Paggawa ng DIY Double Mocha sa halagang P80, alamin

Paggawa ng DIY Double Mocha sa halagang P80, alamin

August 13, 2021 @ 8:25 PM 12 months ago


MANILA, Philippines – Hindi mo na mami-miss ang lasa ng kape sa mga coffee shop dahil may lifehack upang magawa mo ito nang hindi ka lumalabas ng bahay!

Isa ang Double Mocha coffee sa mga inuming bentang benta sa mga coffee lovers gaya ng TikTok user na si Ivan Royce Pedron (@ivanroycep).

Ayon pa sa kanya, halos dalawang taon na s’yang hindi nakakalabas ng bahay at nakakatikim nito bunsod ng pag-iingat mula sa coronavirus na hatid ng pandemya, kaya naisipan niyang mag DIY (do-it-yourself) nalang sa paggawa nito sa loob ng kanilang tahanan.

“Double Mocha, the drink was inspired by Starbucks’ triple mocha. We can’t go out that much for almost two years, so I tried to recreate one of my favorite coffee drinks.” pahayag ni Pedron sa isang panayam.

Binahagi niya ang mga sangkap na ginamit niya at ang mga hakbang sa paggawa nito.

Ayon kay Pedron ang mga sangkap na kanyang ginamit ay chocolate ice cream; Milo; gatas at kape na kanyang nais.

“So first in a mug, mixed in Milo. Milk and Coffee. Then in a glass, add the ice cream first then pour in the coffee mixture. Whipped Cream is optional. Coffee is all about your personal preference so feel free to adjust to your taste.” pagpapaliwanag ni Pedron sa paggawa ng naturang inumin.

Nang tanungin siya kung ano ang nakapagbigay ng inspirasyon sa kanyang paggawa ng mga DIY drinks tulad ng Double Mocha, sinabi niyang ito’y bunsod ng pagkahilig n’ya sa panunuod ng mga Korean home cafés sa Youtube.

“I was inspired by Korean home cafes on Youtube. I enjoyed watching them before I started my account. Also, there’s something in me that made me want to be a barista. I enjoy mixing different beverages to create something delicious.” tugon ni Pedron.

“Aside from [the fact that] I love the whole process of creating content, I continue sharing DIY drinks as I feel like I am helping other people. Some of my followers sent me messages saying they tried the drink and even used my recipe for a school project.” dagdag pa niya.

Batay pa sa kanyang pahayag, inihahandog n’ya ang kanyang ‘coffee series’ para sa mga kababayan nating magsasaka.

“The coffee series, it’s dedicated to our local farmers. Without them, we would not be able to enjoy coffee.” pagpapatuloy ni Pedron.

Sa pangkalahatan, inabot lamang ng P80.00 ang nagastos ni Pedron sa paggawa ng kanyang Tiktok-famous coffee drink na Double Mocha.

Kung nais mo ring subukang gumawa nito, maaaring mapanuod ang aktwal na bidyo ng paggawa niya ng coffee drink na ito sa sumusunod na link: https://bit.ly/3jq96VG -RNT/Ethel Mangao -trainee