Pagpatay sa NegOr gov, 8 pa kinondena ng Senado
March 7, 2023 @ 1:52 PM
2 weeks ago
Views: 253
Shyr Abarentos2023-03-07T14:17:27+08:00
MANILA, Philippines- Pinagtibay ng Senate ang dalawang resolusyon nitong Lunes na nagpapahayag ng simpatiya at pakikiramay sa pagpaslang kay Negros Oriental Governor Roel Degamo kabilang ang walo pang indibiduwal saka kinondena ang serye ng political killings sa bansa.
Pumabor ang lahat ng miyembro ng Senado at naging co-author sa pagtitibay sa Senate Resolutions No. (SRN) 520 (Adopted Resolution No. 47) at 517 (Adopted Resolution No. 48), na kapwa inisponsor ni Senate President Juan Miguel “Migz” F. Zubiri.
“The tragic death of Governor Degamo is a great loss not only to his bereaved family but to the province of Negros Oriental as well, and the Senate of the Philippines joins Negros Oriental in mourning the death of its patriarch,” ayon sa SRN 520.
Kasabay nito, personal na kinondena din ni Senador Cynthia Villar ang pagpaslang kay Degamo dahil kapwa sila miyembro ng Nacionalista Party na pinamumunuan ni dating Senate President Manny B. Villar.
“I rise to co-sponsor, with a heavy heart, Proposed Senate Resolution No. 520, taking into consideration the Proposed Senate Resolution No 521 I filed, expressing the Senate’s profound sympathy and condolences on the untimely demise of Governor Roel Ragal Degamo of Negros Oriental,” ayon kay Villar.
Sinabi ni Villar na kasama siya sa buong bansa sa pagkondena sa mabangis na pag-atake ng armadong killer habang dumadalo si Governor Degamo sa pangangailangan ng nasasakupan sa kanyang tahanan sa Pamplona, Negros Oriental.
Bukod kay Degamo, napatay din ang walo pang indibiduwal na nandoon sa lugar ng pinangyarihan ng krimen na pawang tauhan at miyembro ng tanggapan ng opisyal.
“Their death is senseless and despicable, to say the least, and has no place in a civilized and democratic society,” ayon kay Villar.
Sa kanyang sponsorship speech, inilarawan ni Zubiri si Degamo bilang “hardworking civil servant” na nag-iwan ng legasiya ng paglilingkod, disiplina at pagpapakumbaba sa kanyang political career.
“The fact that he spent his last moments on earth opening his home and attending to his constituents is telling of the kind of man he was. A truly committed public servant,” ayon sa Senate President.
“We are taking this time to honor Gov. Degamo, who has exemplified kindness, generosity, competence, diligence, hard work, patriotism, and bravery while in public service,” ayon din kay Villar.
Pinatay si Degamo, 56 anyos, ng mababangis na hired killer na armadong ng matataas na kalibre ng baril sa loob mismo ng kanyang compound noong Marso 4. Namamahagi si Degamo ng tulong pinansiyal sa mga benepisaryo ng Pantawid Pamilyang Pilipino Program (4Ps) nang paslangin siya kasama ang walong iba pang indibiduwal.
“To the families and constituents of Gov. Degamo and others, whose families are victims of these senseless killings, we are one with you in demanding justice,” giit naman ni Senate Majority Leader Joel Villanueva.
Naghandog din ng sariling pakikiramay sina Senador Pia Cayetano, Ronald “Bato” M. Dela Rosa, Christopher Lawrence T. Go, Win Gatchalian, Raffy Tulfo, Risa Hontiveros, at Jinggoy Ejercito Estrada sa nagdadalamhating pamilya ni Degamo sa kanyang magkakahiwalay na manipestasyon sa pagtalakay ng naturang resolusyon.
Kasabay nito, nanawagan naman ni Villar sa lahat ng law enforcement agencies ng pamahalaan na kumilos kaagad at pabilisin ang imbestigasyon upang makatotohan ang matukoy at madakip ang sinumang nagsagawa at nagpagawa ng pagpatay.
