Pagluklok muli ni Digong sa presidency sa ‘succession’ ‘di pwede – 1Sambayan convenor

Pagluklok muli ni Digong sa presidency sa ‘succession’ ‘di pwede – 1Sambayan convenor

July 12, 2021 @ 7:42 PM 1 year ago


MANILA, Philippines – Hindi umano maaring makabalik sa pagkapangulo si Pangulong Rodrigo Duterte kapag nanalo itong bise presidente sa 2022 kahit pa sa pamamagitan ng succession.

Ang succession ay ang pagpalit ng Bise Presidente sa Pangulo ng bansa kapag ka may nangyaring masama rito tulad ng pagkasawi.

Matatandaang base sa konstitsuyon ay hindi na maaring maging Pangulo ng bansa ang dati nang Pangulo na nakapagtapos ng termino, sa pamamagitan ng reelection.

Ngunit sa paghayag ni Duterte ng interes sa pagtakbo sa pagkabise ay pinalulutang naman ang ideya na maaari siyang maging Presidente muli sa pamamagitan ng succession.

Sa pagtantsya naman sa isyu ni 1Sambayan convenor at Atty. Howard Calleja na ang posibleng pagkapanalo ni Duterte sa vice presidential race ay maaring maikonsiderang “backdoor to the presidency.”

“He cannot succeed [to the Office of the President] because if that happens it would be a perpetuation of a dynasty [and] a dictatorial or an authoritarian regime,” ani Calleja sa isang webinar.

“We have to admit to the clear intent of the Constitution that any president, any person who has served as president shall only be allowed to serve one term for a maximum of six years.”

 “There is no way in the Constitution that allows any president or any person to serve more than six years as president,” dagdag pa ni Calleja.

Sinabi naman ni Lawyer Michael Henry Yusingco ng Ateneo School of Government na hindi pinapayagan sa 1987 Constitution na magkaroon ng dalawang magkasunod na termino ang isang Pangulo.

“Allowing an incumbent president to run for VP is essentially risking the country to return to where we were before Martial Law. Allowing an incumbent president to run for VP is gambling with everything that we have gained as a democracy under the 1987 Constitution,” aniya pa.

Nauna naman nang sinabi ng Malacañang at ni Justice Secretary Menardo Guevarra na walang prohibition sa Kontitusyon na nagsasabing bawal tumakbo sa mas mababang pwesto ang Pangulo pagkatapos ng termino niya. RNT