Pagpayag sa mga bata na makalabas pwedeng desisyunan ng LGUs 

Pagpayag sa mga bata na makalabas pwedeng desisyunan ng LGUs 

July 10, 2021 @ 2:35 PM 1 year ago


Manila, Philippines – Iginiit ni treatment czar Undersecretary Leopoldo Vega na dapat pa ring sumunod ng mga 5-anyos pataas sa standard public health protocols habang nasa labas at maaari pa rin itong desisyunan ng local government units.

“Ang mga 5 years po, alam natin itong age group na ito mababa ang kanilang cases of COVID pero sinabi nga ng IATF na kung lalabas man sila better kung may minimum public safety kagaya ng mask, para ‘di nila makuha ang virus sa environment at public,” lahad ni Vega.

 “Nagbigay na ng policy ang IATF. However, nasa discretion ng local government unit ‘yan lalo na sa mga different areas na may higher quarantine position. Kung makikita nila na pwede namang lumabas ang mga bata na 5 years old and above dahil MGCQ na sila pwedeng mapayagan ng local government unit.”

Maaalalang pinayagan na kahapon ng inter-agency task force on COVID-19 ang paglabas ng mga limang taong gulang pataas sa mga lugar na nasa ilalim ng general community quarantine at modified GCQ bukod sa may heightened restrictions.

“[But outdoor areas] shall be limited to parks, playgrounds, beaches, biking and hiking trails, outdoor tourist sites and attractions as may be defined by the Department of Tourism, outdoor non-contact sports courts and venues, and al fresco dining establishments in the previously mentioned areas.”

Ipinagbabawal pa rin ang pagpasok nila sa mall.

Sa panig ni Metropolitan Manila Development Authority chairman Benhur Abalos, maaaring magpatupad ang LGUs ng iba pang kailangan.

“It’s up to the LGU. They can impose additional requirements, pwede nila taasan ng edad or probably baka ‘yung iba, ayaw pa sa ganito.”

“Tinitingnan natin sa ibang LGU. Pero sila Mayor Lino (Cayetano) ng Taguig, ang dami nila open spaces, OK ‘yan. Quezon City for one, si Mayor Joy (Belmonte) nakausap ko. These are things you got autonomy [on],” dagdag pa nito. RNT/FGDC