Pinatutugis din ni Villar ang lahat ng sangkot kabilang ang mastermind sa pagpaslang kay Degamo upang papanagutin sa lahat ng karahasan na kanilang ginawa sa inosenteng biktima.
“We call on our law enforcement agencies to act with dispatch and fast track the investigation to truthfully identify and catch not just the perpetrators who brutally shot the victims, but also the mastermind/s who instigated the attack on the Governor so that all of them may be held accountable for the atrocity they have committed and so that they may no longer be allowed to do other acts of violence unto others,” ayon kay Villar.
“As we join the collective call that truthful justice be served on the death of Gov. Degamo and of the 8 other people who died with him, we are taking this time to honor Gov. Degamo, who has exemplified kindness, generosity, competence, diligence, hard work, patriotism and bravery while in public service,” giit pa ng stalwart ng Nacionalista Party.
Sa kabilang dako, kinondena din ng Senado sa pamamagitan ng SRN 517, ang patuloy na pagtaas ng bilang ng political killings at pag-aambus sa halal at itinalagang opisyal ng pamahalaan.
Tinukoy ng resolusyon na bukod kay Degamo, mayroon pang tatlong local execuives ang nasugatan o napatay sa ambush sa nakalipas na 15 araw – mula February 17 hanggang March 3.
“Injustice and violence do not have a place in any civilized society, and no cause justifies brutalities against the lives of all persons,” ayon kay SRN 517.
“The Senate of the Philippines, in the strongest sense, urges the Philippine National Police and other law enforcement agencies to exert all efforts to bring the perpetrators to justice not only for the sake of all victims and their families but also to ensure that the rule of law is upheld at all times for an orderly and peaceful society,” dagdag ng resolusyon. Ernie Reyes
March 23, 2023 @7:40 PM
Views: 52
MANILA, Philippines- Sinabi ni Pangulong Ferdinand R. Marcos Jr. na mino-monitor ng Board of Investments (BOI) ang 90 active investment leads mula Chinese companies ng iba’t ibang sektor kasunod ng kanyang state visit sa China noong Enero.
“I am pleased to share that as of February 2023, the BOI, the Board of Investments is monitoring 90 active investment leads from Chinese companies engaged in manufacturing, information technology, business process management, and renewable energy,” ayon kay Pangulong Marcos sa kanyang naging talumpati sa idinaos na 33rd Biennial Convention ng Federation of the Filipino-Chinese Chambers of Commerce and Industry Inc. (FFCCCII) sa Pasay City.
“May you all take hold of and maximize these prospects as you venture into your next endeavors for the benefit of our people and for our communities,” ang sinabi ng Pangulo sa mga opisyal at miyembro ng FFCCCII.
Pinahalagahan ang naging partisipasyon ng FFCCCII sa kamakailan lamang na presidential visit sa China, tiniyak ni Pangulong Marcos sa Chinese-Filipino businessmen na ang usapin na nabanggit noong Setyembre sa courtesy call ay natugunan na ng kanyang administrasyon.
Upang makapanghikayat ng mas maraming investments sa energy sector, at tiyakin na sapat ang power supply at mababa ang electricity costs, sinabi ng Pangulo na inamiyendahan ng kanyang administrasyon ang Implementing Rules and Regulations (IRR) ng Renewable Energy Act, nag-alis sa foreign ownership restrictions para sa ilang Renewable Energy (RE) generation projects sa Pilipinas.
Upang mas ma-streamline ang business permit at licensing processes, nagpalabas ang administrasyon ng Executive Order na naglalayong “constituting green lanes for strategic investments.”
“These are just some of the recent exciting opportunities, proving that the relationship between the government and the federation remains enduring and thriving in a highly globalized world,” ayon sa Pangulo sabay sabing bilang head of state, tungkulin niya na lumikha ng “enabling environment” para sa mga negosyo at gawing investment haven ang bansa.
“In return, I only ask that you continue to do what you do best: to remain industrious, innovative, and compassionate in improving the lives of our people through your business initiatives,” ang wika ng Pangulo.
