Paghihigpit sa mga biyahero galing Tsina, sinisilip ng PH gov’t – DOTr

Paghihigpit sa mga biyahero galing Tsina, sinisilip ng PH gov’t – DOTr

December 28, 2022 @ 4:26 PM 4 weeks ago


MANILA, Philippines- Posibleng magkasa ng Philippine government ng mahigpit na travel requirements sa mga biyahero galing China, na kinalos na ang zero-COVID policies nito, sa patuloy na pagharap ng Asian super power sa dumaraming COVID-19 cases, ayon kay Transportation Secretary Jaime Bautista nitong Miyerkules.

Sinabi ni Bautista na dapat mag-ingat ang bansa sa pagtanggap ng inbound travelers galing China.

Kung anong mahigpit na alituntunin ang ikakasa sa mga biyahero galing China,iminumungkahi ng Transportation chief ang RT-PCR testing sa pagdating nila sa Pilipinas.

“In Hong Kong, they are now open but need RT-PCR test. We can also do that,” ani Bautista.

“We will look at what other countries are doing… Other ASEAN countries are also cautious in accepting Chinese visitors,” dagdag niya.

“We should be cautious with Chinese travelers coming in to the Philippines, giit pa ni Bautista.

Inanunsyo ng Flag carrier Philippine Airlines ang pagbabalik sa Enero ng flights nito sa Manila at Xiamen. RNT/SA