Pagpapalit ng ‘outdated’ laptops pinag-aaralan ng DepEd

Pagpapalit ng ‘outdated’ laptops pinag-aaralan ng DepEd

August 10, 2022 @ 5:06 PM 2 months ago


MANILA, Philippines- Inihayag ng Department of Education (DepEd) nitong Miyerkules na tinitingnan nito ang posibilidad ng pagpapalit ng “outdated and pricey” na laptoppara sa mga guro na binili sa pamamagitan ng Procurement Service of the Department of Budget and Management (PS-DBM) noong 2021.

Sa isang press conference, sinabi ni DepEd spokesperson Atty. Michael Poa na may dalawa silang approach sa isyu ng P2.4 bilyong halaga ng mga laptop na binili para sa mga guro sa gitna ng COVID-19 pandemic: internal na suriin ang laptop upang agad na magamit; o magkasa ng legal remedies para rito.

“Kung talagang mabagal po talaga ‘yung mga computers [if these computers are really slow] and not up to par with what we wanted, ‘yan pong mga computers as far as I understand, ay covered pa rin ng warranty,” pahayag niya.

“What we will do, aside from addressing the concerns of the teachers now doon sa mabagal na computers, we will also, in coordination with PS-DBM,…we will invoke the warranty provision under contract dito sa supplier ng ating laptops,” dagdag niya.

Kabilang sa mga rekomendasyon ng Commission on Audit (COA) nang sitahin ang DepEd sa isyu ay “evaluate the concerns raised by the recipients on the conditions, performance, and technical specifications of the laptops and communicate the same to DBM-PS for appropriate action.”

Sakaling hilingin ng DepEd ang warranty provisions ng laptop supplier, sinabi ni Poa said na susuriin nila kung mayroong magagawa ukol sa mga laptop o kailangan na agad palitan ang mga ito.

“We are trying to remedy the situation with this one kasi malamang, ito ‘yung gagamitin nila for this coming school year,” aniya.

Nakatakdang umarangkada ang School Year 2022-2023 sa Agosto 22. RNT/SA