Kinilala naman ng Pangulo ang papel ng FFCCCII bilang “catalyst for growth” mula ng magsimula ito noong 1954, binigyang diin ang inisyatiba para makaabot hangga’t maaari sa mas maraming komunidad bitbit ang Operation: Barrio Schools and Operation: Bakuna nito.
“We deeply appreciate your assistance in conducting medical missions and typhoon
and earthquake relief operations. As you conduct your biennial convention today, may you reaffirm your commitment to support the government in accelerating the country’s development efforts,” diing pahayag ni Pangulong Marcos.
Ang FFCCCII ay isang non-stock, non-profit corporation na binubuo ng 170 member chambers at trade associations sa iba’t ibang bahagi ng bansa, aktibong nauugnay sa “trading, manufacturing, service industry at iba pang economic activities.”
“The Federation’s four-day convention, attended by around 820 delegates including the country’s top Filipino-Chinese business leaders, has for its theme: “Unity for Development and Prosperity.” ayon sa ulat. Kris Jose
March 23, 2023 @7:30 PM
Views: 63
MANILA, Philippines- Makatatanggap ng mas mataas na honoraria ang poll worker na magsisilbing Electoral Boards (EBs) sa darating na Barangay at Sangguniang Kabataan Elections (BSKE), inihayag ng Commission on Elections (Comelec) ngayong Huwebes.
Ayon kay Comelec Chairperson George Garcia, ang mga guro na magiging bahagi ng mga botohan sa Oktubre 2023 ay nakatakdang tumanggap ng minimum na P8,000 hanggang P10,000.
“We will make it PHP10,000; PHP9,000 and PHP8,000. We will match it to what teachers receive in automate elections,” ani Garcia sa press conference.
Ayon kay Garcia, gagawin itong epektibo sa Barangay at SK elections.
Pero sinabi ni Garcia na hindi exempted sa Value Added Tax (VAT) deduction ang pagbabayad para sa mga guro dahil sasailalim pa rin sa 20 percent VAT ang honoraria ng mga guro.
Mas mataas ang bagong bayad kaysa sa natanggap ng mga guro sa nakaraang BSKE, na nasa P6,000, P5,000, at P4,000.
Sa botohan noong May 2022, mahigit 75,000 guro ang nagsilbi bilang Electoral Boards.
Ang EB ay binubuo ng isang tagapangulo, dalawang miyembro, Department of Education Supervisor Official (DESO) at support staff. Jocelyn Tabangcura-Domenden
March 23, 2023 @7:22 PM
Views: 56
MANILA, Philippines- Tuluyan nang ipagbabawal ang pagtuturo sa lahat ng public school ang anumang may kinalaman sa SOGIE o sexual orientation and gender identity expression sa estado ng California, United States.
Sa ngayon, mula Kindergarten hanggang Grade 3 pa lang ito ipinagbabawal subalit sa mga darating na araw, maging sa buong K to 12 na.
Ito’y makaraang ipanukala ng Florida Department of Education sa State Board of Education ang pagbabawal ng SOGIE nang buo.
Hindi na umano kailangan pang idaan ang panukala sa kamay ng mga mambabatas sa nasabing estado at dedesisyunan na ito ng State Board sa Abril 17.
Nauna rito, inaprubahan ang pagbabawal ng SOGIE sa mababang antas ng mga eskwelahang pampubliko ni Republican Florida Governor Ron DeSantis noong nakaraang taon.
Ipinaalam na ito sa mga magulang ng mga bata ang nasabing batas at ang panuklang magpapalawak nito sa buong sistema ng edukasyon, ayon kay DeSantis spokesperson Bryan Griffin.
Walang dahilan para ituro ito sa mga eskwela at dapat nang buong itigil ito, dagdag niya.
Kung gusto ng iba na ituro o pag-usapan ito, sa labas na lamang umano ng eskwela.
Binatikos naman ito ng mga nagtataguyod ng Lesbian, Gay, Bisexual, Trasgender and Queer at kasama nila si White House spokesman Karine Jean-Pierre na isang Democrat nagsabing maling-mali ang panukala.
