Pagdami ng populasyon ng bansa, bumagal

Pagdami ng populasyon ng bansa, bumagal

July 15, 2021 @ 6:30 AM 1 year ago


MANILA, Philippines – Nakitaan ng downward trend o pagbaba ng antas ng pagdami ng populasyon ang Pilipinas.

Batay sa inilabas na census ng Philippine Statistics Authority (PSA), umabot na sa 109,035,343 ang populasyon ng bansa noong 2020, walong milyong mas mataas sa 100,981,487 noong 2015.

Pero kung ikukumpara noong 2010 hanggang 2015, na mayroong 1.72% population growth rate, nasa 1.63% lamang ang nangyaring pagtaas sa populasyon mula 2016 hanggang 2020.

“Isa sa mga rason of course ang preference ng maraming pamilya na mas maliit ‘yung family size, but this is not unique, itong 2015-2020 because we are seeing a downtrend in terms of population growth several censuses already,” ani PSA Civil Registrar General Dennis Mapa.

Naniniwala naman ang National Economic and Development Authority, na ang pagbagal ng pagdami ng populasyon ay resulta rin ng mga reproductive health program, na nakatutulong din sa ekonomiya.

“There is progress on our reproductive health program. Total fertility rate is falling, more women are more educated and better managing their families and the population growth is also falling,” saad ni NEDA Secretary Karl Chua.

Bagama’t maganda ang epekto sa ekonomiya, sinabi ng Commission on Population and Development na kailangan pa itong sabayan ng iba’t ibang programa.

“We are hoping kung patuloy ang ganitong trend, by 2025, we will be able to reach a population growth and fertility na makakasabay na tayo sa ibang mga bansa dito sa Asya na mas maunlad,” ani POPCOM Undersecretary Juan Antonio Perez III. RNT