng pagkakaroon ng COVID-19 ang halusinasyon nitong kamukha niya si James Reid.
Matatandaang laging sinasalag ni Roque ang ilang mga pahayag ni Pangulong Duterte dismissing them as jokes na hindi dapat sineseryoso.
In fairness to Roque, may karapatan din siyang magbiro lalo’t hindi naman nakakapanakit ang kanyang patawa. Ronnie Carrasco III
April 17, 2021 @11:34 AM
Views:
19
Manila, Philippines – Hindi pa natatanggap ng Department of the Interior and Local Government ang mga reklamo tungkol sa maanomalyang pamamahagi ng ayuda.
Sinabi ni DILG Usec. Jonathan Malaya na nakikipag-ugnayan na sila sa Presidential Anti-Corruption Commission para sa sinasabing mga iregularidad.
Maaalalang naunang sinabi ni PACC chairman Greco Belgica na nasa 8,000 na ang natanggap nilang reklamo.
“Kami po ay nakikipag-ugnayan na sa PACC tungkol sa complaints na natanggap na nila. Kami po ay nabahala rin na umabot na sa 8,000 ang reklamo ang kanilang natanggap.”
“Hindi po malinaw sa amin kung anong reklamo ito. So far ang natatanggap namin ay hindi tungkol sa anomalya or corruption,” saad ni Malaya.
Sa report, makatatanggap ng P1,000 hanggang P4,000 na ayuda ang mga residenteng apektado ng NCR+ sa ipinatupad na ECQ. RNT/FGDC
April 17, 2021 @11:21 AM
Views:
21
Manila, Philippines – Ipinagpaliban ang pagbubukas ng Light Railway Transit 2 station sa June 23 dahil sa kinakaharap na COVID-19 pandemic ng bansa.
“The schedule adjustment was made following recent developments in the country’s COVID-19 situation despite the project already being substantially complete,” saad ng pamunuan.
“It was decided to reset the inauguration date to protect the health and safety of rail workers and the riding public,” dagdag pa ng DOTr.
Sa ulat, magkakaroon ang LRT-2 ng dalawang istasyon sa Marikina City at Antipolo sa Rizal.
Makapagsasakay rin ito ng 80,000 pasahero kada araw. RNT/FGDC
April 17, 2021 @11:08 AM
Views:
23
Manila, Philippines – Maaaring gawing vaccination site ang mga bukas na lugar tulad ng gymnasiums, auditoriums, arenas, at iba pang lugar, batay sa National Task Force (NTF) Against COVID-19 Chief Implementer Secretary Carlito Galvez Jr.
“Maganda nga itong ginawa nila Sir Lino atsaka ‘yung SM groups na talagang binigyan nila ng space ang ating mga mamamayan, especially ‘yung seniors atsaka ‘yung merong comorbidities (Sir Lino and the SM group are doing a good job of allotting space for the people, especially for the elderly and those with comorbidities,” saad ni Galvez.
Pinapurihan din nito ang ilang local government at pribadong sektor dahil sa nasabing inisyatibo.
“We can see that we have minimized the crowding of people here.”
May tatlong klase ng vaccination center sa Taguig.
Ito ay ang mega-vaccination hub, community vaccine centers, at mobile vaccination bus.
“‘Pag bumibisita kami dito, meron ibang out-of-the-box kaming natutunan,” ani Galvez. RNT/FGDC
