Pagliyab ng Bohol fastcraft posibleng nagsimula sa engine room – PCG

Pagliyab ng Bohol fastcraft posibleng nagsimula sa engine room – PCG

June 28, 2022 @ 1:12 PM 1 month ago


MANILA, Philippines- Inihayag ng Philippine Coast Guard (PCG) nitong Martes na batay sa inisyal na imbestigasyon, maaaring nagsimula ang sunog sa isang astcraft vessel sa Bohol mula sa engine room.

Sinabi ni PCG spokesperson Commodore Armand Balilo na patuloy pa rin ang imbestigasyon sa insidente.

“Sa initial inquiry ayon sa kapitan at crew, mukhang sa engine room na naman po nagsimula itong sunog na nangyari dito sa fastcraft,” aniya.

Matatandaang nagliyab ang fastcraft na MBCA Mama Mary Chloe sakay ang 157 pasahero at walong crew sa dagat sa pagitan ng Tugas at Tilmobo Islands sa Bohol.

Isa ang nasawi sa insidente, habang 164 ang nakaligtas. RNT/SA