Kasama ang Florida ng Alabama, Louisiana, Arizona, Mississippi, Oklahoma, South Carolina, Texas, Utah at North Carolina na nagbabawal sa mga pampublikong eskwela na isama sa aralin ng mga bata ang SOGIE. RNT
March 23, 2023 @7:20 PM
Views: 70
MANILA, Philippines- Naaresto ng Criminal Investigation and Detection Group (CIDG) personnel ang 16 wanted na indibidwal sa two-day simultaneous anti-criminality campaign.
Sinabi ni CIDG chief Brig. Gen. Romeo Caramat na sa ilalim ng flagship project ng grupo, ang kampanya laban sa wanted persons o Oplan Pagtugis, nagsagawa ng 16 pursuit operations na nagresulta sa pagkakaaresto ng 16 wanted persons (WPs)– lima na nakalista sa regional; dalawa sa ilalim ng provincial; isa sa municipal level, at walo pang wanted persons.
Nagsagawa ang grupo ng 31 operasyon, kung saan nalambat ang 39 suspek sa simultaneous anti-criminality campaigns noong March 18 at 19.
Inihayag ni Caramat na sa kampanya laban sa loose firearms sa ilalim ng Oplan Paglalansag Omega, naaresto ng CIDG ang isang suspek sa police operation at nasamsam ang apat na firearms.
Nagresulta ang Oplan Bolilyo o kampanya laban sa illegal gambling sa pagkakaaresto sa 11 indibidwal aat pagkakasabat ng bet money na nagkakahalaga ng P6,810 sa apat na operasyon.
Ayon kay Caramat, nagresulta naman ang Oplan Kalikasan sa pagkakaaresto ng 11 indibidwal, habang 23 minors ang nasagip sa kampanya laban sa law enforcement activities.
“(The) CIDG is relentless in the implementation of its flagship programs to put an end on all illegal activities and hold criminals accountable. Makakaasa kayo na kami ay patuloy na kikilos at tutugon sa anumang paraan upang mapanatili ang ligtas at payapang komunidad,” aniya. RNT/SA
March 23, 2023 @7:10 PM
Views: 67
MANILA, Philippines- Nagpalabas ang Philippine Atmospheric, Geophysical and Astronomical Services Administration (PAGASA) nitong Huwebes ng El Niño Watch kung saan nakasaad ang mas mataas na tiyansa ng El Niño conditions sa ikatlong quarter ng 2023.
Sinabi ni PAGASA-Climate Monitoring and Prediction Section chief Ana Liza Solis na inisyu ang El Niño Watch, dahil naging mas pabor ang climate conditions para sa pagkakaroon ng El Niño sa susunod na anim na buwan, sa tiyansang 55 porsyento.
Batay sa conditions at model forecasts kamakailan,sinabi ni Solis na posibleng magkaroon ng El Niño sa July-August-September 2023 season at umabot hanggang 2024. Huling nagkaroon ng El Niño noong 2018-2019.
Patuloy na binabantayan ng PAGASA ang El Niño Southern Oscillation (ENSO) conditions sa tropical Pacific mula nang ipalabas ang huling La Niña advisory noong March 10.
Base kay Solis, karaniwang nagdudulot ang namumuong El Niño ng paglakas ng southwest monsoon, dahil bago ang tagtuyot, ilang bahagi ng bansa partikular ang kanlurang parte, ang maaaaring makaranas ng “above-normal” rainfall.
Binanggit niyang halimbawa ang Ondoy na nagdulot ng malakas na pag-ulan sa Metro Manila at mga karatig-lugar sa pre-development ng El Niño noong 2009.
Batay sa latest analysis, inihayag ni Solis na maaari ring makaapekto ang El Niño sa pag-ulan sa Visayas at Mindanao, dahil makararanas umano ang mga rehiyong ito ng“below-normal” rainfall sa mga susunod na buwan.
Inabisuhan naman nito lahat ng concerned government agencies at ang publiko ba bantayan ang official updates at mag-ingat laban sa epekto ng El Niño. RNT/SA
